Hebro 4:7 - Takarata pɛ Sɔ Mbombe Mbon

⁷ Hazu ɛngi, Sɔ weka fin ma mbing ngimɔ, nɛ a saa ngimɔa nde, swe mɛsɛ. A tɔa wena nɛ tɛ pata ha ngimɔ ka wɛnɛ wola nɛ mɔ nɛ wal David gbesi tuka ka ɔ tɔa nɛ wena kari nde: «Swe mɛsɛ ka ɛnɛ ha zea gɛl Sɔ, ka ɛnɛ angasisi sila ɛnɛ na.»

Hebro 4:7 Referans Kwoze

Hebro 3:15

Yo nê ɛngi, ka Nzɔy-Sɔtɛ tɔa: «Swe mɛsɛ ka ɛnɛ ha zea gɛl Sɔ, ka ɛnɛ angasisi sila ɛnɛ tuka hio ngbabafa ɛnɛ na. Mbwa ngasasa sila mbwa ha ngimɔ ka mbwa guotɛ sungiri nɛ mi.»

Matthieu 22:43

Nɛ Jésus kiforo wen ha mbwa: «Ka yo bo mɛgi, hazu ge *Nzɔy-Sɔtɛ gbasa ha David mɛ sa Mesi nde, *Kongawan, ge nde? Hazu David batɔ se:

Deamɔ 28:25

Mbwa tɛ ze may na. Mɛgi, sɔngsi kɛtana soko, Paul tɔa ha mbwa sɔna: «Wen ka *Nzɔy-Sɔtɛ batɔ ha hio ngbabafa ɛnɛ nɛ wal nu wan-tɔkuliwen Esaïe, yo tɛ bo nê tɛwen.

Deamɔ 2:31

A batɔ kuliwen hazu guotɛ pɛ Christ ha soko hio fiowi, a tɔa nde, Sɔ tɛ lak wɛnɛ gde ha soko hio fiowi na, nɛ tɛ wa tɛ yek na.

Dede Wen hazu Jésus-Christ ka Luc ngɛraka 20:42

Hazu David nɛ tɛ wa tɔa ha zang takarata gima pɛa nde, ‹*Kongawan Sɔ tɔa ha Kongawan pɔm:

Marc 12:36

*Nzɔy-Sɔtɛ bale se sila David, nɛ wɛnɛ batɔ: ‹*Kongawan Sɔ tɔa ha Kongawan pɔm: Mɛ dungnu ha wekɔ mi, mi begde hio ngana pɛ mɛ adung nê mɔ-gde nanga mɛ.›

Deamɔ 2:29

«Hio ya mi, lɛma nde, mi atɔ wen tɛ ngbabafa ɔ, David, ha ɛnɛ nɛ saa long. A fea nɛ ɛ gunɔ wɛnɛ. Zupisi pɛa bhɔna ha soko ɔ swe mɛsɛ.