Hebro 12:3 - Takarata pɛ Sɔ Mbombe Mbon

³ Ɛnɛ takiri mɔ hazu Jésus, ha wal ka wɛnɛ kpaa yimtɛ ha kɔ hio *wan-de gdangamɔ ka kafa wɛnɛ. Mɛgi, tɛ ɛnɛ akati na, nɛ sila ɛnɛ amɔk na.

Hebro 12:3 Referans Kwoze

Galasi 6:9

Hazu ɛngi, ɔ azati ha dea dedemɔ kpoo nɛ kpoo. Hazu, ka tɛ ɔ kati na, ɔ bebhi bin wayaa ha dede ngimɔ.

2 Korente 4:16

Yo nê ɛngi, ka sila ɔ lɛm kati na. Nɛ ngase ka tɛ ɔ ha yɛmala tikiring-tikiring, tunɔ pɛ ɔ ka dung ha sila ɔ, ha kpaa ngatɛ swe nɛ swe.

Gbasamɔ 2:3

Ɛnɛ nɛ yikosila. Ngase ɛnɛ kpaa yeksamɔ hazu mi, sila ɛnɛ tɛ mɔk ang na.

1 Korente 15:58

Mɛgi, hio ya mi ka mi ngoya gdang, ɛnɛ adung nɛ nɔa nging nɛ gbɛngsi tɛ ɛnɛ swe fɛt ha tom pɛ Kongawan. Hazu ɛnɛ ingɔ nde, ngatom pɛ ɛnɛ hazu Kongawan bo nɛ gbelea na.

Hebro 12:2

Ɔ azɔk kanɛ Jésus, wɛnɛ ka dung nê nanga mɛkaramɔ pɛ ɔ, nɛ fin wi ka lɛmsiri yo wɛɛ. A baa sila wa nɛ kɔ ha zang fio ha getakate. A zɔka foy mɔ fio ɛngɛ tuka gbelemɔ, hazu a gdea li wa ha totɛ ka wɛnɛ bekpa nɛ pata. Nɛ sising, wɛnɛ ha dungɔnu ha wekɔ Sɔ, hapɛtɛ solowan pɛ Sɔ.

Hebro 3:1

Hio ya mi, Sɔ saa ɛnɛ mɛ dung nê hio nzɔy wi pɛa. Hazu ɛngi, ɛnɛ azɔk Jésus ka Sɔ tomsa ha ɔ hazu dung nê gasa wan-hasadaka mɔ mɛkaramɔ ka ɔ kɛ wena.

2 Korente 4:1

Sila ɔ kati na, hazu Sɔ dea kobhe tɛ ɔ, nɛ a gdea ɔ ha tom ɛngɛ.

Jean 5:16

Tuka ɛngi, hio zuife angara namala Jésus, hazu a kpasasa wan-zɛlɛ ha swe ɔmtɛ.

Hebro 12:5

Sɔ mboa ɛnɛ tuka hio bewei, tazu ɛnɛ biso nɛ mbɔla ɛngɛ kari nde? A batɔ: «Bewei pɔm, ka *Kongawan ndulsi mɛ, ka mɛ azɔk yo tuka gbelemɔ na. Nɛ ka wɛnɛ sɛn wen ha mɛ, ka sila mɛ anɔ tɔk na.

Dede Wen hazu Jésus-Christ ka Luc ngɛraka 14:1

Ha ma swe ɔmtɛ, Jésus lea twa pɛ ma gasa *Farizien hazu yɔngmɔ. Nɛ ɛ dungɔ ha mbara wɛnɛ nɛkpasa,

2 Tesalonike 3:13

Ka bo nê pɛ ɛnɛ, hio ya ɔ, ka tɛ ɛnɛ akati ha dea dedemɔ na.

Jean 18:22

Nɛ ka Jésus boka ha tɔa wen mɛgi, ma nasara hapɛtɛ wa mɛla li wa kpaya, nɛ tɔa: «Mɛ kifiri wen mɛgi ha wan-zu hio wan-hasadaka hazu ge?»

Jean 8:52

Hio zuife tɔa ha wɛnɛ: «Kpasawen, sising, ɔ ingɔ long nde, mɛ nê wan-dua. Abraham hinɛ hio *wan-tɔkuliwen fɛt fea. Ma, mɛ tɔ nde, wi ka de mɔ lɛm nɛ wen pɛ mɛ, a lɛm fe kpoo na.

Jean 8:59

Ka mbwa zea mɛgi, mbwa kaya hio ta hazu lo nɛ wɛnɛ gbɛ. Ma, Jésus yɔamɔ ha li mbwa gbo ha *gasa twa Sɔ pen.

