Filipe 3:1 - Takarata pɛ Sɔ Mbombe Mbon

¹ Olo wen pɔm, hio ya mi, yo nde, ɛnɛ ade totɛ hazu ɛnɛ ha dea sɔy hinɛ *Kongawan. Mi putiri ndangtɛ wen ka mi ngɛraka ha ɛnɛ sɔngsi. Ɛngɛ bo nê yeksamɔ hazu mi na, hazu yo bengasisi ɛnɛ.

Filipe 3:1 Referans Kwoze

Filipe 4:4

Ɛnɛ de totɛ ha Kongawan swe fɛt! Mi putiri yo fin nde, ɛnɛ de totɛ!

Rome 5:11

Yo bo sɔna nê ɛngi na. Ma, ɔ ha dea totɛ hazu ɔ ha dea sɔy hinɛ Sɔ nɛ wal Kongawan pɛ ɔ, Jésus-Christ, ka bhɔngara wen ha soko ɔ hinɛ Sɔ.

Jacques 1:2

Hio ya mi, ka tili yeksamɔ nɛtɛ-nɛtɛ ha wea sila ɛnɛ, ɛnɛ azɔk yo tuka gasa totɛ.

1 Pierre 4:13

Ma, ɛnɛ ade totɛ, hazu ɛnɛ kpa sɔna nɛ ndangtɛ yeksamɔ ka Christ bakpa. Mɛgi, ɛnɛ bede fin totɛ pen mɔ sɔngsi ha yala ka Christ begbasi tɛ wa nɛ *lɛkɛ-lɛkɛmɔ pɛa.

1 Tesalonike 5:16

Ɛnɛ adung nɛ totɛ swe fɛt.

Filipe 4:8

Olo wen pɔm fin, hio ya mi, ɛnɛ gde sila ɛnɛ ha mɔ ndɔng fɛt ka dung nɛ kpasa, ka dung nɛ zioa ha li wi fɛt, ka dung nzeng, ka dung nɛ saa, ka ha totɛ, ka dung nɛ dede ling, ka dung nê dede deamɔ, nɛ ka lɛm nɛ lukosomɔ.

1 Pierre 3:8

Nɛ kpogioa, mi tɔ wen ha ɛnɛ fɛt nde, ɛnɛ adung nɛ ndangtɛ takaramɔ gbesi. Ɛnɛ ade kobhe tɛ may, nɛ ɛnɛ angoy may nɛ sila ndang hazu ɛnɛ nê hio gdiya ha wal mɔ Sɔ. Ɛnɛ ade ngay ha tɛ may, nɛ ɛnɛ ahil nɛ mɛndi ha si may.

2 Korente 13:11

Hazu karsi nɛ wen pɔm, hio ya mi, ɛnɛ adung nɛ totɛ! Ɛnɛ akpɔtɛ ha wal mɔ Sɔ, ɛnɛ ambo may, ɛnɛ adung nɛ ndanga takaramɔ ha soko may, nɛ ɛnɛ adung nɛ gaamɔ. Mɛgi, Sɔ ka gde ngoy nɛ gaamɔ ha sila ɔ, bedung hinɛ ɛnɛ.

2 Pierre 3:1

Hio ndɔngsila mi, ɛngɛ nê zebwa takarata ka mi ngɛriki ha ɛnɛ. Ha zang takarata ndɔng bwa fɛt, mi gba tazu ɛnɛ nɛ hio mɔ ka ɛnɛ ingɔ kari, tuka nde, ɛnɛ atakiri mɔ nɛ wala.

Efeze 6:10

Kpogio wen pɔm nê ɛngɛ: Ɛnɛ ngasisi tɛ ɛnɛ ha zang dea sɔy hinɛ *Kongawan, ka ɛnɛ akpa ngatɛ ha zang gasa ziomɔ pɛa.

Dede Wen hazu Jésus-Christ ka Luc ngɛraka 1:47

Sila mi de totɛ ha Sɔ, ka dung *wan-kpasisi mi.

Filipe 3:3

Ma, yo nê ɔ ka dung hio kpasa wan-gɔn sɔru, hazu ɔ ha dea tom Sɔ nɛ wal ngatɛ pɛ *Nzɔy-Sɔtɛ. Ɔ takiri nde, deamɔ pɛ ɔ lɛm gde ɔ nzeng ha li Sɔ na, ma, ɔ sutɛ hazu mɔ ka Jésus-Christ dea ha tɛ ɔ.

Matthieu 5:12

Ɛnɛ de totɛ nɛ gaga, hazu mɔ-kɛ ɛnɛ nɛ gasaa ha zang ngɔn. Hio *wan-tɔkuliwen ka badung sɔngsi nɛ ɛnɛ, ɛ banamili mbwa gbesi tuka ɛngi fin.»

1 Tesalonike 4:1

Hio ya ɔ, ma wen mɛ tɔ fin ang. Ɛnɛ bayambi ha kɔ ɔ wal deamɔ ka ha totɛ ha Sɔ. Nɛ ɛnɛ ndara yo nɛkpasa. Ma, sising, ɔ ani ha ɛnɛ nɛ ɔ mbo ɛnɛ nɛ ling *Kongawan Jésus nde, ɛnɛ andari wal deamɔ ɛngɛ pen mɔ sɔngsi.