Hebro 3:6 - Takarata pɛ Sɔ Mbombe Mbon

⁶ Ma, Christ nê *Bewei pɛ Sɔ, ka dung nê wan hazu twa pɛ Sɔ. Ka ɔ bhɔna nɛ da ha kera mɔ ka ɔ gde tazu ɔ ang, ɔ bedung nê twa pɛa.

Hebro 3:6 Referans Kwoze

2 Korente 6:16

Hio gbele sɔ lɛma kpa bhandi ha *gasa twa Sɔ mɛng? Kpasawen, ɔ nê twa pɛ tunɔ Sɔ, gbesi tuka wɛnɛ tɔa: «Mi bede le ha soko mbwa, nɛ mi beyal ha soko mbwa. Mi bedung nê Sɔ pɛ mbwa, nɛ mbwa bedung nê kandɔ pɔm.»

1 Korente 3:16

Bo nê ɛnɛ ingɔ nde, ɛnɛ nê twa pɛ Sɔ, nɛ Sɔtɛ pɛ Sɔ ha dea le ha sila ɛnɛ, na nde?

1 Pierre 2:5

Lɛma nde, ɛnɛ fin adung tuka tunɔ ta nde, Sɔ akay ɛnɛ bɛ nɛ twa, ka *Nzɔy-Sɔtɛ ade le ang. Ɛnɛ bedung nê hio nzɔy wan-hasadaka tuka nde, ɛnɛ aha hio sadaka, ka Nzɔy-Sɔtɛ ngoya, nɛ ka dung nɛ yefaa ha li Sɔ nɛ wal Jésus-Christ.

Hebro 10:35

Mɛgi, ɛnɛ bhɔn ka ha gdea tazu ɛnɛ ha tɛ Sɔ, hazu Sɔ bekɛ ɛnɛ nɛ gasa mɔ.

Hebro 6:11

Gasa mɔ ka ɔ ngoya mɛ tɔ ha ɛnɛ, yo nde, ɛnɛ abhɔn ka ha gbɛngsa tɛ mɛgi hɔ ha kpogio, ka de, Sɔ aha ɛnɛ hio mɔ ndɔng ka ɛnɛ gde tazu ɛnɛ ang.

1 Korente 6:19

Ɛnɛ tɛ ing nde, tɛ ɛnɛ nê twa pɛ Nzɔy-Sɔtɛ, na nde? Sɔ haa ɛnɛ Nzɔy-Sɔtɛ kari, nɛ wɛnɛ de le ha sila ɛnɛ. Mɛgi, ɛnɛ bo nê wan hazu tɛ ɛnɛ nɛ pɛ ɛnɛ tɛ na.

Hebro 10:23

Mɔ ka ɔ gde tazu ɔ ang, nɛ ka ɔ kɛ wena ha li wi fɛt, ɔ apam yo nɛ nɔa. Ey, Sɔ nɛ mboazu, a bede mɔ ka wɛnɛ gɔna nua mɛ de.

Hebro 4:11

Hazu ɛngi, ɔ agbɛngsi tɛ hazu le ha bhandi ɔmtɛ ɛngɛ. Nɛ ɔ pangay yu nde, ma wi ha soko ɔ betɛ kɔpi lea ha bhandi ɔmtɛ ɛngɛ nɛ wal dea kpandele gbesi tuka hio ngbabafa ɔ.

Hebro 3:14

Lɛma nde, ɔ abhɔn ha gdea tazu ɔ ha tɛ Christ tuka ka ɔ dea nɛ ha angara mɛkara wɛnɛ. Hazu, ɔ nê hio sɔy pɛa sɔna ka ɔ de mɛgi tee hɔ ha kpogio ngimɔ.

Gbasamɔ 3:11

Mi bepe nɛhasa. Ɛnɛ ba mɔ ka dung ha kɔ ɛnɛ nɛ nɔa yu nde, ma wi betɛ ku kɛamɔ pɛ ɛnɛ yunɛ.

Hebro 4:14

Gasa wan-hasadaka pɛ ɔ nɛ gasaa pen hio oloa fɛt, a danga si ha ngɔn hapɛtɛ Sɔ. Yo nê Jésus, *Bewei pɛ Sɔ. Mɛgi, lɛma nde, ɔ aba nɛ nɔa nging mɛkaramɔ ka ɔ bul wena.

