Hebro 10:23 - Takarata pɛ Sɔ Mbombe Mbon

²³ Mɔ ka ɔ gde tazu ɔ ang, nɛ ka ɔ kɛ wena ha li wi fɛt, ɔ apam yo nɛ nɔa. Ey, Sɔ nɛ mboazu, a bede mɔ ka wɛnɛ gɔna nua mɛ de.

Hebro 10:23 Referans Kwoze

1 Tesalonike 5:24

Sɔ ka saa ɛnɛ, belɛmsiri mɔ ndɔng, hazu wɛnɛ nɛ mboazu.

1 Korente 1:9

Sɔ nɛ mboazu. Yo nê wɛnɛ nɛ pɛa tɛ ha sa ɛnɛ nde, ɛnɛ ade sɔy hinɛ Bewei pɛa, Jésus-Christ, Kongawan pɛ ɔ.

2 Tesalonike 3:3

Ey, Kongawan nɛ mboazu. A beha ɛnɛ ngatɛ, nɛ a bepam ɛnɛ sungiri nɛ gdangamɔ.

Hebro 6:18

Hio mɔ ndɔng bwa, gɔnanu nɛ kanamɔ pɛ Sɔ, lɛm mɛ kpali na, hazu Sɔ lɛm tɔ dalo na. Mɛgi, ɔ ka nɛa ha si goka kɔ pɛ Sɔ, ɔ baa da pentɛ mɛ bhɔn nɛ nɔa ha *mɔgdetazu pɛ ɔ nde, Sɔ belɛmsiri gɔnanu pɛa.

Tite 1:2

Mɛgi hio wi ndɔng begde tazu mbwa ha tɛ Sɔ nde, a beha mbwa *tunɔ kpoo. Gde ka Sɔ tɛ de ka nzan na, a bagɔn nu mɛ ha ɔ tunɔ kpoo. Nɛ Sɔ bo nê wan-tɔ dalo na.

Hebro 3:6

Ma, Christ nê *Bewei pɛ Sɔ, ka dung nê wan hazu twa pɛ Sɔ. Ka ɔ bhɔna nɛ da ha kera mɔ ka ɔ gde tazu ɔ ang, ɔ bedung nê twa pɛa.

1 Korente 10:13

Mɔ ka sɛbhili ɛnɛ, yo nê ndangtɛ mɔ ka sɛbhili hio wi fɛt. Ma, Sɔ nɛ mboazu, wɛnɛ lɛm mɛkiri nde, mɔ asɛbhili ɛnɛ pen zu ngatɛ pɛ ɛnɛ na. Ma, wɛnɛ beha ɛnɛ ngatɛ mɛ yɔng yini ha zang *sɛbhalamɔ, nɛ wɛnɛ beosi ha ɛnɛ wal mɛ kpɔy ha yo.

Gbasamɔ 3:11

Mi bepe nɛhasa. Ɛnɛ ba mɔ ka dung ha kɔ ɛnɛ nɛ nɔa yu nde, ma wi betɛ ku kɛamɔ pɛ ɛnɛ yunɛ.

Jacques 1:6

Ma, ka wɛnɛ gɔ ma mɔ ha kɔ Sɔ, lɛma nde, wɛnɛ agde tazu wa fɛt ha tɛ Sɔ. Ka wɛnɛ adung nɛ siokafɛ ha sila wa ndang na. Hazu, wi ka sikafɛ, dung tuka tongbasali, ka bok il fesi nɛtum.

Hebro 11:11

Nɛ wal mɛkara Sɔ, Abraham kpaa ngatɛ mɛ gde zang ha Sara, ngase ka mbwa gbɛla fɛt kari, nɛ ngase ka Sara badung nê nakomba. Hazu a ingɔ nɛdedea nde, Sɔ nɛ mboazu mɛ lɛmsiri gɔnanu pɛa.

Hebro 4:14

Gasa wan-hasadaka pɛ ɔ nɛ gasaa pen hio oloa fɛt, a danga si ha ngɔn hapɛtɛ Sɔ. Yo nê Jésus, *Bewei pɛ Sɔ. Mɛgi, lɛma nde, ɔ aba nɛ nɔa nging mɛkaramɔ ka ɔ bul wena.

Hebro 3:14

Lɛma nde, ɔ abhɔn ha gdea tazu ɔ ha tɛ Christ tuka ka ɔ dea nɛ ha angara mɛkara wɛnɛ. Hazu, ɔ nê hio sɔy pɛa sɔna ka ɔ de mɛgi tee hɔ ha kpogio ngimɔ.

2 Korente 9:13

Tom haa mɔ ɛngɛ begbasi long nde, ɛnɛ nɛ mboazu ha li Sɔ. Hio wi pɛ Sɔ ha Jérusalem belukisi Sɔ hazu ɛnɛ zea nu wa nɛ de mɔ lɛm nɛ *Dede Wen pɛ Christ. Mbwa belukisi wɛnɛ fin hazu ɛnɛ kapana mɔ nɛ dede sila hinɛ mbwa nɛ hinɛ hio olo wi pɛ Sɔ fɛt.

Hebro 3:1

Hio ya mi, Sɔ saa ɛnɛ mɛ dung nê hio nzɔy wi pɛa. Hazu ɛngi, ɛnɛ azɔk Jésus ka Sɔ tomsa ha ɔ hazu dung nê gasa wan-hasadaka mɔ mɛkaramɔ ka ɔ kɛ wena.