Hebro 12:5 - Takarata pɛ Sɔ Mbombe Mbon

⁵ Sɔ mboa ɛnɛ tuka hio bewei, tazu ɛnɛ biso nɛ mbɔla ɛngɛ kari nde? A batɔ: «Bewei pɔm, ka *Kongawan ndulsi mɛ, ka mɛ azɔk yo tuka gbelemɔ na. Nɛ ka wɛnɛ sɛn wen ha mɛ, ka sila mɛ anɔ tɔk na.

Hebro 12:5 Referans Kwoze

Gbasamɔ 3:19

Hio wi fɛt ka mi ngoy, mi dak zala mbwa nɛ ndulsi mbwa. Mɛgi, ɛnɛ gbɛngsi tɛ ɛnɛ, nɛ ɛnɛ kifiri sila ɛnɛ.

1 Korente 11:32

Ma, Kongawan gɔn kita ha zu ɔ, nɛ a ndulsi ɔ yu nde, a betɛ gɔn kita ba nɛ ɔ gbesi hinɛ hio wi mɔ nzan.

Jacques 1:12

Totɛ ha wi ka dung nɛ yikosila ha zang sɛbhalamɔ. Hazu ka Sɔ zɔka nde, sɛbhalamɔ tɛ gan zu wa na, a beha wɛnɛ *tunɔ kpoo. Ɛngɛ nê kɛamɔ ka Sɔ gɔna nu mɛ ha ha wi fɛt, ka ngoya wɛnɛ.

Hebro 12:7

Mɛgi, ɛnɛ aba sila ɛnɛ ha zang ngamɔ ndɔng, hazu yo dung tuka ndulsomɔ ka bafa ndulsi nɛ bewei pɛa. Ndulsomɔ ndɔng osi nde, ɛnɛ tɛ bo nê hio *bewei pɛ Sɔ. Hazu, yo nê nge bewei ka bafa wa ndulsi na, ge nde?

Dede Wen hazu Jésus-Christ ka Luc ngɛraka 24:6

Wɛnɛ bo hakɛ fin na, a guotɛ kari. Tazu ɛnɛ agba nɛ wen ka wɛnɛ tɔa ha ɛnɛ ha Galile.

Dede Wen hazu Jésus-Christ ka Luc ngɛraka 24:8

Mɛgi, tazu mbwa gbaa nɛ wen ndɔng pɛ Jésus.

Galasi 6:9

Hazu ɛngi, ɔ azati ha dea dedemɔ kpoo nɛ kpoo. Hazu, ka tɛ ɔ kati na, ɔ bebhi bin wayaa ha dede ngimɔ.

1 Timothée 1:20

Himene hinɛ Alexandre ha soko wi ndɔng. Mi gdea mbwa ha kɔ *Satan hazu ndulsi mbwa. Mɛgi mbwa beyambi nde, ka mbwa afɛngsi Sɔ fin na.

Hebro 13:22

Hio ya mi, mi alnu ha ɛnɛ nde, ɛnɛ akonzi hio wen mbɔla ndɔng ha zang sila ɛnɛ. Hazu mi ngɛraka kanɛ dɔ wen ha ɛnɛ.