Hebro 11:10 - Takarata pɛ Sɔ Mbombe Mbon

¹⁰ Abraham dea mɛgi hazu a dungɔ ha kera le ɛngɛ ka Sɔ bede, nɛ ka nangaa bedung nɛ nɔa ngi-ngi-ngi.

Hebro 11:10 Referans Kwoze

Hebro 13:14

Hazu, hakɛ ha zu nu, ɔ bo nɛ ma kpasa le ka bebhɔn na. Ma, ɔ nɛ hɛl mɔ le ɛngɛ ka betɛ bin.

Filipe 3:20

Ma, pɛ ɔ, le pɛ ɔ ha zang ngɔn. Nɛ ɔ ha kera nde, *Wan-kpasisi ɔ, *Kongawan Jésus-Christ, begutɛ haki tɛnɛ.

Hebro 12:22

Ma, pɛ ɛnɛ, yo nɛtɛ. Ɛnɛ tiko nɛ hapɛtɛ ngari *Sion, ha Jérusalem mɔ ngɔn, le pɛ tunɔ Sɔ, ka hio *telenge zemyeke dung ang.

2 Korente 5:1

Hakɛ ha zu nu tɛ ɔ dung tuka gbamsa ka beyangili. Kpasawen, ɔ ingɔ nde, ha ngɔn Sɔ beha ɔ ma mbing twa ka tɛ nɛ wal wi na, ma, ka bebhɔn kpoo nɛ kpoo.

Hebro 3:4

Twa ndang ndang fɛt nɛ wan-bɛ nɛ. Ma, Sɔ nê wan-bɛ mɔ fɛt.

Jean 14:2

Ha zang twa pɛ Bafa mi, bhandi ɔnu ang nɛdɔka. Mi ha nɛa ha bhɔngara bhandi keri nɛ ɛnɛ. Ka bo se nê tɛwen na, ki mi tɛ tɔ yo ha ɛnɛ na.

Gbasamɔ 21:2

Nɛ mi zɔka nzɔy gasa le, yo nê mbombe Jérusalem, ha guotɛ ha ngɔn ha pɛ Sɔ zil. Le ɛngɛ bhɔngara tɛ wa nɛ lɔka tuka bhoko ka nɛ ha sio wei pɛa.

Hebro 12:28

Nɛ Sɔ haa ɔ wal mɛ le ha kongakandɔ ɛngɛ ka ɛ lɛm mɛ fesi na. Mɛgi, ɔ aha oeba ha wɛnɛ nɛ wal dea dede tom ha wɛnɛ nɛ mɛndi nɛ ke.

Hebro 11:16

Ma, mbwa dea hɛl mɛ de le ha ma dede le ka pena kotoa. Dede lea, yo nê zang ngɔn. Hazu ɛngi, foy tɛ de Sɔ na, ka mbwa saa wɛnɛ nde, Sɔ pɛ mbwa. Kpasawen, a bhɔngara ma gasa le hazu mbwa.