Hebro 10:12 - Takarata pɛ Sɔ Mbombe Mbon

¹² Ma, Christ haa ma sadaka ndang hazu bisi nɛ sɛmbɔ pɛ hio wi bhɔn. Hapata, a dungɔnu ha wekɔ Sɔ.

Hebro 10:12 Referans Kwoze

Hebro 1:3

Wɛnɛ ha gbasa *lɛkɛ-lɛkɛmɔ pɛ Sɔ ha hio wi, dungɔ pɛa fɛt tuka pɛ Sɔ, nɛ wɛnɛ tɔn nzan fɛt nɛ wal ngatɛ mɔ wen nu wa. Hapata ka wɛnɛ zosa *sɛmbɔ pɛ hio wi kari, a dungɔnu ha ngɔn ha wekɔ Sɔ, ka dung nɛ ziomɔ pen fɛt.

Kolose 3:1

Sɔ guo ɛnɛ hinɛ Christ gbesi ha soko hio fiowi. Mɛgi, ɛnɛ ki wal mɛ kpa hio mɔ ka dung ha ngɔn, ha bhandi ka Christ dungnu ang ha wekɔ Sɔ.

Rome 8:34

Mɛgi, ma wi ndang ka lɛma mɛ gɔn kita ba nɛ mbwa bona. Hazu Jésus-Christ fea gɔn zu mbwa kari. Nɛ pen mɔ fɛt, Sɔ guo wɛnɛ ha soko hio fiowi yunɛ. Wɛnɛ ha dungɔnu ha lɛkɛ-lɛkɛ bhandi ha wekɔ Sɔ, nɛ wɛnɛ ha gɔa Sɔ ha olo nu ɔ.

Hebro 9:12

Ha ngimɔ ka Christ lea ha nzɔy bhandi fɛt ɛngɛ ze ndang hireng, a tɛ ku nɛ tɔk sami mana tɔk benday le nɛ na, ma, a kuo tɛ kpasa tɔktɛ wa ha nɛ sadaka ha Sɔ. Mɛgi, a yanga ɔ ha si ngatɛ pɛ gdangamɔ kpoo.

Hebro 8:1

Gasa mɔ ka ɔ tɔ wena, yo nde, ma gasa wan-hasadaka pɛ ɔ ndang ang. Wɛnɛ ha dungɔnu ha zang ngɔn ha wekɔ Sɔ ka dung tuka *kongapora ha zu solowan pɛa.

Marc 16:19

Nɛ ka *Kongawan Jésus tɔa wen ndɔng ha hio *wan-yambimɔ pɛa fɛt kari, Sɔ guo wɛnɛ si nɛ ha ngɔn. Nɛ a dungɔnu ha wekɔ Sɔ.

Efeze 5:2

Ha zang deamɔ pɛ ɛnɛ fɛt, lɛma nde, ɛnɛ abhɔn ka ha ngoya hio ma ɛnɛ. Ɛnɛ de mɔ gbesi tuka Christ ka ngoya ɔ, nɛ ka fea gɔn zu ɔ. Fio pɛa dung tuka dede sadaka ka pɛla dung nɛ kuloa siing, nɛ ka ha totɛ ha Sɔ.

Hebro 5:1

Ɛ weki hio gasa wan-hasadaka ndang ndang fɛt ha soko hio wi hazu gde mbwa ha tom lɛmsiri mɔ ha soko Sɔ nɛ hio wi ndɔng. Mbwa ha hio haamɔ nɛ hio sadaka ha Sɔ hazu gdangamɔ ka hio wi dea.

Hebro 5:3

Mɛgi, lɛma nde, gasa wan-hasadaka aha sadaka ha Sɔ bo sɔna hazu *sɛmbɔ pɛ hio mbing wi na, ma, fin hazu sɛmbɔ pɛa nɛ pɛa tɛ.

Hebro 7:27

Lɛma nde, hio mbing gasa wan-hasadaka aha sadaka ha Sɔ swe fɛt. Mbwa ha sadaka sɔngsi ha wen *sɛmbɔ pɛ mbwa, nɛ ha pata ha wen sɛmbɔ pɛ hio olo wi. Ma, pɛ Jésus bo mɛgi na. A haa kanɛ sadaka ze ndang hireng ha ngimɔ ka wɛnɛ gdea tɛ wa ha fio.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.

Hebro 10:10

Ɔ tɛ bo nɛ nzɔya ha li Sɔ, hazu Jésus-Christ haa tɛ wa nɛ sadaka ze ndang hireng tuka Sɔ ngoya.

Hebro 10:14

Kpasawen, nɛ wal ndanga sadaka ndang, a dea nde, hio wi ndɔng ka tɛ bo nɛ nzɔya, alɛm wɛɛ bhɔn.