Filipe 4:9 - Takarata pɛ Sɔ Mbombe Mbon

⁹ Ɛnɛ de mɔ lɛm nɛ hio mɔ ndɔng ka mi osa ha ɛnɛ, ka ɛnɛ kpaa tuka mbɔla ha kɔ mi, ka ɛnɛ zea ha nu mi, nɛ ka ɛnɛ zɔka mi ha dea. Mɛgi Sɔ, wan-ha gaamɔ, bedung hinɛ ɛnɛ.

Filipe 4:9 Referans Kwoze

Jacques 1:22

Ɛnɛ de mɔ lɛm nɛ wen pɛ Sɔ, ka ɛnɛ aze yo sɔna nɛ zala na! Ka ɛnɛ ze ze sɔna, ki ɛnɛ osala tɛ ɛnɛ nɛ pɛ ɛnɛ tɛ.

Filipe 3:17

Hio ya mi, ɛnɛ zɔk pata deamɔ pɔm de nɛ pɛ ɛnɛ. Ɛnɛ zɔk fin pata wi ka de mɔ tuka ɔ, de nɛ pɛ ɛnɛ.

2 Pierre 1:10

Hazu ɛngi, hio ya mi, ɛnɛ gbɛngsi tɛ ɛnɛ pen mɔ sɔngsi hazu osi nde, ɛnɛ nê hio wi, ka Sɔ saa nɛ weka mɛ dung nê pɛa. Ka ɛnɛ de mɔ tuka ɛngi, ɛnɛ lɛm tek ha zang dea gdangamɔ na,

Jean 13:17

Sising ɛnɛ ingɔ mɔ ndɔng kari. Ka ɛnɛ de mɛgi, ki ɛnɛ bedung nɛ totɛ.

Filipe 4:7

Mɛgi, Sɔ beha ɛnɛ gaamɔ pɛa ka pena zu ingɔmɔ pɛ wi fɛt. Nɛ gaamɔ ɛngɛ bepam sila ɛnɛ nɛ takaramɔ pɛ ɛnɛ ha dea sɔy hinɛ Jésus-Christ.

Rome 16:20

Sɔ, wan-ha gaamɔ, tɛ bo sanga mɛ um *Satan ha si nanga ɛnɛ. Kongawan pɛ ɔ, Jésus, ade *dede sila ha tɛ ɛnɛ fɛt.

2 Korente 13:11

Hazu karsi nɛ wen pɔm, hio ya mi, ɛnɛ adung nɛ totɛ! Ɛnɛ akpɔtɛ ha wal mɔ Sɔ, ɛnɛ ambo may, ɛnɛ adung nɛ ndanga takaramɔ ha soko may, nɛ ɛnɛ adung nɛ gaamɔ. Mɛgi, Sɔ ka gde ngoy nɛ gaamɔ ha sila ɔ, bedung hinɛ ɛnɛ.

Dede Wen hazu Jésus-Christ ka Luc ngɛraka 6:46

«Hazu ge ɛnɛ sa mi nde, *Kongawan, Kongawan, nɛ ɛnɛ de mɔ ka mi tɔ ha ɛnɛ na ge nde?

Matthieu 28:20

Nɛ ɛnɛ osi ha mbwa wal mɛ pam hio mɔ fɛt ka mi haa nua ha ɛnɛ. Nɛ ɛnɛ aing nde, mi dung hinɛ ɛnɛ swe fɛt tee, hɔ ha kpogio nzan.»

Matthieu 7:21

«Hio wi ang ka sa mi nde, *Kongawan, Kongawan. Ma, mbwa fɛt lɛm le ha *Kongakandɔ Ngɔn na. Yo sɔna nê wi ndɔng ka de mɔ ka Bafa mi ka dung ha zang ngɔn ngoya.

