Galasi 1:10 - Takarata pɛ Sɔ Mbombe Mbon

¹⁰ Mana mi ha tɔa wen mɛgi hazu kpa longo pɛ hio wi nde? Way! Mi ngoy nɛ longo pɛ Sɔ sɔna. Mana mi ha kio wal mɛ ha totɛ ha hio wi nde? Way! Ka bo se nde, mi ha kio fin wal mɛ ha totɛ ha hio wi, ki mi bo nê wan-tom pɛ Christ na.

Galasi 1:10 Referans Kwoze

1 Tesalonike 2:4

Hazu Sɔ wea ɔ nɛ a kpaa nde, ɔ lɛma ha li wa ka wɛnɛ agde tom bulo Dede Wen ha kɔ ɔ. Mɛgi ɔ ha wolamɔ bo hazu ha totɛ ha wi na, ma, hazu ha totɛ ha Sɔ ka we takaramɔ sila pɛ ɔ.

Deamɔ 5:29

Ma, Pierre nɛ hio wan-nɛtom kiforo wen: «Dea nde, ɔ aze nu Sɔ pen zea nu hio wi.

Efeze 6:6

Lɛma nde, ka ɛnɛ ade yo nɛ peali mana hazu ki longo pɛ wi na. Ma, ɛnɛ ade yo tuka hio bala pɛ Christ ka ha sila mbwa fɛt ha dea mɔ ka Sɔ ngoya.

Jacques 4:4

Ɛnɛ, hio wan-yambala zu ha li Sɔ, ɛnɛ ing nde, dea gdidan hinɛ nzan, yo nê sungoro Sɔ. Mɛgi, wi fɛt, ka ngoy dea gdidan hinɛ nzan, a tɛ bo nê ngana pɛ Sɔ.

Matthieu 22:16

Mbwa tomsa hio ma *wan-yambimɔ pɛ mbwa nɛ hio ma ngali pɛ Herode ha pɛ Jésus mɛ tɔ ha wɛnɛ: «Wan-osimɔ, ɔ ingɔ nde, mɛ nê wan-tɔ tɛwen, ka osi ngbak mɔ, ka Sɔ ngoya nde ɔ ade. Mɛ yu ke li ma wi na, nɛ mɛ de mɔ hazu pea li wi na.

Kolose 3:22

Hio bala, ɛnɛ aze nu hio wan pɛ ɛnɛ mɔ nzan ha mɔ fɛt. Ɛnɛ aki mɛ ha totɛ ha mbwa ngimɔ fɛt, bo sɔna ka ɛnɛ ha li mbwa na. Ma, ɛnɛ aze nu mbwa nɛ *dede sila hazu ɛnɛ ha yuo ke Kongawan.

Rome 2:29

Ma, kpasa zuife, yo nê wɛnɛ ka gɔn sɔru ha zang sila wa. Yo nê *Nzɔy-Sɔtɛ pɛ Sɔ ka gɔn sɔru ha zang sila wi, yo bo nɛ wal takarata mbonga na. Kpal zuife mɛgi, yo nê Sɔ ka lukisi wɛnɛ, bo nê hio wi na.

1 Jean 3:9

Wi ka dung nê bem pɛ Sɔ, de gdangamɔ na, hazu Sɔ bhɛa wɛnɛ nɛ mbinga. Nɛ a lɛm de gdangamɔ fin na, hazu Sɔ tɛ bo nê Bafa wa.

2 Korente 12:19

Mana ngimɔ nɛzikoa, ɛnɛ ha takara nde, ɔ ha nganga tɛ ɔ ha li ɛnɛ nde? Way! Ɔ ha dea sɔy hinɛ Christ, nɛ ɔ ha wolamɔ ha li Sɔ. Ɔ ha tɔa mɔ ndɔng fɛt ha ɛnɛ, hio ndɔngsila ɔ, hazu gbakiri ɛnɛ ha wal mɔ Sɔ.

Rome 2:8

Ma, ka bo nê pɛ wi ndɔng ka zɔk sɔna nɛ tɛ mbwa, ka kafi tɛwen, nɛ ka nak pata gdangamɔ, Sɔ bede ngambi sungiri nɛ mbwa, nɛ a bendulsi mbwa.

Rome 1:1

Yo nê mi Paul, wan-tom pɛ Jésus-Christ ha ngɛriki takarata ɛngɛ tomsi ha ɛnɛ. Sɔ weka mi gde tuka *wan-nɛtom pɛa nde, mi anɛ nɛ bul *Dede Wen pɛa.

1 Korente 10:33

Ɛnɛ de mɔ tuka mi ha dea. Mi ha kio wal tuka nde, hio deamɔ pɔm fɛt aha totɛ ha hio wi fɛt. Mi ki dedemɔ hazu mi na, ma, mi ki dedemɔ hazu hio wi fɛt tuka nde, mbwa akpasi.

Matthieu 28:14

Ka kasia lea zala gɔfɔrma Pilate, ɔ bebhɔngiri wen hinɛ wɛnɛ nde, ɛnɛ akpa yeksamɔ na.»

Deamɔ 12:20

*Kongapora Herode dungɔ nɛ ngambi pentɛ sungiri nɛ hio wi mɛ le Tir nɛ Sidon. Hazu mbwa kpa yɔngamɔ ha kandɔnu pɛa, mbwa tomsa hio ma wi ha pɛa mɛ ani gaamɔ. Mbwa dea gdidan hinɛ Blastus, wan-pam twa pɛ Herode. Nɛ wɛnɛ bhɔngara yala kpa may hinɛ Herode.

Matthieu 6:24

«Bala ndang lɛm dung nɛ wan bwa na. Hazu, a bengoy ma ndang nɛ sɛn mbinga, mana a beze nu ma ndang nɛ de kpandele sungiri nɛ mbinga. Ɛnɛ lɛm de tom ha kɔ Sɔ nɛ ha kɔ mbɔli na.»

Filipe 1:1

Yo nê ɔ, Paul nɛ Timothée, hio wan-tom pɛ Jésus-Christ, ka ngɛriki takarata ɛngɛ tomsi ha ɛnɛ, hio wi ndɔng mɔ le Filipe ka de sɔy hinɛ Jésus-Christ. Ɔ tomsi yo fin ha hio wi mɔ zu ɛnɛ nɛ ha hio *diakre.