Hebro 1:2

Ma, ha hio kpogio yala sising, Sɔ wolamɔ ha ɔ nɛ wal Bewei pɛa. Sɔ bade nzan fɛt nɛ wal wɛnɛ, nɛ a gdea wɛnɛ wan hazu mɔ fɛt.

1 Timothée 3:15

Ma, ka mi ziko ha hɔa, takarata ɛngɛ beosi ha mɛ dede ndɔki deamɔ ha soko hio nam pɛ Sɔ, yo nde, ha soko *giliwi mɔ eglize pɛ tunɔ Sɔ, giliwi ndɔng ka dung tuka mbing nɛ nanga twa ka tɔn nɛ pam tɛwen.

Kolose 1:23

Tangere, dea nde, ɛnɛ abhɔn ka ha mɛkara Christ nɛ nɔa ngi-ngi-ngi, nɛ ɛnɛ azati ha gdea tazu ɛnɛ ha *Dede Wen ka ɛnɛ zea yo. Ɛ bulo yo dam nzan fɛt, nɛ mi, Paul, tɛ bo nê wan-tom pɛ Dede Wen ɛngɛ.

Matthieu 10:22

Hio wi fɛt besɛn ɛnɛ hazu ɛnɛ nê wi pɔm. Ma, wi ka beba nɛ nɔa nging kanɛ kpogio, bekpasi.

1 Tesalonike 5:16

Ɛnɛ adung nɛ totɛ swe fɛt.

Rome 15:13

Sɔ ka de nde, hio wi agde tazu mbwa ha tɛ wa, wɛnɛ adonsi sila ɛnɛ nɛ totɛ nɛ gaamɔ fɛt nɛ wal mɛkaramɔ, ka ɛnɛ mɛkiri nɛ wɛnɛ. Mɛgi, nɛ wal ngatɛ pɛ *Nzɔy-Sɔtɛ ɛnɛ bebhɔn ka ha gdea tazu ɛnɛ ha tɛ wa swe fɛt.

Matthieu 24:13

Ma, wi ka ba nɛ nɔa nging kanɛ kpogio ngimɔ, Sɔ bekpasisi wɛnɛ.

Gbasamɔ 2:25

Yo sɔna nde, ɛnɛ apam mɔ ka dung ha kɔ ɛnɛ, kanɛ ngimɔ ka mi bepe nɛ.

Gbasamɔ 2:18

«Mɛ ngɛriki ha *telenge pɛ giliwi mɔ eglize ha Tiatire wen mɛgɛ: Ɛngɛ nê wen nu *Bewei pɛ Sɔ. Gbali wa tuka lembe we, nɛ nanga wa ha duo we tuka gbɛbolo.

2 Tesalonike 2:16

Sɔ, Bafa ɔ ngoya ɔ, mɛgi nɛ wal *dede sila pɛa, wɛnɛ ha yɔkala ɔ kpoo, nɛ a haa dede *mɔgdetazu ha ɔ. Wɛnɛ hinɛ Kongawan pɛ ɔ, Jésus-Christ,

Rome 5:2

Ɔ mɛkara Jésus-Christ. Mɛgi, a gbosasa wal nde, Sɔ ade *dede sila ha tɛ ɔ. Nɛ sising, ɔ ha nɔa nging ha zang dede sila pɛa. Ɔ ha dea totɛ hazu *mɔgdetazu ɔ nde, Sɔ bekapini *lɛkɛ-lɛkɛmɔ pɛa hinɛ ɔ.

1 Pierre 1:8

Ngase ka ɛnɛ tɛ zɔk wɛnɛ nɛ gbali ɛnɛ na, ɛnɛ ngoya wɛnɛ. Nɛ ngase ka ɛnɛ zɔk wɛnɛ ha ngimɔ ɛngɛ sising na, ɛnɛ mɛkara wɛnɛ. Sila ɛnɛ dona nɛ lɛkɛ-lɛkɛ totɛ, ka pena zu ɛnɛ,

Galasi 6:9

Hazu ɛngi, ɔ azati ha dea dedemɔ kpoo nɛ kpoo. Hazu, ka tɛ ɔ kati na, ɔ bebhi bin wayaa ha dede ngimɔ.

