Galasi 4:3 - Takarata pɛ Sɔ Mbombe Mbon

³ Yo gbesi nɛ ɔ. Ha ngimɔ ka ɔ badung tuka bhobem, ɔ badung se tuka bala ha si hio ziomɔ nzan.

Galasi 4:3 Referans Kwoze

Kolose 2:20

Ɛnɛ fea hinɛ Christ gbesi. Ɛnɛ bo fin ha si ziomɔ pɛ hio sɔtɛ mɔ nzan ɛngɛ na. Ma, ɛ dea mɛng, ka ɛnɛ ha dea mɔ tuka wi mɔ nzan ɛngɛ, ge nde? Hazu ge ɛnɛ mɛkara hio haanu tuka ɛngɛ, ka tɔ nde,

Kolose 2:8

Ɛnɛ pangay yu nde, hio wi betɛ osili ɛnɛ nɛ gombo mbaramɔ pɛ mbwa hazu ba ɛnɛ nɛ bala. Mbaramɔ ɛngɛ tɛ nɛ wal hio ngbabafa mbwa mana nɛ wal hio sɔtɛ mɔ nzan. Yo tɛ nɛ wal Christ na.

Galasi 4:9

Sising ɛnɛ ingɔ Sɔ kari, mɛ tɔ tɛwen, yo nê Sɔ ha ing ɛnɛ kari. Ma, ɛnɛ de mɛng mɛ kifiri fin tɛ tɛ dung ha si hio mɔka gbele sɔtɛ ndɔng, ge nde? Hazu ge, ɛnɛ ngoy de tom tuka bala ha mbwa fin nɛ mbinga, ge nde?

Galasi 2:4

Ma, hio ma ya ha Christ, ka dung nê wan-dambari, lea ha soko ɔ nɛ wuso. Ka mbwa zɔka nde, Jésus-Christ gbosasa ɔ ha si *mbonga pɛ Moïse gde sɛɛ, mbwa ngoya mɛ gde ɔ ha si mbonga fin nɛ mbinga tuka hio bala.

Galasi 4:31

Mɛgi, hio ya ɔ, ɔ bo nê hio bem pɛ bhoko bala na. Ɔ nê hio bem pɛ bhoko bele.

Deamɔ 15:10

Hazu ge ɛnɛ ha wea sila Sɔ sising nɛ wal gdea zio toy ha zu wi ndɔng ge nde? Ngase hio ngbabafa ɔ, ngase ɔ, tɛ lɛm toy yo na.

Rome 8:15

Ɛnɛ kpaa Nzɔy-Sɔtɛ bo hazu gde ɛnɛ bala ka dung fin nɛ ke na, ma, hazu gde ɛnɛ hio bem pɛ Sɔ. Yo nê Nzɔy-Sɔtɛ ka ha ɔ wal mɛ sa Sɔ nde, Abba, Bafa ɔ.

Jean 8:31

Jésus tɔa ha hio *zuife ndɔng ka mɛkara wɛnɛ: «Ka ɛnɛ pam hio osamɔ pɔm nɛ mboazu, ki ɛnɛ bedung nê hio kpasa *wan-yambimɔ pɔm.

Hebro 7:16

Wɛnɛ tɛ bo nê wan-hasadaka bo nɛ wal wen *mbonga pɛ wi na, ma, nɛ wal ngatɛ pɛa mɛ dung nɛ zutunɔ kpoo.

Galasi 4:25

Agar dung tuka ngari Sinai ha kandɔnu Arabi. A dung fin tuka gasa le Jérusalem mɔ ngimɔ sising, hazu hio wi mɔ lea fɛt nê hio bala.

Galasi 3:19

Ka mɔ dung tuka ɛngi, tom pɛ mbonga dung mɛng? Sɔ gdea mbonga ha zu gɔnanu pɛa tuka nde, ɔ aing deamɔ ka dung nɛ gdanga ha li wa. Sɔ haa mbonga keri nɛ hɔa pɛ bezang pɛ Abraham, ka Sɔ gɔna nua ha wɛnɛ. Hio *telenge kuo mbonga tɛnɛ tɛ ha ha Moïse tuka nde, wɛnɛ adung ha soko Sɔ hinɛ hio wi.

Matthieu 11:28

«Ɛnɛ fɛt, ka tɛ ɛnɛ kata ha baa zio toy dɔka *mbonga pɛ hio *zuife, ɛnɛ tɛ ha pɔm. Mi begu yo ha zu ɛnɛ yunɛ, nɛ ɛnɛ bekpa gaamɔ.

Rome 7:14

Ɔ ingɔ nɛdedea nde, *mbonga tɛ nɛ wal *Nzɔy-Sɔtɛ. Ma, mi nê wi mɔ multɛ sɔna. Mi dung tuka tɛ bala ha si gdangamɔ.

2 Korente 11:20

Kpasawen, ɛnɛ ha baa sila ɛnɛ ka mbwa ba ɛnɛ tuka bala, ka mbwa yɔng ɛnɛ, ka mbwa ba mɔ pɛ ɛnɛ nɛ nga mbanzi, ka mbwa bhɛsiri ɛnɛ, nɛ ka mbwa mɛl li ɛnɛ.

Galasi 4:2

A behil nɛ mɛndi ha si wi ndɔng ka day wɛnɛ, nɛ ka pam toy pɛa, zengi nɛ ngimɔ ka bafa wa weka.

Galasi 4:8

Sɔngsi, ha ngimɔ ka ɛnɛ tɛ ing ka Sɔ na, ɛnɛ dungɔ tuka bala pɛ hio tili mɔ nɛtɛ-nɛtɛ ka bo nê kpasa sɔ na.

Galasi 4:24

Kasi mɔ ɛngɛ dung tuka wekamɔ, ka tɔ nde, dungɔ pɛ hio bhoko ndɔng bwa osi tili nɔa mbon bwa. Nɔa mbon ka Sɔ banɔ hinɛ Moïse ha zu ngari Sinai dung tuka Agar, ka bhɛa nɛ bebala.

Hebro 5:12

Yo tɛ bo nê ngimɔ nde, ɛnɛ nɛ pɛ ɛnɛ tɛ adung nê hio wan-osimɔ. Ma, ɛnɛ kpala tɛ dung nê wi ka ɛ lɛma fin osi hio bosi osamɔ hazu Christ ha mbwa. Ɛnɛ dung tuka hio nzɔri bem ka bhɔna ha nɔa li bele, nɛ ɛnɛ tɛ lɛm ka yɔnga nga yɔngamɔ na.