Jean 8:13

Hio *Farizien tɔa ha wɛnɛ: «Mɛ tɛ bo ha kɛa wen tɛ mɛ nɛ pɛ mɛ tɛ nde? Zɔk, wen ka mɛ kɛ, yo bo nê tɛwen na.»

Jean 7:12

Hio wi dungɔ ha tɔa wen pɛa nɛdɔka ha soko may. Hio ma tɔa nde, wɛnɛ nê dede wi. Nɛ hio ma mbinga tɔa nde, wɛnɛ nê wan-osili giliwi.

Dede Wen hazu Jésus-Christ ka Luc ngɛraka 16:14

Hio *Farizien zea wen ndɔng fɛt, nɛ mbwa mama Jésus hazu mbwa ngoya mbɔli gdang.

Dede Wen hazu Jésus-Christ ka Luc ngɛraka 15:2

Nɛ hio *Farizien nɛ hio *wan-osi mbonga dea ngambi nɛ tɔa: «Wi ɛngɛ ha dea sɔy hinɛ hio wan-de gdangamɔ, nɛ wɛnɛ ha yɔngamɔ hinɛ mbwa!»

Dede Wen hazu Jésus-Christ ka Luc ngɛraka 5:21

Hio Farizien nɛ hio wan-osi mbonga angara takara mɔ nɛ tɔa: «Wi kɛ ka fɛngsi Sɔ mɛgɛ, a ba tɛ wa tuka o? O lɛma bisi sɛmbɔ o nde? Yo ka nê Sɔ ndang sɔna!»

Dede Wen hazu Jésus-Christ ka Luc ngɛraka 2:34

Siméon wola dede wen ha zu mbwa, nɛ a tɔa ha Marie: «Dɔka wi ha Israel bekɔ nanga ha tɛ bem ɛngɛ tek, nɛ wɛnɛ begu hio ma mbinga nɛdɔka. Sɔ tomsa wɛnɛ mɛ gba tazu hio wi, ma mbwa bekafi wɛnɛ.

Matthieu 22:15

Hapata hio *Farizien nɛa nɛ kpo zuwen nde, mbwa aba Jésus nɛ wal wen nu wa.

Matthieu 21:46

Mɛgi mbwa kio wal mɛ ba wɛnɛ. Ma, mbwa yuo ke giliwi hazu giliwi ndɔng takara nde, Jésus nê *wan-tɔkuliwen.

Matthieu 21:23

Jésus lea *gasa twa Sɔ, nɛ ka wɛnɛ ha osamɔ, hio gasa wan-hasadaka nɛ hio kotowi mɔ kandɔ *zuife tiko tɛ hapɛtɛ wa, nɛ mbwa anamɔ: «Mɛ de mɔ ndɔng nɛ nge ziomɔ ge nde? Yo nê o ka ha mɛ ziomɔ ɛngɛ, o nde?»

Matthieu 15:2

«Hio *wan-yambimɔ pɛ mɛ tukili osamɔ pɛ hio ngbabafa ɔ, hazu ge? Hazu sɔngsi yɔngamɔ, mbwa tay kɔ lɛm nɛ ndɔki deamɔ pɛ ɔ na.»

Matthieu 12:24

Ma, ka hio *Farizien zea hio wi ha tɔa mɛgi, mbwa tɔa: «Wi kɛ lɛm yin gdanga sɔtɛ sɔna nɛ ngatɛ pɛ *Satan, wan-zu hio gdanga sɔtɛ.»

Matthieu 11:19

Ka mi, *Bewei pɛ Wi, hɔa, mi yɔnga nɛ nɔa mɔ. Nɛ ɛ tɔa nde, mi nê wan-yɔngmɔ nɛdɔka nɛ wan-nguru dɔkɔ. Nɛ fin nde, mi de sɔy hinɛ hio wan-ndɛm mbɔli garama nɛ hio *wan-de gdangamɔ. Ma, hio tom ka Sɔ de nɛ mbaramɔ pɛa, gbasa long nde, mbaramɔ pɛa nɛ nzeng.»

Jean 9:40

Hio ma Farizien ka dungɔ hapɛtɛ Jésus zea wen ndɔng. Nɛ mbwa ana wɛnɛ: «Ɔ fin fɛt nê hio wan-gdɔka li nde?»

Jean 10:20

Hio dɔka wi ha soko mbwa tɔa: «Wɛnɛ nê bala ha kɔ gdanga sɔtɛ. Bili ha dea wɛnɛ. Ɛnɛ ze wen pɛa hazu ge?»

1 Pierre 2:23

Ngase ka hio wi yaa wɛnɛ, a tɛ ya fin mbwa na. Ngase ka wɛnɛ kpaa yeksamɔ ha kɔ hio wi, a tɛ gutɛ sungiri nɛ mbwa na. Ma, a gdea mɔ ndɔng fɛt ha kɔ Sɔ ka gɔn kita nzeng.