Hebro 3:15 - Takarata pɛ Sɔ Mbombe Mbon

¹⁵ Yo nê ɛngi, ka Nzɔy-Sɔtɛ tɔa: «Swe mɛsɛ ka ɛnɛ ha zea gɛl Sɔ, ka ɛnɛ angasisi sila ɛnɛ tuka hio ngbabafa ɛnɛ na. Mbwa ngasasa sila mbwa ha ngimɔ ka mbwa guotɛ sungiri nɛ mi.»

Hebro 3:15 Referans Kwoze

Hebro 10:38

Nɛ wi ka dung nzeng ha li mi, bebhɔn nɛ zutunɔ nɛ wal mɛkara mi. Ma, ka wɛnɛ laka wala gde, mi lɛm de totɛ tɛ wa na.»

Hebro 10:29

Kpasawen, hio ma wi bhɛsiri *Bewei pɛ Sɔ. Mbwa zɔk tɔk *mbon ka gdea mbwa nɛ nzɔya ha li Sɔ, tuka ngbundumɔ. Nɛ mbwa ya *Nzɔy-Sɔtɛ ka gbasa *dede sila pɛ Sɔ ha mbwa. Pɛ mbwa, bo nê Sɔ bendulsi mbwa pen pɛ hio wi ka tukolo mbonga, na nde?

Hebro 4:7

Hazu ɛngi, Sɔ weka fin ma mbing ngimɔ, nɛ a saa ngimɔa nde, swe mɛsɛ. A tɔa wena nɛ tɛ pata ha ngimɔ ka wɛnɛ wola nɛ mɔ nɛ wal David gbesi tuka ka ɔ tɔa nɛ wena kari nde: «Swe mɛsɛ ka ɛnɛ ha zea gɛl Sɔ, ka ɛnɛ angasisi sila ɛnɛ na.»