Hebro 2:14 - Takarata pɛ Sɔ Mbombe Mbon

¹⁴ Wɛnɛ yola tɛ wi ka ba may nɛ pɛ hio bem ndɔng, hazu mbwa fɛt nê wi nɛ multɛ nɛ tɔktɛ. A dea mɛgi tuka nde, nɛ wal fio pɛa, wɛnɛ ayangili *Satan ka dung nɛ ngatɛ hazu gde wi ha fio.

Hebro 2:14 Referans Kwoze

2 Timothée 1:10

Sising, Sɔ osa dede sila pɛa nɛ wal tɛa pɛ Jésus-Christ, *wan-kpasisi ɔ. Wɛnɛ yangala ziomɔ pɛ fio yunɛ, nɛ a bulo Dede Wen hazu gbasi tunɔ ka bebhɔn kpoo.

Rome 8:3

Mbonga pɛ Moïse tɛ dung nɛ ngatɛ mɛ kpasisi ɔ na, hazu nɛ tɛ ɔ, ɔ lɛm mɛ pam yo na. Ma, mɔ ka mbonga lɛm mɛ de na, Sɔ dea yo nɛ wal Bewei pɛa ka wɛnɛ tomsa tɛ hakɛ ha nu. Bewei pɛa yola ngbak tɛ wi, ka dungɔ tuka pɛ ɔ, hio *wan-de gdangamɔ. Sɔ gdea wɛnɛ ha fio gɔn nɛ zu gdangamɔ pɛ ɔ. Nɛ wal dea mɛgi, Sɔ gɔna kita ha zu gdangamɔ, ka de tom ha tɛ ɔ.

Kolose 2:15

Nɛ wal dea mɛgi, Sɔ guo mɔ-bibulo pɛ hio sɔtɛ gan zu mɔ nɛ hio nga sɔtɛ fɛt yunɛ. Nɛ a gdea mbwa tuka bala ha zang nzɔng ka nak pata Christ, wan-gan zu mbwa. Mɛgi, foy baa mbwa ha li hio wi fɛt.

Jean 1:14

Nɛ Wen kifo wi, ka dung nɛ multɛ nɛ gbalatɛ fɛt. A dea le ha soko ɔ. A dona nɛ *dede sila nɛ tɛwen fɛt. Ɔ zɔka *lɛkɛ-lɛkɛmɔ pɛa, ka Bafa wa haa ha wɛnɛ, ndanga Bewei pɛa.

Hebro 9:15

Hazu ɛngi, Christ nê wan-bhɔngiri mbombe mbon ha soko Sɔ hinɛ hio wi. Mɛgi, hio wi ndɔng ka Sɔ besa, mbwa bekpa hio dedemɔ, ka Sɔ gɔna nua mɛ ha tuka likɔ ka bebhɔn kpoo. Mɔ dung mɛgi, hazu Christ fea hazu yangi hio wi ha gdangamɔ ka mbwa dea ha si bosi mbon.

1 Korente 15:50

Hio ya mi, mi tɔ ha ɛnɛ nde, wi lɛm mɛ le ha *Kongakandɔ pɛ Sɔ nɛ multɛ nɛ tɔktɛ ɛngɛ na. Nɛ mɔ ka beyek lɛm kpa wal mɛ dung nɛ zutunɔ kpoo na.

Gbasamɔ 1:18

Mi nɛ zutunɔ. Mi bafe, ma, sising mi bhɔna nɛ zutunɔ kpoo nɛ kpoo. Mi nɛ ziomɔ hazu fio nɛ hazu bhandi pɛ hio fiowi.

Rome 14:9

Mɛgi Christ fea, nɛ wɛnɛ guotɛ nɛ zutunɔ fin nɛ mbinga hazu dung nê Kongawan pɛ hio fiowi nɛ pɛ hio tunɔ wi.

Hebro 2:18

Sising, wɛnɛ lɛma mɛ gbakiri hio wi ka ma mɔ we sila mbwa, hazu wɛnɛ fin bakpa yimtɛ nɛ mɔ bawe sila wa gbesi.

