Hebro 13:1 - Takarata pɛ Sɔ Mbombe Mbon

¹ Ɛnɛ abhɔn ka ha ngoya may tuka hio ya ha Christ.

Hebro 13:1 Referans Kwoze

1 Jean 4:20

Ka ma wi tɔ nde, a ngoya Sɔ, nɛ wɛnɛ ha sɛna ya wa, wɛnɛ nê wan-tɔ dalo. Hazu, ka ma wi tɛ ngoy ya wa ka dung ha li wa na, a bengoy Sɔ ka wɛnɛ zɔk na, mɛng?

1 Pierre 3:8

Nɛ kpogioa, mi tɔ wen ha ɛnɛ fɛt nde, ɛnɛ adung nɛ ndangtɛ takaramɔ gbesi. Ɛnɛ ade kobhe tɛ may, nɛ ɛnɛ angoy may nɛ sila ndang hazu ɛnɛ nê hio gdiya ha wal mɔ Sɔ. Ɛnɛ ade ngay ha tɛ may, nɛ ɛnɛ ahil nɛ mɛndi ha si may.

1 Pierre 1:22

Ɛnɛ sasasa tɛ ɛnɛ kari, hazu ɛnɛ ha dea mɔ lɛm nɛ tɛwen pɛ Sɔ. Tuka ɛngi, ɛnɛ ngoya hio ya ha Christ nɛkpasa. Ey, ɛnɛ angoy may nɛ sila ndang.

2 Pierre 1:7

Dungɔa nɛ mboazu bede nde, ɛnɛ angoy fin may tuka hio gdiya. Nɛ ngoya may bede nde, ɛnɛ angoy fin hio olo wi fɛt.

1 Pierre 2:17

Ɛnɛ aba hio wi fɛt nɛ zioa, nɛ ɛnɛ angoy hio ya ɛnɛ ha Christ. Ɛnɛ ayu ke Sɔ, nɛ ɛnɛ aze nu kongapora Sezar.

Hebro 10:24

Ɔ azɔk wal pɛ may, nɛ ɔ aha da ha may mɛ ngoy may nɛ mɛ de dedemɔ.

2 Tesalonike 1:3

Hio ya ɔ, lɛma nde, ɔ aha oeba ha Sɔ swe fɛt hazu ɛnɛ. Dea mɛgi, yo nɛ wala hazu mɛkaramɔ pɛ ɛnɛ ha kpɔatɛ nɛnɛ sɔngsi, nɛ ngoy ka ɛnɛ ndang ndang fɛt ngoy nɛ may ha yɛbha fin.

1 Pierre 4:8

Pen fɛt, ɛnɛ abhɔn ka ha ngoya may nɛ sila ɛnɛ fɛt. Hazu, ngoy bisi dɔka *sɛmbɔ.

Galasi 5:22

Ma, hio waya pɛ Nzɔy-Sɔtɛ, yo nê ɛngɛ: ngoya may, totɛ, gaamɔ, yikosila, dea *dede sila, dea dedemɔ, dea mɔ nɛ mboazu,

Galasi 5:13

Ka bo nê pɛ ɛnɛ, hio ya mi, Sɔ saa ɛnɛ mɛ dung nê bele. Mɔ ndang sɔna, ɛnɛ ka dung nê bele sising, ka ɛnɛ atakiri nde, ɛnɛ lɛma de mɔ fɛt tuka sila ɛnɛ ngoya na. Ma, lɛma nde, ɛnɛ angoy may, nɛ ɛnɛ agbakiri may.

Gbasamɔ 2:4

Ma, mi nɛ mɔ sungiri ɛnɛ nde, ɛnɛ laka bosi ngoy ka ɛnɛ ngoya nɛ mi gde.

1 Jean 3:23

Nɛ mbonga ka Sɔ haa ha ɔ, yo nde, ɔ amɛkiri ling Jésus-Christ, Bewei pɛa. Nɛ nde, ɔ angoy may lɛm nɛ mbonga ka Christ haa ha ɔ.

Galasi 5:6

Kpasawen, wi ka de sɔy hinɛ Jésus-Christ, mana wɛnɛ nê wan-gɔn sɔru, mana wɛnɛ nê wan-sɔru, yo de mɔ na. Gasa mɔ sɔna nde, wɛnɛ amɛkiri Christ nɛ gbasi yo nɛ wal ngoy ka wɛnɛ ngoya nɛ hio wi.

Jean 15:17

Mɔ ka mi ha nua ha ɛnɛ, yo nde, ɛnɛ angoy may ha soko may.»

Efeze 5:2

Ha zang deamɔ pɛ ɛnɛ fɛt, lɛma nde, ɛnɛ abhɔn ka ha ngoya hio ma ɛnɛ. Ɛnɛ de mɔ gbesi tuka Christ ka ngoya ɔ, nɛ ka fea gɔn zu ɔ. Fio pɛa dung tuka dede sadaka ka pɛla dung nɛ kuloa siing, nɛ ka ha totɛ ha Sɔ.

Efeze 4:3

*Nzɔy-Sɔtɛ wesara ɛnɛ gde ndang kari, mɛgi dea nde, ɛnɛ agbɛngsi tɛ ɛnɛ mɛ bhɔn nɛ sila ndang nɛ wal dea le ha soko ɛnɛ ha zang gaamɔ.

Deamɔ 4:32

Giliwi ka mɛkara Christ dungɔ nɛ sila ndang, nɛ takaramɔ ndang. Ma wi ndang tɛ tɔ nde, mɔ pɛa nɛ pɛa gbatɛ, na. Ma, kpaamɔ ndɔng nɛ pɛ mbwa fɛt gbesi.

Deamɔ 2:1

Ka swe Pantekote hɔa kari, hio wi pɛ Christ wesara may fɛt ha bhandi ndang.