Hebro 5:12 - Takarata pɛ Sɔ Mbombe Mbon

¹² Yo tɛ bo nê ngimɔ nde, ɛnɛ nɛ pɛ ɛnɛ tɛ adung nê hio wan-osimɔ. Ma, ɛnɛ kpala tɛ dung nê wi ka ɛ lɛma fin osi hio bosi osamɔ hazu Christ ha mbwa. Ɛnɛ dung tuka hio nzɔri bem ka bhɔna ha nɔa li bele, nɛ ɛnɛ tɛ lɛm ka yɔnga nga yɔngamɔ na.

Hebro 5:12 Referans Kwoze

Hebro 6:1

Mɛgi, lɛma nde, ɔ ayambi hio osamɔ hazu Christ pen mɔ bosia, ɔ ayambi hio osamɔ ka lɛma nɛ zɔma wi. Bosi osamɔ hazu Christ dung tuka nanga mɛkaramɔ, nɛ ɔ ngoy fin bhɔn ka ha bɛa nanga ɛngɛ na. Hio zuwen mɔ bosi osamɔ ɛngɛ tɔ nde, lɛma nde, ɔ alak dea tum mɔ gde, nɛ ɔ amɛkiri Sɔ.

1 Pierre 2:2

Tuka hio nzɔri bem ka dung nɛ wɔ li bele swe fɛt, ɛnɛ adung nɛ wɔ wen pɛ Sɔ. Ɛnɛ ade mɛgi tuka nde, mɛkaramɔ pɛ ɛnɛ akpɔtɛ, nɛ Sɔ akpasisi ɛnɛ.

Hebro 5:13

Wi ka bhɔn ha nɔa li bele, wɛnɛ ka nê bhobem, a tɛ ing gbaa soko mɔ ka dung nzeng na.

Kolose 3:16

Wen pɛ Christ ade le ha soko ɛnɛ hebhe. Ɛnɛ aosi mɔ ha may, nɛ ɛnɛ ambo may nɛ mbaramɔ fɛt. Ɛnɛ abe hio *gima pɛ David, hio gima lukisi Sɔ, hio gima ka tɛ nɛ wal *Nzɔy-Sɔtɛ nɛ sila ɛnɛ fɛt hazu ha oeba ha Sɔ.

Matthieu 17:17

Jésus kiforo wen: «Ɛnɛ, hio gdanga wan-sikafɛ nɛ Sɔ! Mi beba sila mi mɛ dung hinɛ ɛnɛ kanɛ nge ngimɔ ge? Ɛnɛ ku wɛnɛ tɛnɛ ha mi.»

1 Pierre 4:11

Wi ka kpaa ngatɛ mɛ de nɛ tom bulo wen, dea nde, wɛnɛ abul nɛ wen ka tɛ nɛ wal pɛ Sɔ. Nɛ wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa nɛ wal ngatɛ pɛ Sɔ. Mɛgi ɛnɛ de mɔ ndɔng fɛt tuka nde, hio wi alukisi Sɔ nɛ wal Jésus-Christ, ka dung nɛ *lɛkɛ-lɛkɛmɔ, nɛ ziomɔ kpoo nɛ kpoo. Amen.

1 Korente 14:19

Ma, ha soko giliwi mɔ eglize, mi ngoy osi mɔ ha hio wi. Mɛgi, mi ngoy tɔ wen mɔrkɔ nɛ wal ingɔmɔ pɔm, pen wolamɔ ndɛng-ndɛng nɛ hio nu pɛ Nzɔy-Sɔtɛ.

Rome 3:2

Ey, mbwa kpaa dedemɔ ang nɛ wal fɛt. Hazu, ha bosia, Sɔ gdea hio wen pɛa ha kɔ mbwa, hio zuife.

Deamɔ 7:38

Yo nê Moïse fin, ka dungɔ hinɛ kandɔ Israel ha kpɛnu, ka mbwa wesara may ha nanga ngari Sinai. Wɛnɛ dungɔ ha soko hio ngbabafa ɔ nɛ telenge ka wolamɔ ha wɛnɛ ha zu ngari ɛngɛ. Nɛ wal telenge Sɔ tɔa ha wɛnɛ hio wen ndɔng ka ha tunɔ ha wi nde, wɛnɛ atɔ yo ha ɔ fin.

Marc 9:19

Jésus kiforo wen ha mbwa: «Ɛnɛ, hio wan-sikafɛ nɛ Sɔ! Mi beba sila mi mɛ dung hinɛ ɛnɛ kanɛ nge ngimɔ ge? Ɛnɛ ku wɛnɛ tɛnɛ ha mi.»

Filipe 3:1

Olo wen pɔm, hio ya mi, yo nde, ɛnɛ ade totɛ hazu ɛnɛ ha dea sɔy hinɛ *Kongawan. Mi putiri ndangtɛ wen ka mi ngɛraka ha ɛnɛ sɔngsi. Ɛngɛ bo nê yeksamɔ hazu mi na, hazu yo bengasisi ɛnɛ.

1 Korente 14:20

Hio ya mi, ka ɛnɛ adung bhobem nɛ wal takaramɔ pɛ ɛnɛ na, ɛnɛ atakiri mɔ tuka zɔma wi. Ma, ɛnɛ adung nzɔri bem nɛ wal deamɔ pɛ ɛnɛ, hazu wɛnɛ tɛ ing ka dea gdangamɔ na.

Galasi 4:3

Yo gbesi nɛ ɔ. Ha ngimɔ ka ɔ badung tuka bhobem, ɔ badung se tuka bala ha si hio ziomɔ nzan.

Hebro 5:11

Ɔ nɛ hio mɔ nɛdɔka mɛ tɔ ha ɛnɛ hazu mɔ ndɔng. Ma, yo nɛ ngaya mɛ tɔ gotoa ha ɛnɛ, hazu ɛnɛ ze mɔ nɛhasa na.

Hebro 10:32

Tazu ɛnɛ agba nɛ mɔ ka bakpa may hinɛ ɛnɛ, ha pata ngimɔ ka Sɔ badonsi sila ɛnɛ nɛ saamɔ pɛa. Ha ngimɔ ɛngi, ɛnɛ bazati nging ha zang bulo ka ɛnɛ bakpa dɔka yeksamɔ ang.