Hebro 1:6 - Takarata pɛ Sɔ Mbombe Mbon

⁶ Ma, ha ngimɔ ka Sɔ tɛ bo sanga mɛ tomsi kay Bewei pɛa nɛ ha nzan, a batɔ nde: «Hio telenge pɛ Sɔ fɛt alukisi wɛnɛ.»

Hebro 1:6 Referans Kwoze

Kolose 1:18

*Giliwi mɔ eglize nê kilitɛ Christ, nɛ wɛnɛ nê wan hazu mbwa. Mɔ fɛt angara nɛ wal wɛnɛ, wɛnɛ nê bosi wi ka guotɛ ha soko hio fiowi tuka nde, wɛnɛ adung ha bosi bhandi ha mɔ fɛt.

Kolose 1:15

Ma wi ndang tɛ zɔk Sɔ na. Ma, wi ka zɔka Christ, a zɔka Sɔ kari. Christ nê kay bem pɛ Sɔ, nɛ wɛnɛ dung ha zu mɔ fɛt ka Sɔ dea.

1 Pierre 3:22

Wɛnɛ kiforo si ha ngɔn mɛ dung ha wekɔ Sɔ. Hio *telenge, hio sɔtɛ gan zu mɔ nɛ hio nga sɔtɛ fɛt dung ha si wa.

Jean 1:14

Nɛ Wen kifo wi, ka dung nɛ multɛ nɛ gbalatɛ fɛt. A dea le ha soko ɔ. A dona nɛ *dede sila nɛ tɛwen fɛt. Ɔ zɔka *lɛkɛ-lɛkɛmɔ pɛa, ka Bafa wa haa ha wɛnɛ, ndanga Bewei pɛa.

Gbasamɔ 1:5

Jésus-Christ nê mboazu wan-kɛwen, bosi wi ka guotɛ ha soko hio fiowi, nɛ gasa wan hazu hio *kongapora mɔ nu ɛngɛ fɛt. A ngoya ɔ, nɛ a yanga ɔ ha si *sɛmbɔ pɛ ɔ nɛ wal tɔktɛ wa.

Rome 8:29

Kpasawen, hio wi ndɔng ka Sɔ baweki sɔngsi bingiri, a babhɔngiri wen ha sila wa nde, mbwa adung gbesi tuka Bewei pɛa. A dea mɛgi nde, Bewei pɛa adung nê kay bem ha soko hio gili ya wa.

1 Jean 4:9

Sɔ tomsa ndanga Bewei pɛa tɛ hakɛ ha nzan nde, ɔ akpa tunɔ nɛ wal wa. Yo nê mɛgi, ka Sɔ osa ngoy ka wɛnɛ ngoya nɛ ɔ.

Jean 1:18

Ma wi ndang tɛ zɔk Sɔ na. Ma, yo nê ndanga Bewei pɛa, ka dung hapɛtɛ wa, ka gbasa wɛnɛ ha ɔ.

Hebro 10:5

Yo nê hazu ɛngi, ha ngimɔ tɛa pɛa ha nzan, Christ batɔ nɛ ha Sɔ: «Hio haamɔ nɛ hio sari ka ɛ ha nɛ sadaka ha mɛ, mɛ ngoy yo na. Ma, mɛ yolsa tɛ wi ha mi.

Jean 3:16

Hazu Sɔ ngoya nzan gdang, mɛgi a haa ndanga bewei pɛa, tuka nde, wi ndang ndang fɛt ka mɛkiri wɛnɛ afe na, ma, a bedung nɛ tunɔ kpoo.

Hebro 1:5

Sɔ tɛ tɔ ha ma telenge ma swe ndang na, nde: «Mɛ nê Bewei pɔm, mɛsɛ mi tɛ bo nê Bafa mɛ.» Nɛ a tɛ tɔ hazu ma telenge fin na, nde: «Mi bedung nê Bafa wa, nɛ wɛnɛ bedung nê Bewei pɔm.»

Matthieu 24:14

Nɛ ɛ bebul *Dede Wen *Kongakandɔ pɛ Sɔ dam nzan fɛt tuka nde, hio wi mɔ hio kandɔ fɛt aze yo. Hapata, kpogio ngimɔ behɔ.»