Hebro 13:22 - Takarata pɛ Sɔ Mbombe Mbon

²² Hio ya mi, mi alnu ha ɛnɛ nde, ɛnɛ akonzi hio wen mbɔla ndɔng ha zang sila ɛnɛ. Hazu mi ngɛraka kanɛ dɔ wen ha ɛnɛ.

Hebro 13:22 Referans Kwoze

1 Pierre 5:12

Yo nê Silas, ya ɔ ha Christ, ha gbakiri mi hazu ngɛriki dɔ takarata ɛngɛ ha ɛnɛ. Mi zɔka nde, wɛnɛ nɛ mboazu ha wal mɔ Sɔ. Mi ngɛraka takarata ɛngɛ hazu ngasisi nɛ ɛnɛ, nɛ hazu gbasi long nde, Sɔ ha dea kpasa *dede sila ha tɛ ɛnɛ ha zang mɔ fɛt. Mɛgi, dea nde, ɛnɛ abhɔn nɛ nɔa nging ha dede sila pɛ Sɔ.

Hebro 3:1

Hio ya mi, Sɔ saa ɛnɛ mɛ dung nê hio nzɔy wi pɛa. Hazu ɛngi, ɛnɛ azɔk Jésus ka Sɔ tomsa ha ɔ hazu dung nê gasa wan-hasadaka mɔ mɛkaramɔ ka ɔ kɛ wena.

Galasi 6:11

Hio ngbengele-ngbengele nanga takarata ndɔng, ka ɛnɛ zɔk sising, osi nde, mi ngɛriki yo nɛ tɛ kɔ mi.

2 Korente 6:1

Mɛgi, ɔ ka de tom hinɛ Sɔ, ɔ mbo ɛnɛ nde, ka ɛnɛ azɔk *dede sila ka Sɔ dea ha tɛ ɛnɛ tuka gbelemɔ na.

2 Korente 5:20

Hazu ɛngi, ɔ tɔ wen ha olo nu Christ. Sɔ nɛ pɛa tɛ mbo ɛnɛ nɛ wal wen nu ɔ. Mɛgi, nɛ ling Christ, ɔ ba nanga ɛnɛ nde, ɛnɛ agde Sɔ abhɔngiri mɔ ha soko wa hinɛ ɛnɛ.

Hebro 4:11

Hazu ɛngi, ɔ agbɛngsi tɛ hazu le ha bhandi ɔmtɛ ɛngɛ. Nɛ ɔ pangay yu nde, ma wi ha soko ɔ betɛ kɔpi lea ha bhandi ɔmtɛ ɛngɛ nɛ wal dea kpandele gbesi tuka hio ngbabafa ɔ.

Hebro 4:1

Sɔ bagɔn nu ha ɔ nde, a beha ɔ wal mɛ le ha bhandi ɔmtɛ ka wɛnɛ bhɔngara gde ha ɔ. Nɛ gɔnanu ɛngɛ bhɔna ka. Mɛgi, ɔ pangay yu nde, ma wi ha soko ɛnɛ betɛ kɔpi lea ha bhandi ɔmtɛ ɛngɛ.

Hebro 2:1

Tuka ɛngi, lɛma nde, ɔ akonzi wen ka ɔ zea nɛkpasa yu nde, ɔ betɛ yɔsisi wal.

2 Korente 10:1

Mi, Paul, mi mbo ɛnɛ nɛ wal gaa sila nɛ *dede sila pɛ Christ. Hio ma wi ha tɔa wen ha tɛ mi nde, ha ngimɔ ka mi dung hinɛ ɛnɛ haki, mi nɛ mɛndi, nɛ ka mi bo hinɛ ɛnɛ na, mi ha fuo da ha ɛnɛ.

Deamɔ 13:15

Ka ɛ tɔla mɔ ha zang *mbonga pɛ Moïse nɛ hio *wan-tɔkuliwen kari, hio wan-zu twa gɔ Sɔ tomsa mɛ tɔ ha mbwa: «Hio ya ɔ, ka ɛnɛ nɛ mbɔla mɛ mbo nɛ hio wi, ɛnɛ awol sising.»

Efeze 3:3

Sɔ gbasa ha mi hio mɔ ka wɛnɛ babhɔngiri nɛ wuso. Mi ngɛraka hio ma bebe wen hazua sɔngsi ha zang takarata ɛngɛ kari.

Hebro 12:5

Sɔ mboa ɛnɛ tuka hio bewei, tazu ɛnɛ biso nɛ mbɔla ɛngɛ kari nde? A batɔ: «Bewei pɔm, ka *Kongawan ndulsi mɛ, ka mɛ azɔk yo tuka gbelemɔ na. Nɛ ka wɛnɛ sɛn wen ha mɛ, ka sila mɛ anɔ tɔk na.

Hebro 13:19

Mi mbo ɛnɛ nɛkpasa nde, ɛnɛ agɔ Sɔ ka mi akifiri si ha pɛ ɛnɛ nɛhasa.