Hebro 2:2 - Takarata pɛ Sɔ Mbombe Mbon

² Wen *mbonga pɛ Moïse ka hio *telenge baku tɛnɛ, yo nê tɛwen. Mɛgi, hio wi ndɔng ka kafa zea yo, nɛ ka dea kpandele sungiri nɛ yo, Sɔ ndulso mbwa lɛm nɛ deamɔ pɛ mbwa.

Hebro 2:2 Referans Kwoze

Deamɔ 7:53

Sɔ haa ɛnɛ *mbonga pɛa nɛ wal hio telenge. Ma, ɛnɛ tɛ pam yo na.»

Galasi 3:19

Ka mɔ dung tuka ɛngi, tom pɛ mbonga dung mɛng? Sɔ gdea mbonga ha zu gɔnanu pɛa tuka nde, ɔ aing deamɔ ka dung nɛ gdanga ha li wa. Sɔ haa mbonga keri nɛ hɔa pɛ bezang pɛ Abraham, ka Sɔ gɔna nua ha wɛnɛ. Hio *telenge kuo mbonga tɛnɛ tɛ ha ha Moïse tuka nde, wɛnɛ adung ha soko Sɔ hinɛ hio wi.

Hebro 10:28

Sɔngsi ha ngimɔ *mbonga pɛ Moïse, ka ma wi tukolo mbonga ɛngɛ, nɛ ka wi bwa mana tar kɛa wena, ɛ gbɛa wia, ɛ tɛ de kobhe tɛ wia fin na.

Jude 1:5

Mi ingɔ nde, ɛnɛ ingɔ mɔ ndɔng fɛt. Ma, mi ngoya gba tazu ɛnɛ nde, ngase ka Sɔ kpasasa kandɔ *Israel gbo ha kandɔnu Ezipte, nɛ pata, wɛnɛ gbɛa wi ndɔng ka kafa mɛkara wɛnɛ.

Hebro 11:26

A ingɔ ha zang sila wa nde, ka hio wi bhɛsiri wɛnɛ tuka mbwa bhɛsiri nɛ *Mesi, ɛngi nɛ dedea pen nde, wɛnɛ akpa hio dedemɔ mɔ kandɔnu Ezipte. Moïse dea mɛgi, hazu wɛnɛ gdea li wa ha kɛamɔ, ka Sɔ bekɛ bin nɛ wɛnɛ.

Hebro 10:35

Mɛgi, ɛnɛ bhɔn ka ha gdea tazu ɛnɛ ha tɛ Sɔ, hazu Sɔ bekɛ ɛnɛ nɛ gasa mɔ.

Hebro 11:6

Ka ma wi tɛ mɛkiri ka Sɔ na, Sɔ lɛm de totɛ tɛ wa na. Hazu wi ka tiki nɛ hapɛtɛ Sɔ hazu gɔ wɛnɛ, dea ka de nde, wia amɛkiri nde, Sɔ ang. Nɛ dea fin nde, wia aing nde, Sɔ bekɛ wi ndɔng ka ki wal mɛ ing wɛnɛ.

Hebro 1:1

Sɔngsi bhee, Sɔ dungɔ ha wolamɔ ha hio ngbabafa ɔ nɛ pata may nɛ tili wal nɛtɛ-nɛtɛ. A dea mɛgi nɛ wal hio *wan-tɔkuliwen.

Hebro 12:25

Ɛnɛ pangay yu nde, ɛnɛ betɛ kafi zea wi ɛngɛ ka tɔ wen ha ɛnɛ. Hio wi mɔ Israel bakafi zea wi ka gbaa tazu mbwa nɛ wen pɛ Sɔ hakɛ ha zu nu, nɛ mbwa tɛ kpɔy ha ndulsomɔ na. Mɛgi, ka ɔ kafi zea wi ka guotɛ ha ngɔn tɛnɛ, ɔ lɛm kpɔy ha ndulsomɔ ndang na.

2 Pierre 1:19

Hazu ɛngi, ɔ ingɔ nɛdedea fɛt nde, hio wen ka hio *wan-tɔkuliwen batɔ, yo nê tɛwen. Dea nde, ɛnɛ alɛngi zala ha hio wen ndɔng nɛdedea. Hazu hio wena dung tuka we lamba ka ba ha zang ngɛ-ngɛ-ngɛ tutum kanɛ swe ka Kongawan behɔ. Ha ngimɔ ɛngɛ saamɔ pɛa, ka dung tuka sɔla gbandolo, beba ha zang sila ɛnɛ kelele.