Hebro 13:3 - Takarata pɛ Sɔ Mbombe Mbon

³ Tazu ɛnɛ agba nɛ hio wan-zɔbhɔ tuka ɛnɛ ha twa zɔbhɔ hinɛ mbwa gbesi. Hio wi ndɔng ka kpa yukotomɔ, tazu ɛnɛ agba nɛ mbwa tuka ɛnɛ ha kpaa yukotomɔ hinɛ mbwa gbesi.

Hebro 13:3 Referans Kwoze

Matthieu 25:36

Mi dungɔ nɛ sɔngɛrɛ, nɛ ɛnɛ yola la ha tɛ mi. Mi dungɔ nɛ zɛlɛ, nɛ ɛnɛ tɛa tɛ pam mi. Mi dungɔ ha twa zɔbhɔ, nɛ ɛnɛ tɛa tɛ zɔk mi.›

Hebro 10:34

Ɛnɛ bade sɔy ha ngɔtɛ pɛ hio wan-zɔbhɔ. Nɛ ka ɛ bakay toy pɛ ɛnɛ pen nɛnɛ, ɛnɛ badung nɛ totɛ hapata, hazu ɛnɛ ingɔ nde, ɛnɛ nɛ ma kpaamɔ ka dung nɛdedea pentɛ, nɛ ka bebhɔn kpoo.

Rome 12:15

Ka hio wi ha dea totɛ, ɛnɛ ade totɛ hinɛ mbwa. Nɛ ka hio ma wi ha hea kwa, ɛnɛ ahe kwa hinɛ mbwa.

1 Korente 12:26

Ka gbakɔtɛ ndang nɛ yimɔa, hio olo gbakɔtɛ fɛt nɛ yimɔa hinɛ wɛnɛ gbesi. Nɛ ka gbakɔtɛ ndang kpaa lukosomɔ, hio olo gbakɔtɛ fɛt de totɛ hinɛ wɛnɛ gbesi.

Kolose 4:18

Yo nê mi Paul ka ngɛriki fani ɛngɛ nɛ tɛ kɔ mi. Tazu ɛnɛ agba nɛ mi hakɛ ha twa zɔbhɔ. Sɔ ade *dede sila ha tɛ ɛnɛ.

1 Pierre 3:8

Nɛ kpogioa, mi tɔ wen ha ɛnɛ fɛt nde, ɛnɛ adung nɛ ndangtɛ takaramɔ gbesi. Ɛnɛ ade kobhe tɛ may, nɛ ɛnɛ angoy may nɛ sila ndang hazu ɛnɛ nê hio gdiya ha wal mɔ Sɔ. Ɛnɛ ade ngay ha tɛ may, nɛ ɛnɛ ahil nɛ mɛndi ha si may.

Matthieu 25:43

Mi dungɔ gɔn-gɛnɛ wi, nɛ ɛnɛ tɛ ba mi nɛ dede kɔ na. Mi dungɔ nɛ sɔngɛrɛ, nɛ ɛnɛ tɛ yol la ha tɛ mi na. Mi dungɔ nɛ zɛlɛ nɛ ha twa zɔbhɔ, nɛ ɛnɛ tɛ tɛ zɔk mi na.›

Deamɔ 24:23

Hapata, a haa nu ha kagama-bulo nde, wɛnɛ apam Paul ha twa zɔbhɔ, ma, wɛnɛ asang Paul na. Nɛ nde, wɛnɛ aha wal ha hio dan mɛ Paul hazu zɔk nɛ gbakiri wɛnɛ.

Efeze 4:1

Mi, ka dung ha twa zɔbhɔ hazu mi ha dea tom ha *Kongawan, mi lokitɛ ha ɛnɛ nde, deamɔ pɛ ɛnɛ alɛm nɛ sala pɛ Sɔ ka wɛnɛ saa nɛ ɛnɛ mɛ dung hio wi pɛa.

Deamɔ 27:3

Nɛ ka mɔ saa, kuga bhanda ha Sidon. Yulius, ka dungɔ ha pama Paul nɛ *dede sila, haa wal nde, Paul anɛ ha pɛ hio dan wa, ka mbwa agbakiri wɛnɛ.

Hebro 11:37

Ɛ loa hio ma nɛ ta gbɛ. Ɛ gɔna soko hio ma ha binsila bwa, nɛ ɛ gbɛa hio ma nɛ gbapa. Hio ma mbinga dungɔ ha ndota nɛ ngɔn nɛnɛ tuka hio fabha wi. Mbwa yola kotu sami nɛ kotu gbele mbori tuka la. Hio wi yukoto mbwa, nɛ ɛ dea buu nɛ mbwa.