Hebro 1:1 - Takarata pɛ Sɔ Mbombe Mbon

¹ Sɔngsi bhee, Sɔ dungɔ ha wolamɔ ha hio ngbabafa ɔ nɛ pata may nɛ tili wal nɛtɛ-nɛtɛ. A dea mɛgi nɛ wal hio *wan-tɔkuliwen.

Hebro 1:1 Referans Kwoze

Dede Wen hazu Jésus-Christ ka Luc ngɛraka 24:27

Nɛ Jésus osa ha mbwa gotowen fɛt ka takarata pɛ Sɔ tɔa ha zu wa. A angara ha takarata pɛ Moïse hɔ ha pɛ hio olo wan-tɔkuliwen fɛt.

Deamɔ 2:30

David badung se nê wan-tɔkuliwen, nɛ wɛnɛ ingɔ nde, Sɔ kana mɔ mɛ gde ma bezang pɛa tuka *kongapora ha bhandi pɛa.

Dede Wen hazu Jésus-Christ ka Luc ngɛraka 1:55

Sɔ de dedemɔ swe fɛt ha Abraham nɛ bezang wa, tuka wɛnɛ bagɔn nua ha hio ngbabafa ɔ.»

Deamɔ 13:32

Mɛgi, ɔ bul *Dede Wen ha ɛnɛ nde, Sɔ lɛmsara mɔ, ka wɛnɛ bagɔn se nua ha hio ngbabafa ɔ.

Hebro 2:2

Wen *mbonga pɛ Moïse ka hio *telenge baku tɛnɛ, yo nê tɛwen. Mɛgi, hio wi ndɔng ka kafa zea yo, nɛ ka dea kpandele sungiri nɛ yo, Sɔ ndulso mbwa lɛm nɛ deamɔ pɛ mbwa.

Dede Wen hazu Jésus-Christ ka Luc ngɛraka 1:72

Kongawan Sɔ dea kobhe tɛ hio ngbabafa ɔ fɛt. Tazu Kongawan Sɔ gbaa nɛ nzɔy nɔa *mbon pɛa,

Deamɔ 28:23

Nɛ ka yala ka mbwa baweki ha Paul lɛma kari, mbwa tɛa ha twa pɛa nɛdɔka pen mɔ sɔngsi. A bulo wen *Kongakandɔ pɛ Sɔ ha mbwa, nɛ a kio wal mɛ gan zu mbwa nde, mbwa amɛkiri Jésus. A osa mɔ nɛ sutole kanɛ zɛ nɛ wal tɔla hio ma ngɛrakamɔ ha zang *mbonga pɛ Moïse nɛ ha zang takarata pɛ hio *wan-tɔkuliwen.

Jean 9:29

Ɔ ingɔ nde, Sɔ bawolmɔ ha Moïse. Ma, pɛ wei kɛ, ɔ ing bhandi ka wɛnɛ guotɛ ang tɛnɛ na.»

Jean 7:22

Hio ngbabafa ɛnɛ angara gɔna sɔru bewei pɛ mbwa sɔngsi ka Moïse baha nu ha ɛnɛ mɛ de yo. Nɛ ɛnɛ mɛkara mɛ gɔn sɔru ngase ha *swe ɔmtɛ, hazu Moïse baha nu mɛ gɔn yo dimasi ndang hapata bhɛ.

Dede Wen hazu Jésus-Christ ka Luc ngɛraka 24:44

Hapata Jésus tɔa ha mbwa: «Ha ngimɔ ka mi bhɔna ka hinɛ ɛnɛ, mi tɔa ha ɛnɛ nde, lɛma nde, hio dɔka ngɛrakamɔ ha zu mi ha zang *mbonga pɛ Moïse, ha zang takarata pɛ hio *wan-tɔkuliwen, nɛ ha zang *takarata gima pɛ David fɛt alɛmsiri tɛ.»

Jean 16:13

Ka Nzɔy-Sɔtɛ ka begbasi tɛwen hɔa, a bede nde, ɛnɛ aing tɛwen fɛt. A lɛm tɔ wen nɛ zu wa na. Ma, a betɔ nɛ hio wen fɛt ka wɛnɛ zea ha nu Bafa mi. Nɛ wɛnɛ betɔ fin hio mɔ ka behɔ ha ɛnɛ.

Deamɔ 3:21

Ma, Jésus bebhɔn ha ngɔn kanɛ ngimɔ ka Sɔ bhɔngara mɔ fɛt nɛ mbombea, gbesi tuka ka wɛnɛ batɔ se wena nɛ wal nu hio nzɔy wan-tɔkuliwen pɛa.

Hebro 2:3

Mɛgi, ka ɔ bhɛsiri gasa mɔkpasi ka Sɔ ngoy kpasisi nɛ ɔ, ɔ bekpɔy ha ndulsomɔ mɛng? Yo nê *Kongawan nɛ pɛa tɛ ka angara bulo wen mɔkpasi ɛngɛ, nɛ hio wi ndɔng ka zea wena, mbwa tɔa ha ɔ nde, yo nê tɛwen.

Hebro 3:5

Moïse badung nɛ mboazu wan-tom ha twa pɛ Sɔ fɛt. A bulo wen hio mɔ ka Sɔ betɔ bin.

Hebro 4:8

Hazu ka bo nde, Josué ngbɔsa hio ngbabafa ɔ hɔ nɛ ha bhandi ɔmtɛ ɛngɛ, ki Sɔ tɛ tɔ fin wen ma mbing swe na.

Hebro 5:5

Yo fin gbesi nɛ Christ. Pɛa, a tɛ ba tɛ wa nɛ zioa mɛ tɛ gasa wan-hasadaka na. Ma, yo nê Sɔ ka baweki wɛnɛ, a batɔ: «Mɛ nê Bewei pɔm. Mɛsɛ, mi tɛ bo nê Bafa mɛ.»

Hebro 9:19

Sɔngsi bhee, Moïse tɔla hio wen mbonga pɛ Sɔ ndang ndang fɛt ha hio wi mɔ *Israel. Hapata a kuo gbakɔte hizope, a wesara yo hinɛ gbɛ bumɔ tɛ sami de nɛ mbunzɔ, nɛ a aa yo ha zang tɔk benday, ka ɛ sɔkara yo nɛ li. A ngbanzala yo ha tɛ takarata mbonga pɛ Sɔ, nɛ fin ha tɛ hio wi fɛt.

Hebro 11:2

Hio gasa ngbabafa ɔ bamɛkiri Sɔ. Yo nê hazu ɛngi ka Sɔ tɔa dede lingtɛ mbwa.

Hebro 11:18

ha wɛnɛ nde: «Mɛ bekpa bin hio bezang nɛ wal Isaac.»

Hebro 12:25

Ɛnɛ pangay yu nde, ɛnɛ betɛ kafi zea wi ɛngɛ ka tɔ wen ha ɛnɛ. Hio wi mɔ Israel bakafi zea wi ka gbaa tazu mbwa nɛ wen pɛ Sɔ hakɛ ha zu nu, nɛ mbwa tɛ kpɔy ha ndulsomɔ na. Mɛgi, ka ɔ kafi zea wi ka guotɛ ha ngɔn tɛnɛ, ɔ lɛm kpɔy ha ndulsomɔ ndang na.