Galasi 1:21 - Takarata pɛ Sɔ Mbombe Mbon

²¹ Hapata ɛngi, mi pena nɛ ha kandɔnu Siri nɛ kandɔnu Silisi.

Galasi 1:21 Referans Kwoze

Deamɔ 15:41

Mbwa gɔna kandɔnu Siri nɛ Silisi nɛ ngasasa hio wi mɔ hio eglize haki.

Deamɔ 9:30

Ka hio wi pɛ Christ zea wena, mbwa kuo Saul nɛnɛ ha Sezare, haki mbwa tomsa wɛnɛ ha Tarse.

Deamɔ 6:9

Ma, hio ma *zuife guotɛ nɛ angara zanga wen sungiri nɛ Etienne. Hio ma ha soko mbwa bagutɛ ha hio le Sirene nɛ Alezandri tɛnɛ. Mbwa nê wi mɛ *twa gɔ Sɔ ka ɛ sa nde, ɔ bo fin nê bala na. Hio ma ha soko mbwa bagutɛ ha kandɔnu Silisi nɛ ha nu Azi.

Deamɔ 15:23

Mbwa ngɛraka ma takarata gde ha kɔ wi ndɔng. Yo tɔa mɛgɛ: «Ɔ, hio wan-nɛtom nɛ hio kotowi fɛt, ɔ fana hio ya ɔ, ka bo nê zuife na, ka dung ha le Antioshe, ha kandɔnu Siri nɛ ha kandɔnu Silisi.

Deamɔ 13:1

Ha soko *giliwi mɔ eglize ha Antioshe, hio *wan-tɔkuliwen nɛ hio wan-osimɔ ang. Ling mbwa nê: Barnabas, Siméon, Lusius, Manaen, nɛ Saul. Ɛ sa Siméon fin nde tu wi. Lusius nê wi mɛ Sirene. Nɛ Manaen kpɔatɛ gbesi hinɛ *kongapora Herode Antipas.

Deamɔ 23:34

Ka gɔfɔrma tɔla takarata ɛngɛ, a ana Paul: «Mɛ nê wi mɔ nge kandɔnu ge?» Nɛ Paul tɔa: «Mi nê wi mɔ kandɔnu Silisi.»

Deamɔ 22:3

«Mi nê zuife, ɛ bhɛa mi ha gasa le Tarse ha kandɔnu Silisi. Ma, mi kpɔatɛ hakɛ ha Jérusalem. Wan-osimɔ pɔm nê Gamaliel, ka osa ha mi *mbonga pɛ hio ngbabafa ɔ nɛdedea nzeng. Mi dungɔ nɛ lululu sila hazu Sɔ gbesi tuka ɛnɛ fɛt swe mɛsɛ.

Deamɔ 21:39

Nɛ Paul kiforo wen: «Way, mi nê *zuife, bele mɔ konga gasa le Tarse ha kandɔnu Silisi. Mi ba nanga mɛ, mɛ gde mi awolmɔ ha giliwi ndɔng.»

Deamɔ 21:3

Ka ɔ zɔka kisi Shipre, ɔ gdea yo ha wal gare, nɛ ɔ pena nɛ wal kandɔnu Siri. Ɔ bhanda kuga ha gasa le Tir, hazu yo nê haki ka ɛ lɛma zilsi hio toy ha zanga.

Deamɔ 18:18

Paul bhɔna ha Korente ngimɔ nɛzikoa fin. Hapata, a kɛatɛ hinɛ hio ya ha Christ hazu si ha kandɔnu Siri. Priscille nɛ Akilas nɛa hinɛ wɛnɛ. Ha le Sankre, Paul kpea zu wa hazu osi nde, a lɛmsara gɔnanu pɛa ha Sɔ. Hapata mbwa lea kuga pen.

Matthieu 4:24

Nɛ kasi tɛ wa yambala hɔ ha kandɔnu Siri fɛt. Mɛgi ɛ kaya hio wi ndɔng fɛt ka dung nɛ tili zɛlɛ nɛtɛ-nɛtɛ tɛnɛ ha pɛa, nɛ fin hio bala ha kɔ gdanga sɔtɛ, hio wan-zɛlɛ bedole, nɛ hio wan-zɛlɛ mɛla. Nɛ Jésus kpasasa mbwa fɛt.