Hebro 10:1 - Takarata pɛ Sɔ Mbombe Mbon

¹ *Mbonga pɛ Moïse bo nê kpasa mɔ na, yo sɔna nê zizi hio dedemɔ ndɔng ka behɔ nɛ pata. Ha bɛlɛ ndang ndang fɛt hio wi dungɔ mɛ ha nɛ hio ndangtɛ tili sadaka ha Sɔ tuka nde, mbwa alɛm wɛɛ mɛ tiki nɛ hapɛtɛ wa. Ma, tili hio sadaka ndɔng lɛm mɛ de mɛgi na.

Hebro 10:1 Referans Kwoze

Hebro 8:5

Hio wan-hasadaka ndɔng de tom pɛ mbwa ha zang ma twa, ka dung ka nê zizi kpasa twa Sɔ mɔ ngɔn. Yo gbesi nɛ mɔ ka hɔa ha Moïse. Ha ngimɔ ka wɛnɛ bangoy mɛ bɛ nɛ twa Sɔ nɛ la, Sɔ batɔ ha wɛnɛ: «Zɔk, mɛ abɛ mɔ fɛt lɛm nɛ mɔ ka mi osa ha mɛ ha zu ngari.»

Hebro 9:11

Sising Christ hɔa kari. Wɛnɛ nê gasa wan-hasadaka ka kuo hio dedemɔ tɛnɛ ha ɔ. Nzɔy bhandi fɛt ɛngɛ ka wɛnɛ lea ang, yo nɛ gasaa pen fɛt, nɛ yo lɛma wɛɛ fɛt. Yo bo nê hio wi ha de bhandi ɛngɛ na, hazu bhandi ɛngɛ bo nê pɛ nzan ɛngɛ na.

Kolose 2:17

Mɔ ndɔng ki fɛt dung sɔna tuka zizi hio mɔ ka behɔ bin. Ma, ngbak mɔ, yo nê Christ.

Hebro 9:23

Lɛma nde, ɛ asasisi hio mɔ ndɔng ki nɛ wal tɔk sari, hazu hio mɔ ndɔng nê zizi hio kpasa mɔ ha ngɔn. Ma, hio kpasa mɔ ha ngɔn lɛma nɛ ma sadaka ka pena mbinga fɛt.

Hebro 9:25

Ha bɛlɛ ndang ndang fɛt gasa wan-hasadaka dung mɛ ku tɔk sari le nɛ ha nzɔy bhandi fɛt. Ma, Christ, lea ha ngɔn bo hazu ha tɛ wa nɛ sadaka ze nɛdɔka na.

Rome 8:3

Mbonga pɛ Moïse tɛ dung nɛ ngatɛ mɛ kpasisi ɔ na, hazu nɛ tɛ ɔ, ɔ lɛm mɛ pam yo na. Ma, mɔ ka mbonga lɛm mɛ de na, Sɔ dea yo nɛ wal Bewei pɛa ka wɛnɛ tomsa tɛ hakɛ ha nu. Bewei pɛa yola ngbak tɛ wi, ka dungɔ tuka pɛ ɔ, hio *wan-de gdangamɔ. Sɔ gdea wɛnɛ ha fio gɔn nɛ zu gdangamɔ pɛ ɔ. Nɛ wal dea mɛgi, Sɔ gɔna kita ha zu gdangamɔ, ka de tom ha tɛ ɔ.

Hebro 7:11

Hio bezang pɛ Lévi ha dea tom haa sadaka lɛm nɛ mbonga pɛ Moïse. Mbwa nê hio wan-hasadaka gbesi tuka ka Aaron badung nɛ. Ma, tom pɛ mbwa tɛ lɛmsiri mɔ tuka ka Sɔ ngoya na. Yo nê ɛngi, ka Sɔ tomsa fin ma wi ka bo nê bezang pɛ Aaron na, tuka nde, wia adung nê wan-hasadaka tuka Melkisedeke. A bo se mɛgi na, ki Sɔ tomsa wɛnɛ mɛng?

Hebro 10:22

Wɛnɛ sasasa sila ɔ kari, ingɔmɔ sila pɛ ɔ bo fin nɛ nzing na, nɛ a zosa tɛ ɔ nɛ ngɛnza li. Hazu ɛngi, ɔ tiki nɛ hapɛtɛ Sɔ nɛ kpasa sila, ka dona don nɛ mɛkaramɔ.