2 Tesalonike 3:4

Nɛ wal Kongawan, ɔ gdea tazu ɔ ha tɛ ɛnɛ nde, ɛnɛ ade mɔ ka ɔ haa nu ha ɛnɛ mɛ de, sising nɛ ha ngimɔ ka betɛ.

1 Tesalonike 1:6

Ɛnɛ zɔka deamɔ pɛ ɔ nɛ pɛ Kongawan de nɛ pɛ ɛnɛ. Ɛnɛ mɛkara wen pɛ Sɔ nɛ totɛ ka tɛ nɛ Nzɔy-Sɔtɛ, ngase ɛnɛ kpaa dɔka yeksamɔ ha wena.

1 Tesalonike 5:23

Sɔ, wan-ha gaamɔ, alɛmsiri ɛnɛ nɛ nzɔya wɛɛ. Wɛnɛ apam sɔtɛ ɛnɛ, tunɔ pɛ ɛnɛ, nɛ kilitɛ ɛnɛ nɛdedea fɛt yu nde, ma wen betɛ dung ha zu ɛnɛ ha swe ka Kongawan pɛ ɔ, Jésus-Christ, bepe nɛ.

Rome 15:33

Sɔ, wan-ha gaamɔ, adung hinɛ ɛnɛ fɛt. Amen.

Jean 2:5

Nɛ nana wa tɔa ha hio wan-tom: «Ɛnɛ de mɔ fɛt ka wɛnɛ betɔ ha ɛnɛ mɛ de!»

Dede Wen hazu Jésus-Christ ka Luc ngɛraka 8:21

Ma, Jésus tɔa ha hio wi: «Nana mi nɛ hio ya mi, yo nê wi ndɔng ka ze wen pɛ Sɔ, nɛ ka de mɔ lɛm nɛ wena.»

1 Tesalonike 2:14

Hio ya ɔ, ɛnɛ tɛ bo gbesi tuka hio *giliwi mɔ eglize pɛ Sɔ ha Judée. Mbwa ha dea sɔy hinɛ Jésus-Christ, mɛgi mbwa kpaa yeksamɔ ha kɔ hio bele pɛ mbwa, hio *zuife, gbesi tuka ka ɛnɛ kpaa nɛ yo ha kɔ hio bele pɛ ɛnɛ.

1 Korente 10:31

Mɛgi, ka ɛnɛ yɔng ma mɔ, mana ɛnɛ nɔ ma mɔ, mana ɛnɛ de ma mɔ, lɛma nde, deamɔ pɛ ɛnɛ fɛt alukisi Sɔ.

Deamɔ 9:6

Ma, gutɛ mɛ, nɛ ha zang le. Haki, ɛ beosi ha mɛ mɔ ka mɛ bede.»

2 Timothée 4:22

*Kongawan adung hinɛ mɛ. Nɛ wɛnɛ ade *dede sila ha tɛ ɛnɛ.

1 Korente 14:33

Hazu Sɔ bo nê Sɔ ka ngoy woto-wotomɔ na, ma, wɛnɛ nê Sɔ ka ngoy gaamɔ. Gbesi tuka ha soko hio nzɔy giliwi mɔ hio eglize fɛt,

Jean 15:14

Ka ɛnɛ de mɔ ka mi haa nua ha ɛnɛ, ki ɛnɛ nê hio dan mi.

1 Jean 3:22

Ɔ ha kpaa mɔ fɛt ka ɔ gɔ ha kɔ wa, hazu ɔ ha pama hio *mbonga pɛa, nɛ ɔ ha dea mɔ ka ha totɛ ha wɛnɛ.

Matthieu 1:23

«Bhinzi bhoko beba zang, nɛ a bebhɛ bewei. Ɛ begbal ling wa nde, Emmanuel.» Ling ɛngɛ tɔ nde, Sɔ hinɛ ɔ.

1 Korente 4:16

Hazu ɛngi, mi mbo ɛnɛ nde, ɛnɛ azɔk deamɔ pɔm de nɛ pɛ ɛnɛ.