Hebro 5:13 - Takarata pɛ Sɔ Mbombe Mbon

¹³ Wi ka bhɔn ha nɔa li bele, wɛnɛ ka nê bhobem, a tɛ ing gbaa soko mɔ ka dung nzeng na.

Hebro 5:13 Referans Kwoze

1 Pierre 2:2

Tuka hio nzɔri bem ka dung nɛ wɔ li bele swe fɛt, ɛnɛ adung nɛ wɔ wen pɛ Sɔ. Ɛnɛ ade mɛgi tuka nde, mɛkaramɔ pɛ ɛnɛ akpɔtɛ, nɛ Sɔ akpasisi ɛnɛ.

1 Korente 14:20

Hio ya mi, ka ɛnɛ adung bhobem nɛ wal takaramɔ pɛ ɛnɛ na, ɛnɛ atakiri mɔ tuka zɔma wi. Ma, ɛnɛ adung nzɔri bem nɛ wal deamɔ pɛ ɛnɛ, hazu wɛnɛ tɛ ing ka dea gdangamɔ na.

2 Timothée 3:16

Hio wen zang takarata pɛ Sɔ fɛt gbo ha nu Sɔ. Nɛ hio wen ndɔng ndang ndang fɛt lɛma hazu osi mɔ, hazu gbasi ha wi gdanga deamɔ pɛa, hazu yolsi wi, nɛ hazu ngbɔsi wi ha dea nzengmɔ.

Efeze 4:14

Ha ngimɔ ɛngi ɔ lɛm dung fin tuka hio bhobem na. Hio wan-osimɔ nɛ likisi ka ngoy osili ɔ nde, ɔ alak dede wal gde, mbwa lɛm fesi ɔ tuka gbabok mana il ɔ tuka tongbasali fin na.

1 Korente 3:1

Hio ya mi, ha ngimɔ ka mi dungɔ ha pɛ ɛnɛ, mi tɛ wol mɔ ha ɛnɛ tuka ha hio wi ka Sɔtɛ pɛ Sɔ de le ha sila mbwa, na. Ma, mi wola mɔ ha ɛnɛ tuka ha hio wi mɔ nzan. Hazu ɛnɛ dungɔ tuka hio nzɔri bem ha wal mɛkara Christ.

2 Korente 3:9

Tom pɛ mbonga dungɔ nɛ lɛkɛ-lɛkɛmɔ, ngase ka yo gde wi ha kita fio. Mɛgi, tom gdea wi nzeng ha li Sɔ bedung nɛ lɛkɛ-lɛkɛmɔ pentɛ pet.

1 Korente 13:11

Ha ngimɔ ka mi dungɔ nê bhobem, mi wola mɔ tuka bhobem, mi takara mɔ tuka bhobem, nɛ mi gbaa soko mɔ tuka bhobem. Ma, ka mi tɛ bo nê zɔma wi, mi laka mɔ bhobem gde.

Marc 10:15

Kpasawen, mi tɔ ha ɛnɛ: Ka ma wi tɛ mɛkiri Sɔ tuka bhobem na, wɛnɛ lɛm le Kongakandɔ pɛ Sɔ ndang na.»

Matthieu 11:25

Ha ngimɔ ɛngi, Jésus tɔa: «Bafa mi, mɛ nê wan ngɔn nɛ nu. Mi lukisi mɛ hazu mɛ gbasa ha hio bebe wi mɔ ndɔng, ka mɛ wuso ha hio wan-mbarimɔ nɛ wan-ingmɔ.

Rome 2:20

Mɛ ha takara nde, mɛ lɛma mɛ mbo wi ndɔng ka zu mbwa bona, nɛ nde, mɛ lɛma mɛ osi mɔ ha hio pɔlɔmbɔ wi. Mɛ ha tɔa nde, mɛ lɛma de mɔ ndɔng ki hazu mɛ kpaa tɛwen nɛ tili ingɔmɔ fɛt nɛ wal mbonga pɛ Moïse.

2 Jean 1:11

Hazu, wi ka fan wɛnɛ, ha dea sɔy hinɛ wɛnɛ ha zang gdanga deamɔ pɛa.