Filipe 4:16 - Takarata pɛ Sɔ Mbombe Mbon

¹⁶ Ha ngimɔ ka mi badung ha Tesalonike, ɛnɛ batomsi mɔ hazu gbakiri nɛ mi ha gdong may.

Filipe 4:16 Referans Kwoze

1 Tesalonike 2:9

Hio ya ɔ, tazu ɛnɛ gbaa nɛ ngatom pɛ ɔ nɛ kata tɛ pɛ ɔ. Ha ngimɔ ka ɔ bulo Dede Wen pɛ Sɔ ha ɛnɛ, ɔ dungɔ ha dea tom swe nɛ zɛ yu nde, ɔ betɛ dung nê zio toy ha zu ma wi ha soko ɛnɛ.

Deamɔ 17:1

Paul nɛ Silas gɔna hio le Amfipolis nɛ Apoloni hɔ ha gasa le Tesalonike. Haki *twa gɔ Sɔ pɛ hio *zuife ang.

1 Tesalonike 2:18

Ɔ ngoya mɛ kifiri nɛ ha pɛ ɛnɛ. Mi, Paul, mi kimbolo ze nɛdɔka mɛ nɛ ha pɛ ɛnɛ. Ma, *Satan gdɔka wal ha ɔ.

Tite 3:14

Lɛma nde, hio wi pɛ ɔ fin ayambi mɛ gbɛngsi tɛ ha dea dedemɔ hazu gbakiri wi ndɔng ka mɔ kɔpi mbwa nɛkpasa. Mɛgi, hio wi pɛ ɔ beway nɛ dede waya.