Rome 11:22

Mɛ ing nde, Sɔ nê wan-de *dede sila, nɛ wɛnɛ fin nê wan-gɔn kita nɛngaya. A gɔn kita nɛngaya ha zu wi ndɔng ka lak wal pɛa gde. Pɛ mɛ, wɛnɛ ha dea dede sila ha tɛ mɛ. Ma, dea ka de nde, mɛ abhɔn ka ha gdea tazu mɛ ha dede sila pɛa. Ka bo mɛgi na, ki a begɔn mɛ yunɛ fin.

Matthieu 16:18

Nɛ mi tɔ ha mɛ nde, mɛ nê Pierre, ka tɔ nde, ta. Mi bewesiri zugili wi pɔm ka ɛ sa nde *eglize, gde ha zu ta ɛngɛ. Nɛ ngase ngatɛ pɛ fio lɛm gan zu mbwa na.

Rome 12:12

Ɛnɛ dung nɛ totɛ ha gdea tazu ɛnɛ ha tɛ Sɔ. Ɛnɛ dung nɛ yikosila ha zang yeksamɔ. Nɛ ɛnɛ dung nɛ nɔa nging ha gɔa Sɔ.

Galasi 6:10

Mɛgi, ha ngimɔ pɛ ɔ fɛt, ɔ ade dedemɔ ha tɛ hio wi fɛt mburr, pen fɛt ha tɛ hio ya ɔ ha zang mɛkara Christ.

Efeze 3:12

Ɔ ha dea sɔy hinɛ Jésus-Christ, nɛ ɔ mɛkara wɛnɛ kari. Yo nê ɛngi, ka ɔ dung sɛɛ, nɛ ka ɔ ba da mɛ tiki nɛ hapɛtɛ Sɔ.

Hebro 4:16

Ɔ aba da nɛ tiki tɛ hapɛtɛ solowan pɛ Sɔ, wan-de *dede sila. Haki, a bede kobhe nɛ dede sila ha tɛ ɔ, hazu gbakiri nɛ ɔ ha dede ngimɔ.

Hebro 6:18

Hio mɔ ndɔng bwa, gɔnanu nɛ kanamɔ pɛ Sɔ, lɛm mɛ kpali na, hazu Sɔ lɛm tɔ dalo na. Mɛgi, ɔ ka nɛa ha si goka kɔ pɛ Sɔ, ɔ baa da pentɛ mɛ bhɔn nɛ nɔa ha *mɔgdetazu pɛ ɔ nde, Sɔ belɛmsiri gɔnanu pɛa.

Hebro 7:19

Kpasawen, mbonga pɛ Moïse tɛ lɛmsiri ma mɔ ndang na. Ma, sising, ma mɔ hɔa ka dung nɛ dedea pen mɔ sɔngsi. Ɔ lɛma gde tazu ɔ ang hazu yo gbosasa wal mɛ tiki nɛ sanga-sanga hapɛtɛ Sɔ.

Hebro 10:19

Mɛgi, hio ya mi, ɔ lɛma tɛ lɛm mɛ le ha nzɔy bhandi fɛt, hazu Jésus haa tɔktɛ wa tuka sadaka.

Hebro 10:21

Ey, ɔ nɛ ma gasa wan-hasadaka ndang ka dung ha zu hio wi mɛ twa pɛ Sɔ.

Hebro 11:1

Ka ma wi mɛkara Sɔ, wɛnɛ ingɔ nɛdedea nde, Sɔ beha wɛnɛ hio mɔ ndɔng ka wɛnɛ gde tazu wa ang. Ngase ka wɛnɛ tɛ zɔk ka mɔa nɛ li wa na, a ingɔ nɛdedea ngbak nde, mɔa ang.

1 Pierre 4:17

Ngimɔ ka Sɔ angiri gɔna kita ha zu hio wi, hɔa kari. Wɛnɛ ha gɔna kita ha zu hio wi pɛa sɔngsi. Woo! Ka Sɔ gɔn kita sɔngsi ha zu ɔ, hio wi pɛa, ki kita pɛ Sɔ ha zu hio wi ndɔng ka kafi *Dede Wen pɛa bedung mɛng?

Gbasamɔ 2:26

«Wi fɛt ka began zu mɔ, nɛ ka bede mɔ ka sila mi ngoya hɔ ha kpogio yala, mi beha mbwa ziomɔ ha zu hio kandɔ.