Hebro 13:5 - Takarata pɛ Sɔ Mbombe Mbon

⁵ Ka wɔ mbɔli agan zu deamɔ pɛ ɛnɛ na, ma, ɛnɛ ade totɛ hazu mɔ ka dung ha kɔ ɛnɛ. Hazu Sɔ tɔa: «Mi lɛm mɛ ndekiri mɛ ndang na. Nɛ mi lɛm lak mɛ gde ndang na.»

Hebro 13:5 Referans Kwoze

Matthieu 6:25

«Hazu ɛngi, mi gba tazu ɛnɛ nde, ka ɛnɛ adung nɛ nɔzang hazu mɔ ka ɛnɛ beyɔng nɛ nɔ, nɛ la ka ɛnɛ beyol na. Tunɔ pɛ wi nɛ gasaa pen wen yɔngamɔ, nɛ tɛ wi nɛ gasaa pen wen latɛ, na nde?

Matthieu 6:34

Ka ɛnɛ adung nɛ nɔzang hazu swe bhisiri na, hazu bhisiri nɛ tɛ wa bedung nɛ nɔzang hazu mɔ pɛa. Swe ndang ndang fɛt lɛma nɛ yeksamɔ pɛ mbwa.»

Kolose 3:5

Hazu ɛngi, ɛnɛ aku mɔ nzan fɛt ka dung ha sila ɛnɛ gde ha fio. Mɔ nzan ndɔng nde: Dea wanza, dea mɔ nyɛl, golamɔ multɛ, dea wɔ gdangamɔ, nɛ dea hɛl kpaamɔ. Kpasawen, hɛl kpaamɔ, yo gbesi tuka dea tom gbele sɔ.

Dede Wen hazu Jésus-Christ ka Luc ngɛraka 3:14

Hio wan-bibulo fin ana wɛnɛ nɛ mbwa tɔa: «Ma, pɛ ɔ, ɔ bede mɛng?» Nɛ wɛnɛ tɔa ha mbwa: «Ɛnɛ ba mɔ pɛ wi nɛ nga mbanzi na! Nɛ ɛnɛ fundi wi nɛ wen dalo na! Dea nde, mbɔli tom pɛ ɛnɛ alɛm nɛ ɛnɛ sɔna.»

2 Pierre 2:14

Dɔka takaramɔ pɛ mbwa sɔna nɛ dea li hio bhoko-de wanza. Tɛ mbwa kati ha dea gdangamɔ na. Mbwa ha kio wal mɛ osili hio wan-pɔsa ha wal mɔ Sɔ pi ha dea gdangamɔ. Sila mbwa dona nɛ wɔ mbɔli. Sɔ foma mbwa kari.

1 Timothée 3:3

Ka wɛnɛ adung nê wan-fe dɔkɔ mana wan-bi tumbɔ na. Ma, wɛnɛ adung nɛ gaa nɛ mɛndi, nɛ ka wɛnɛ agde sila wa ha tɛ mbɔli na.

Efeze 5:5

Ɛnɛ ing nɛdedea nde, hio wan-de wanza, hio wan-de mɔ nyɛl, hio wan-de wɔ kpaamɔ, mbwa fɛt lɛm kpa bhandi ha Kongakandɔ pɛ Christ nɛ pɛ Sɔ ndang na. Hazu dea wɔ kpaamɔ, yo nê ndangtɛ mɔ tuka dea tom hio gbele sɔ.

2 Pierre 2:3

Hio wan-osimɔ dalo ndɔng ha dea hɛl mbɔli pentɛ. Mɛgi, mbwa bendɔmbili ɛnɛ nɛ dede gɛl hazu yɔng ɛnɛ. Ma, Sɔ gɔna kita ba nɛ mbwa bhee, nɛ ngimɔ ka wɛnɛ bebhondisi nɛ mbwa koka kari.

Efeze 5:3

Ɛnɛ tɛ bo nê hio wi pɛ Sɔ. Mɛgi, dea nde, ɛ aze ha soko ɛnɛ wen dea tili wanza, mana dea mɔ foy nɛtɛ-nɛtɛ, mana dea wɔ kpaamɔ fin na.

1 Korente 5:11

Mi ngɛraka wen ɛngɛ hazu hio wi ndɔng ka zɔk tɛ mbwa tuka wi pɛ Christ, ma, ka de wanza, ka de hɛl kpaamɔ, ka de tom gbele sɔ, ka tɔ gdanga lingtɛ wi, ka fe dɔkɔ, nɛ ka zu mɔ. Ka ɛnɛ ayɔng mɔ hinɛ kpal wi ndɔng na.

Dede Wen hazu Jésus-Christ ka Luc ngɛraka 8:14

Pɛ hio ma ka zea wen pɛ Sɔ, yo gbesi nɛ kpalmɔ, ka teka ha soko yak ngombia. Nɔzang nɛ kpaamɔ nɛ totɛ mɔ nzan luo sila mbwa. Mɛgi, mbwa way fea waya na.

Marc 7:22

dea wanza, gola kpaamɔ pɛ ma wi, dea mɔ nɛ nyalɔ, gɔna zang, dea mɔ tum, dea silamɔ, fɛngsa wi, suotɛ, nɛ dea mɔ yera.

Jude 1:11

Ngɔtɛ ha mbwa! Hazu mbwa ndara deamɔ pɛ Kain. Mbwa tɔa wen dalo hazu kpa nɛ mbɔli gbesi tuka ka Balaam batɔ nɛ. Mbwa guotɛ sungiri nɛ Sɔ, gbesi tuka ka Kore bade nɛ, nɛ mbwa fɛt befe tuka wɛnɛ.

1 Korente 6:10

ka zu mɔ, ka de hɛl kpaamɔ, ka fe dɔkɔ, ka tɔ gdanga lingtɛ wi, ka ba mɔ nɛ nga mbanzi, mbwa fɛt lɛm kpa bhandi ha Kongakandɔ pɛ Sɔ na.

Rome 1:29

Sila mbwa dona nɛ tili kalbho-kalbho mɔ nɛ gdangamɔ fɛt. Mbwa ha gola mɔ, ha dea gdangamɔ, nɛ ha dea gasa sila. Mbwa ha gbɛa wi, ha kio wen, nɛ ha osala wi. Mbwa ha dea gdanga sila, nɛ ha tɔa lingtɛ wi.

Matthieu 6:19

«Ka ɛnɛ awesiri kpaamɔ pɛ ɛnɛ hakɛ ha nzan na, hazu hakɛ dudu nɛ ngongele ha gdangsa mɔ, nɛ wanzu ha gbaa nutwa mɛ zu mɔ.

2 Korente 4:9

Hio wi ha namala ɔ, ma, Sɔ lak ɔ gde na. Hio wi ha mɛla ɔ pi ha nu, ma, ɔ bhondi na.