Hebro 5:2 - Takarata pɛ Sɔ Mbombe Mbon

² Gasa wan-hasadaka ingɔ dea kobhe tɛ hio tam-tum wi ka yɔa wal, hazu wɛnɛ fin nɛ mɔkaa gbesi tuka mbwa.

Hebro 5:2 Referans Kwoze

Hebro 4:15

Gasa wan-hasadaka pɛ ɔ ingɔ pɔsa pɛ ɔ, nɛ wɛnɛ ha dea kobhe tɛ ɔ, hazu *Satan wea sila wa tuka pɛ ɔ. Ma, pɛa, a tɛ de gdangamɔ ndang na.

Hebro 2:18

Sising, wɛnɛ lɛma mɛ gbakiri hio wi ka ma mɔ we sila mbwa, hazu wɛnɛ fin bakpa yimtɛ nɛ mɔ bawe sila wa gbesi.

Hebro 7:28

Hio wi ka tɛ bo nê gasa wan-hasadaka nɛ wal mbonga pɛ Moïse, mbwa nê hio mɔka wi. Ma, ha pata haa mbonga ha Moïse, Sɔ gdea Bewei pɛa nɛ wal kanamɔ tuka gasa wan-hasadaka ka lɛma wɛɛ kpoo nɛ kpoo.

Hebro 12:13

Ɛnɛ ayolsi mbango ka ɛnɛ nɛ nɔ ang tuka nde, wi ka nanga wa sɛkara, alunsiri yo na, ma, a bekpasi.

Galasi 4:13

Ɛnɛ ingɔ nɛdedea nde, yo nê zɛlɛ ha gbosisi wal ha mi mɛ bul *Dede Wen ha ɛnɛ nɛ bosia.

2 Korente 12:5

Mi belukisi tɛ mi hazu wi ɛngɛ. Ma, mi lɛm lukisi tɛ mi nɛ pɔm tɛ na. Mi lɛma lukisi tɛ sɔna hazu mɔ ka osi nde, mi nê mɔka wi.

1 Timothée 1:13

Sɔngsi, mi dungɔ ha fɛngsa wɛnɛ, ha namala wɛnɛ, nɛ ha yaa wɛnɛ. Ma, a kpala tɛ de kobhe tɛ mi hazu mi tɛ ing mɔ ka mi dea na, nɛ mi tɛ mɛkiri ka wɛnɛ na.

2 Korente 11:30

Ka mi lɛma mɛ lukisi tɛ mi, mi belukisi tɛ hazu mɔ fɛt ka osi nde, mi nê mɔka wi.

Dede Wen hazu Jésus-Christ ka Luc ngɛraka 22:32

Ma, mi gɔa Sɔ hazu mɛ nde, ka mɛ alak mɛkaramɔ gde na. Nɛ hapata, ka mɛ bekifiri fin ha pɔm, lɛma nde, mɛ angasisi hio ya mɛ.»

Efeze 4:18

Zang takaramɔ pɛ mbwa dung tuka tutum. Mbwa dung nɛ yɛa ha mbombe tunɔ ka Sɔ ha ha hio wi, hazu mbwa gdɔka sila mbwa. Mɛgi, mbwa ing hio mɔ pɛ Sɔ na.

Hebro 2:17

Hazu ɛngi, lɛma ka se nde, wɛnɛ atɛ gbesi tuka hio ya wa ha hio mɔ fɛt. Mɛgi wɛnɛ tɛ bo nê gasa wan-hasadaka ka dung nɛ mboazu ha tom Sɔ, ka de kobhe tɛ hio wi, nɛ ka bisi *sɛmbɔ pɛ mbwa yunɛ.

Hebro 9:7

Ma, ka bo nê pɛ zebwa gdɔkua, yo nê gasa wan-hasadaka ndang sɔna ha dung mɛ le. Ha zang bɛlɛ ndang ndang fɛt, a le ka ze ndang sɔna. Lɛma ka lɛm nde, wɛnɛ ale haki nɛ tɔk sari hazu ha nɛ sadaka ha Sɔ nde, ka Sɔ abisi hio gdangamɔ ka wɛnɛ nɛ hio wi dea bo nɛ nyalɔ na.

Jacques 5:19

Hio ya mi, ka ma wi ha soko ɛnɛ yɔamɔ lak tɛwen gde, nɛ ka ma wi kiforo wɛnɛ pe nɛ ha tɛwen,

1 Pierre 2:25

Sɔngsi ɛnɛ badung tuka hio sami ka yɔamɔ. Ma, sising, ɛnɛ kiforo si ha pɛ zaoro pɛ ɛnɛ, ka pam tunɔ pɛ ɛnɛ.