Filipe 3:17 - Takarata pɛ Sɔ Mbombe Mbon

¹⁷ Hio ya mi, ɛnɛ zɔk pata deamɔ pɔm de nɛ pɛ ɛnɛ. Ɛnɛ zɔk fin pata wi ka de mɔ tuka ɔ, de nɛ pɛ ɛnɛ.

Filipe 3:17 Referans Kwoze

Filipe 4:9

Ɛnɛ de mɔ lɛm nɛ hio mɔ ndɔng ka mi osa ha ɛnɛ, ka ɛnɛ kpaa tuka mbɔla ha kɔ mi, ka ɛnɛ zea ha nu mi, nɛ ka ɛnɛ zɔka mi ha dea. Mɛgi Sɔ, wan-ha gaamɔ, bedung hinɛ ɛnɛ.

1 Korente 4:16

Hazu ɛngi, mi mbo ɛnɛ nde, ɛnɛ azɔk deamɔ pɔm de nɛ pɛ ɛnɛ.

1 Pierre 5:3

Ka ɛnɛ aba tɛ ɛnɛ tuka wan hazu giliwi ka Christ gdea ha kɔ ɛnɛ, na. Ma, ɛnɛ osi mɔ ha mbwa nɛ wal dede deamɔ pɛ ɛnɛ.

2 Tesalonike 3:9

Kpasawen, ɔ lɛma mɛ nɔsisi ɛnɛ mɛ kpa mɔ ha kɔ ɛnɛ. Ma, ɔ tɛ de mɛgi na, hazu ɔ ngoya nde, ɛnɛ azɔk deamɔ pɛ ɔ de nɛ pɛ ɛnɛ.

Hebro 13:7

Tazu ɛnɛ agba nɛ wi ndɔng ka bangbɔsi ɛnɛ nɛ bosia ha wal mɔ Sɔ, nɛ ka batɔ wen pɛ Sɔ ha ɛnɛ. Tazu ɛnɛ agba nɛ wal ka mbwa bade nɛ mɔ hɔ ha fio. Ɛnɛ amɛkiri Sɔ tuka ka mbwa bamɛkiri nɛ.

1 Timothée 4:12

Ka ma wi abhɛsiri mɛ hazu mɛ bhɔna ka nê pɔlɔmbɔ wi na. Ma, dea nde, wolamɔ pɛ mɛ, deamɔ pɛ mɛ, ngoy pɛ mɛ, mɛkaramɔ pɛ mɛ, nɛ saa sila pɛ mɛ, adung nê wekamɔ hazu hio wi fɛt ka mɛkiri Christ.

2 Tesalonike 3:7

Ɛnɛ nɛ tɛ ɛnɛ ingɔ dede wal mɛ nak pata deamɔ pɛ ɔ. Hazu, ha ngimɔ ka ɔ badung ha soko ɛnɛ, ɔ bade tom nɛ kɔ ɔ nɛkpasa.

1 Korente 10:32

Ka ɛnɛ adung nê mɔ-kɔ nanga ha li ma wi na, ngase ha li hio *zuife na, ngase ha li hio olo kandɔ na, ngase ha li hio wi mɔ eglize pɛ Sɔ na.

2 Tesalonike 3:14

Ka ma wi kafi mɛ ze wen nu ɔ ha zang takarata ɛngɛ, tazu ɛnɛ agba nɛ wɛnɛ, nɛ ɛnɛ ade fin sɔy hinɛ wɛnɛ na. Mɛgi foy bede wɛnɛ.

1 Tesalonike 1:6

Ɛnɛ zɔka deamɔ pɛ ɔ nɛ pɛ Kongawan de nɛ pɛ ɛnɛ. Ɛnɛ mɛkara wen pɛ Sɔ nɛ totɛ ka tɛ nɛ Nzɔy-Sɔtɛ, ngase ɛnɛ kpaa dɔka yeksamɔ ha wena.

Rome 16:17

Hio ya mi, mi mbo ɛnɛ nde, ɛnɛ pangay nɛ hio wi ndɔng ka tɛ nɛ wen kɛtana soko, nɛ ka sungiri hio osamɔ ka ɛnɛ yamba. Mbwa ngoy yɔsisi wi ha dede wal mɔ Sɔ. Ɛnɛ sɔsi mbwa,

1 Korente 11:1

Ɛnɛ zɔk deamɔ pɔm de nɛ pɛ ɛnɛ, tuka mi ha zɔka deamɔ pɛ Christ de nɛ pɔm.