Hebro 3:2 - Takarata pɛ Sɔ Mbombe Mbon

² Sɔ gdea wɛnɛ ha litom ɛngɛ, nɛ Jésus dea yo nɛ mboazu, gbesi tuka ka Moïse badung nɛ mboazu ha tom, ka wɛnɛ bade ha twa pɛ Sɔ fɛt.

Hebro 3:2 Referans Kwoze

1 Timothée 3:15

Ma, ka mi ziko ha hɔa, takarata ɛngɛ beosi ha mɛ dede ndɔki deamɔ ha soko hio nam pɛ Sɔ, yo nde, ha soko *giliwi mɔ eglize pɛ tunɔ Sɔ, giliwi ndɔng ka dung tuka mbing nɛ nanga twa ka tɔn nɛ pam tɛwen.

Efeze 2:22

Ha dea sɔy hinɛ Jésus-Christ, ɛnɛ fin, ɛnɛ tɛ bo nê ma bhalkɔ twa ɛngɛ ka Sɔ de le ang nɛ wal Nzɔy-Sɔtɛ pɛa.

Hebro 2:17

Hazu ɛngi, lɛma ka se nde, wɛnɛ atɛ gbesi tuka hio ya wa ha hio mɔ fɛt. Mɛgi wɛnɛ tɛ bo nê gasa wan-hasadaka ka dung nɛ mboazu ha tom Sɔ, ka de kobhe tɛ hio wi, nɛ ka bisi *sɛmbɔ pɛ mbwa yunɛ.

Jean 17:4

Ha ngimɔ ka mi dungɔ ha nzan, mi osa lɛkɛ-lɛkɛmɔ pɛ mɛ ha hio wi nɛ wal dea tom ka mɛ haa mi mɛ de.

1 Timothée 1:12

Mi ha oeba ha Jésus-Christ, *Kongawan pɛ ɔ, ka haa mi ngatɛ hazu de nɛ tom pɛa. Mi ha oeba ha wɛnɛ hazu a zɔka mi tuka mboazu wi, nɛ a weka mi tuka wan-tom pɛa.

Jean 15:10

Mi pama hio haanu pɛ Bafa mi, nɛ mi bhɔna ka ha zang ngoy ka wɛnɛ ngoya nɛ mi. Yo gbesi nê ɛnɛ, ka ɛnɛ pam hio haanu pɔm, ɛnɛ bebhɔn ha zang ngoy ka mi ngoya nɛ ɛnɛ.

Jean 8:29

Wi kɛ ka tomsa mi tɛnɛ, wɛnɛ hinɛ mi swe fɛt. Wɛnɛ gde mi gbatɛ ma swe ndang na, hazu mi de kanɛ mɔ ka ha totɛ ha wɛnɛ.»

Jean 7:18

Wi ka wol mɔ nɛ pɛa tɛ, a ki nɛ wal nde, hio wi alukisi nɛ wɛnɛ. Ma, wi ka ki nɛ wal nde, ɛ alukisi wi ka tomsa wɛnɛ, wɛnɛ nê wan-tɔ tɛwen, nɛ wɛnɛ bo nê wan-likisi na.