Galasi 2:1 - Takarata pɛ Sɔ Mbombe Mbon

¹ Hapata bɛlɛ bhukɔ gbala nar, ɔ hinɛ Barnabas nɛa fin nɛ mbinga ha Jérusalem. Mi kuo Tite nɛnɛ hinɛ ɔ fin.

Galasi 2:1 Referans Kwoze

Galasi 2:3

Nɛ mbwa mɛkara tom pɔm. Kpasawen, sɔy-yali pɔm, Tite, ka dung nê kandɔ greke, mbwa tɛ nɔsisi wɛnɛ mɛ gɔn sɔru wa na.

Tite 1:4

Mi ngɛriki takarata ɛngɛ ha mɛ Tite, ka tɛa ngbak bem pɔm nɛ wal Jésus-Christ ka ɔ hinɛ mɛ mɛkara gbesi. Sɔ, Bafa ɔ, nɛ Jésus-Christ, Wan-kpasisi ɔ, mbwa ade *dede sila ha tɛ mɛ, nɛ mbwa aha gaamɔ ha mɛ.

Kolose 4:10

Aristarke ka dung hinɛ mi hakɛ ha twa zɔbhɔ fana ɛnɛ. Marc, beyang mɛ Barnabas, fana ɛnɛ fin. Ka wɛnɛ hɔa ha pɛ ɛnɛ, ɛnɛ aba wɛnɛ nɛ dede kɔ, tuka mi tɔa wena ha ɛnɛ kari.

Galasi 2:13

Nɛ hio olo wi pɛ Christ mɔ kandɔ zuife fɛt angara dea dambari gbesi tuka Pierre. Ngase Barnabas fin nɛ pɛa tɛ, a lesasa tɛ wa ha zang dambari ɛngɛ.

Galasi 1:18

Mi dungɔ haki lɛm bɛlɛ tar ing ki mi tɛ nɛ ha Jérusalem ha zɔka Pierre. Mi dungɔ ha pɛa haki lɛm kili dimasi bwa.

2 Korente 8:23

Pɛ Tite, ɛnɛ ingɔ fɛt nde, wɛnɛ nê sɔy-tom pɔm ka de tom hinɛ mi hazu gbakiri nɛ ɛnɛ. Pɛ hio ya ndɔng bwa ka nɛ hinɛ wɛnɛ, yo nê giliwi mɔ hio eglize ha tomsi mbwa. Deamɔ pɛ mbwa fɛt ha haa lukosomɔ ha Christ.

2 Korente 8:16

Ɔ lukisi Sɔ hazu wɛnɛ gdea hɛl ha sila Tite mɛ gbakiri ɛnɛ fin tuka ɔ ha dea.

1 Korente 9:6

Mi hinɛ Barnabas ha dea tom nɛ kɔ ɔ hazu gbakiri nɛ tɛ ɔ. Yo sɔna nê ɔ ka mɔ nɔsisi mɛ de mɛgi nde?

Deamɔ 15:25

Hazu ɛngi, ɔ kpoa zuwen nɛ sila ndang mɛ weki hio ma wi, nɛ tomsi mbwa ha pɛ ɛnɛ hinɛ hio ndɔngsila ɔ, Paul nɛ Barnabas,

Deamɔ 14:12

Mbwa saa ling Barnabas nde, Zeus, gasa sɔ pɛ mbwa, nɛ ling Paul nde Hermes, hazu a dungɔ nê wan-bulwen olo nu sɔ Zeus.

Deamɔ 13:50

Hio zuife ilo hio ma konga bhoko, ka lukisi Sɔ, nɛ hio konga wei mɔ le ɛngi nde, mbwa anamili Paul hinɛ Barnabas nɛ yin mbwa gbo ha kandɔnu ɛngi.

Deamɔ 13:2

Ma swe ka mbwa dungɔ ha lukoso *Kongawan nɛ zimɔ yɔngamɔ, Nzɔy-Sɔtɛ tɔa ha mbwa: «Ɛnɛ gde Barnabas nɛ Saul nɛtɛ hazu mi saa mbwa ha dea ma tom nɛtɛ.»

Deamɔ 12:25

Ka Barnabas hinɛ Saul karsa tom pɛ mbwa ha Jérusalem, mbwa kuo Jean, ka ɛ sa fin nde Marc, sinɛ hinɛ mbwa.

Deamɔ 11:30

Mbwa dea yo mɛgi. Mbwa tomsa Barnabas hinɛ Saul mɛ ku hio mɔ ndɔng fɛt nɛnɛ ha hio kotowi mɔ eglize ha Jérusalem.

Deamɔ 11:25

Hapata Barnabas guotɛ haki nɛ ha Tarse hazu ki Saul.

2 Korente 2:13

Tangere, sila mi dungɔ ha gɔna hazu mi tɛ kpa ya ɔ, Tite, haki na. Yo nê ɛngi, ka mi kɛatɛ nɛ hio wi mɛ Troas, nɛ mi pena nɛ ha kandɔnu Masedoane.

Galasi 2:9

Jacques, Pierre nɛ Jean, ka hio wi pɛ Christ mɛkara tuka hio wi mɔ zu eglize, mbwa zɔka nde, Sɔ haa tom ɛngɛ ha mi. Yo nê ɛngi, ka mbwa fana mi hinɛ Barnabas nɛ kɔ hazu osi nde, ɔ hinɛ mbwa, ɔ tɛ bo nê sɔy-tom ha bulo Dede Wen. Mbwa bebhɔn ha dea tom ha soko kandɔ zuife, nɛ ɔ benɛ nɛ de tom ha soko hio olo kandɔ.