Gbasamɔ 2:10

Ka ɛnɛ ayu ke hio yeksamɔ ka ɛnɛ bekpa na. Satan bepi hio ma wi ha soko ɛnɛ ha twa zɔbhɔ hazu we nɛ sila ɛnɛ. Ɛnɛ bedung ha zang yeksamɔ lɛm yala bhukɔ. Ɛnɛ adung nɛ mboazu kanɛ fio. Mɛgi, mi beha ɛnɛ *tunɔ kpoo tuka kɛamɔ.

Hebro 4:15

Gasa wan-hasadaka pɛ ɔ ingɔ pɔsa pɛ ɔ, nɛ wɛnɛ ha dea kobhe tɛ ɔ, hazu *Satan wea sila wa tuka pɛ ɔ. Ma, pɛa, a tɛ de gdangamɔ ndang na.

Galasi 4:4

Ma, ka ngimɔ ka Sɔ baweki lɛma kari, a tomsa Bewei pɛa. Bhoko bhɛa wɛnɛ, nɛ a dungɔ ha si *mbonga pɛ Moïse.

Jean 12:24

Kpasawen, mi tɔ ha ɛnɛ nde, ka kpalmɔ tɛ le ha si nu na, nɛ ka yo tɛ fe na, yo bebhɔn ka ndang sɔna. Ma, ka yo fea, yo beway nɛdɔka.

Gbasamɔ 20:2

Nɛ wɛnɛ baa ndibha, ka dung nê gɔk mɔ koto ngimɔ, ka ɛ sa nde, Gdanga Sɔ mana *Satan, nɛ wɛnɛ sanga ndibha ɛngɛ nɛ gbazɔbhɔ lɛm bɛlɛ tomay ndang.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

Matthieu 25:41

«Hapata, mi betɔ ha wi ndɔng ha gare mi: ‹Sɔ foma ɛnɛ. Mɛgi ɛnɛ pen hapɛtɛ mi le ha we ka beysi kpoo, ka Sɔ lɛa hazu *Satan hinɛ hio wan-tom pɛa.

Matthieu 16:17

Mɛgi Jésus tɔa ha wɛnɛ: «Totɛ ha mɛ Simon bewei pɛ Jean, hazu yo bo nê wi ka gbasi yo ha mɛ na. Ma, yo nê Bafa mi ha zang ngɔn.

1 Korente 1:28

A weka mɔ ka dung nɛ bebea ha li hio wi mɔ nzan, ka mbwa bhɛsiri, nɛ ka mbwa zɔk tuka gbelemɔ, hazu yangili mɔ ka dung nɛ gasaa ha li mbwa.

Hebro 2:17

Hazu ɛngi, lɛma ka se nde, wɛnɛ atɛ gbesi tuka hio ya wa ha hio mɔ fɛt. Mɛgi wɛnɛ tɛ bo nê gasa wan-hasadaka ka dung nɛ mboazu ha tom Sɔ, ka de kobhe tɛ hio wi, nɛ ka bisi *sɛmbɔ pɛ mbwa yunɛ.

Hebro 10:5

Yo nê hazu ɛngi, ha ngimɔ tɛa pɛa ha nzan, Christ batɔ nɛ ha Sɔ: «Hio haamɔ nɛ hio sari ka ɛ ha nɛ sadaka ha mɛ, mɛ ngoy yo na. Ma, mɛ yolsa tɛ wi ha mi.

Hebro 10:10

Ɔ tɛ bo nɛ nzɔya ha li Sɔ, hazu Jésus-Christ haa tɛ wa nɛ sadaka ze ndang hireng tuka Sɔ ngoya.

1 Pierre 1:20

Sɔngsi bhee gde Sɔ tɛ de ka nzan na, a baweki Christ hazu de tom ɛngɛ. Nɛ sising ha kpogio ngimɔ ɛngɛ, Sɔ tomsa wɛnɛ ha nzan hazu kpasisi ɛnɛ.