Hebro 4:6 - Takarata pɛ Sɔ Mbombe Mbon

⁶ Hio bosi wi ka zea Dede Wen, mbwa tɛ le ha bhandi ɔmtɛ ɛngɛ na, hazu mbwa tɛ mɛkiri yo na. Mɛgi, hio mbing wi bekpa wal mɛ le ang.

Hebro 4:6 Referans Kwoze

Matthieu 21:43

«Hazu ɛngi, mi tɔ ha ɛnɛ nde, ɛnɛ lɛm dung wi mɔ *Kongakandɔ pɛ Sɔ fin na. Ma, Sɔ beweki ma mbing kandɔ, ka bede dedemɔ ka lɛma nɛ Kongakandɔ pɛa. [

Hebro 4:2

Hazu ɔ zea *Dede Wen gbesi tuka hio ngbabafa ɔ baze. Ma, ngase mbwa zea wen ɛngi, yo tɛ gbakiri mbwa na, hazu mbwa zea ze sɔna, mbwa tɛ mɛkiri yo na.

Deamɔ 28:28

Paul tɔa fin: «Mɛgi, ɛnɛ aing nde, Sɔ tomsa wen ɛngɛ ha hio olo kandɔ nde, a bekpasisi mbwa. Pɛ mbwa, mbwa beze.» [

Hebro 4:9

Mɛgi, ma mbing *swe ɔmtɛ bhɔna ka ha kera kandɔ pɛ Sɔ.

Galasi 3:8

Takarata pɛ Sɔ tɔa bingiri nde, hio kandɔ ka bo nê *zuife na, bemɛkiri bin Sɔ, nɛ Sɔ bezɔk mbwa tuka nzeng wi ha wena. Yo nê ɛngi, ka yo tɔa fin ha Abraham dede kasi ɛngɛ: «Nɛ wal mɛ, Sɔ bewol dede wen ha zu hio kandɔ fɛt.»

1 Korente 7:29

Hio ya mi, goto wen ka mi ngoy mɛ tɔ ha ɛnɛ, yo nde, ngimɔ ngbɔla tikiring sɔna. Mɛgi, hio wei ndɔng ka sio bhoko, lɛma nde, wena ahɛl sila mbwa na.

Hebro 4:11

Hazu ɛngi, ɔ agbɛngsi tɛ hazu le ha bhandi ɔmtɛ ɛngɛ. Nɛ ɔ pangay yu nde, ma wi ha soko ɔ betɛ kɔpi lea ha bhandi ɔmtɛ ɛngɛ nɛ wal dea kpandele gbesi tuka hio ngbabafa ɔ.