Hebro 11:4 - Takarata pɛ Sɔ Mbombe Mbon

⁴ Nɛ wal mɛkara Sɔ, Abel haa dede sadaka ha Sɔ ka pena pɛ Kain. Nɛ ha wen zu mɛkaramɔ pɛa, Sɔ zɔka wɛnɛ tuka *nzeng wi, nɛ a mɛkara sadaka pɛa. Ngase ka Abel fea, a bhɔna ka ha wolamɔ ha ɔ nɛ wal mɛkaramɔ pɛa.

Hebro 11:4 Referans Kwoze

Hebro 12:24

Ɛnɛ tiko nɛ hapɛtɛ Jésus, wan-bhɔngiri mbombe *mbon ha soko Sɔ hinɛ hio wi. Ɛnɛ tiko nɛ hapɛtɛ tɔktɛ Jésus ka sɛa hazu sasisi wi. Mɛgi tɔktɛ Jésus kuo ma dede kasi tɛnɛ, bo tuka pɛ Abel na.

Jude 1:11

Ngɔtɛ ha mbwa! Hazu mbwa ndara deamɔ pɛ Kain. Mbwa tɔa wen dalo hazu kpa nɛ mbɔli gbesi tuka ka Balaam batɔ nɛ. Mbwa guotɛ sungiri nɛ Sɔ, gbesi tuka ka Kore bade nɛ, nɛ mbwa fɛt befe tuka wɛnɛ.

Matthieu 23:35

Mɛgi, Sɔ bendulsi ɛnɛ hazu ngafio pɛ hio nzeng wi, angiri ha ngafio pɛ Abel kanɛ Zakari, bewei pɛ Baraki, ka ɛnɛ bagbɛ ha dɛl *gasa twa Sɔ, ha soko bhandi ha sadaka nɛ bhandi ka dung nɛ nzɔya fɛt.

Hebro 9:22

Mbonga pɛ Sɔ tɔ nde, sulo hio mɔ ka tɛ bo nɛ nzing ha li Sɔ, lɛma nde, ɛ asasisi yo nɛ tɔk. Sɔ bebisi sɛmbɔ pɛ wi sɔna nɛ wal tɔk ka sɛa.

Hebro 12:1

Ka bo nê pɛ ɔ, dɔka giliwi ha zikoro ɔ. Yo nê ɛ ndɔng fɛt ka bade mɔ nɛ wal mɛkara Sɔ. Hazu ɛngi, ɔ ail hio zio toy fɛt ka dolsi ɔ ha wal mɔ Sɔ pi ha nu, ɔ alak fin gdangamɔ ka hɛl sila ɔ nɛhasa gde, nɛ ɔ asɔwi nɛ nɔa ha kpakpay ka Sɔ gdea ɔ ang, hɔ ha kpogioa.

Dede Wen hazu Jésus-Christ ka Luc ngɛraka 11:51

Yo angara nɛ ngafio pɛ Abel karsi nɛ Zakari, ka ɛ bagbɛ ha dɛl *gasa twa Sɔ, ha soko bhandi ha sadaka nɛ bhandi ka dung nɛ nzɔya fɛt. Ey, mi tɔ ha ɛnɛ nde, wen ngafio ndɔng fɛt betek ha zu hio wi mɔ ngimɔ ɛngɛ.

Tite 1:16

Mbwa ha tɔa nde, mbwa ingɔ Sɔ. Ma, deamɔ pɛ mbwa osi nde, mbwa kafa Sɔ kari. Mbwa dung tuka mɔ nyɛl, mbwa nê wan-nga zala, nɛ mbwa lɛm de ma dedemɔ ndang na.

Hebro 5:1

Ɛ weki hio gasa wan-hasadaka ndang ndang fɛt ha soko hio wi hazu gde mbwa ha tom lɛmsiri mɔ ha soko Sɔ nɛ hio wi ndɔng. Mbwa ha hio haamɔ nɛ hio sadaka ha Sɔ hazu gdangamɔ ka hio wi dea.

Hebro 11:2

Hio gasa ngbabafa ɔ bamɛkiri Sɔ. Yo nê hazu ɛngi ka Sɔ tɔa dede lingtɛ mbwa.

2 Pierre 2:8

Ey, nzeng wi ɛngɛ ka bade le ha soko hio wi ndɔng, kpaa ngɔtɛ nɛdɔka hazu wɛnɛ dungɔ ha zɔka nɛ ha zea dea kpandele pɛ mbwa swe fɛt.