Hebro 13:4 - Takarata pɛ Sɔ Mbombe Mbon

⁴ Ɛnɛ aba wen sio may nɛ zioa. Ngase wei, ngase ko pɛa ade wanza na. Hazu Sɔ begɔn kita ba nɛ wi ndɔng ka de mɔ nɛtum-nɛtum, nɛ ka de wanza.

Hebro 13:4 Referans Kwoze

Galasi 5:19

Hio tom mɔ ndɔkitɛ wi gboa fɛt long: Dea wanza, dea mɔ nyɛl, dea mɔ tum,

Galasi 5:21

golamɔ, nɔa dɔkɔ nɛ ngurua, yɔngamɔ nɛ kang, nɛ fin hio ma tili mɔ mɛgi. Mi gbaa tazu ɛnɛ sɔngsi kari, nɛ mi putiri yo fin nde, hio wi ndɔng ka de hio tili mɔ mɛgi, mbwa lɛm kpa bhandi ha *Kongakandɔ pɛ Sɔ na.

1 Korente 6:9

Ɛnɛ ingɔ nɛdedea nde, hio *wan-de gdangamɔ lɛm mɛ kpa bhandi ha *Kongakandɔ pɛ Sɔ na. Ka ɛnɛ aosili tɛ ɛnɛ na. Hio wi ka de mɔ nyɛl, ka de tom gbele sɔ, ka de wanza, ka ɔnu nɛ bhobem mana nɛ ma mbwa wei,

Efeze 5:5

Ɛnɛ ing nɛdedea nde, hio wan-de wanza, hio wan-de mɔ nyɛl, hio wan-de wɔ kpaamɔ, mbwa fɛt lɛm kpa bhandi ha Kongakandɔ pɛ Christ nɛ pɛ Sɔ ndang na. Hazu dea wɔ kpaamɔ, yo nê ndangtɛ mɔ tuka dea tom hio gbele sɔ.

1 Timothée 3:12

Diakre adung nê wan-sibhoko ndang sɔna, nɛ wɛnɛ adung nê wan-zu hio bem pɛa nɛ hio nam pɛa nɛ wala.

1 Timothée 3:4

Wɛnɛ adung nê wan-zu nam pɛa nɛ wala, wɛnɛ adung nê wi ka hio bem pɛa hil nɛ mɛndi ha si wa nɛ ke fɛt.

1 Korente 7:38

Mɛgi, wei ka si bhoko ka wɛnɛ hala, wia dea dedemɔ. Nɛ wei ka si bhoko na, wia dea dedemɔ pentɛ.

Gbasamɔ 22:15

Ma, hio wan-nyalɔ, hio wan-nganga, hio wan-de wanza, hio nagbɛwi, hio wan-lukisi gbele sɔ, nɛ hio wi ka ngoy tɔa dalo nɛ ka de mɔ lɛm nɛ yo, bhandi pɛ mbwa fɛt ha gdong kin lea.

Tite 1:6

Lɛma nde, kotowi mɔ eglize adung nɛ ma wen ndang ha zu wa na. Wɛnɛ adung nê wan-si bhoko ndang sɔna. Hio bem pɛa adung nê hio wi pɛ Christ, nɛ fin, ka mbwa adung ngase pofa wi, ngase wan-de kpandele na.

1 Timothée 5:14

Mɛgi, mi ngoya nde, mbwa asi ma mbing wei, mbwa abhɛ bem, nɛ mbwa apam twa nɛdedea. Yu nde, hio ngana pɛ ɔ betɛ kpa wal mɛ tɔ nɛ gdanga lingtɛ ɔ.

1 Timothée 4:3

Mbwa beha nu ha hio wi nde, mbwa asi may na, nɛ nde, mbwa azim hio ma yɔngamɔ. Ma, hio wi ka mɛkiri Christ, nɛ ka ingɔ tɛwen, mbwa lɛma yɔng yɔngamɔ ndɔng, hazu Sɔ dea yo nde, mbwa ayɔng yo nɛ tɔa oeba ha wɛnɛ.

2 Korente 5:10

Hazu, lɛma nde, ɔ hinɛ ɛnɛ fɛt ahɔ ha li Christ tuka nde, wɛnɛ agɔn kita ha zu ɔ. A bekɛ ɔ ndang ndang fɛt lɛm nɛ dedemɔ mana nɛ gdangamɔ ka ɔ dea ha ngimɔ ka ɔ dungɔ nɛ tɛ ɛngɛ.

1 Korente 9:5

Bo nê mi lɛma mɛ si ma bhoko, nɛ yal hinɛ wɛnɛ gbesi tuka hio olo wan-nɛtom, hio bebe ya mɛ Kongawan, nɛ Pierre ha dea, na nde?

1 Timothée 3:2

Mɛgi yo lɛm nde, wi mɔ zu eglize adung nɛ ma wen ha zu wa na. Wɛnɛ adung nê wan-bhoko ndang sɔna. Wɛnɛ agan zu tɛ wa, wɛnɛ aba zu ha deamɔ pɛa, wɛnɛ aba tɛ wa nɛ zioa, wɛnɛ apam hio gɛnɛ nɛdedea, nɛ wɛnɛ aing osa mɔ ha hio wi nɛdedea.

Hebro 12:16

Ɛnɛ pangay yu nde, ma wi ha soko ɛnɛ betɛ tɛ wan-de wanza mana wan-bhɛsiri mɔ Sɔ tuka Ezau. A bagdongi bhandi kay wi pɛa ha bebe ya wa hazu tasi yɔngamɔ ndang.

1 Korente 6:18

Mɛgi, ɛnɛ ayu dea wanza. Hio mbing gdangamɔ fɛt ka wi de, yo gdangsi tɛ mbwa na. Ma, wi ka de wanza, a gdangsi nɛ tɛ wa nɛ pɛa tɛ.

1 Tesalonike 4:6

Ka ma ya ha Christ ade gdangamɔ ha tɛ ya wa na, nɛ ka wɛnɛ aosili wɛnɛ na. Kpasawen, ɔ tɔa ha ɛnɛ, nɛ ɔ gbaa tazu ɛnɛ kari nde, Kongawan bekundiki deamɔ ndɔng fɛt.