Filipe 1:8 - Takarata pɛ Sɔ Mbombe Mbon

⁸ Sɔ nê wan-kɛwen pɔm nde, mi ngoya ɛnɛ fɛt nɛ ndangtɛ kpasa ngoy ka Jésus-Christ ngoya nɛ ɛnɛ.

Filipe 1:8 Referans Kwoze

Filipe 4:1

Hio ya mi, ka mi ngoya gdang, mi nɛ hɛl mɛ zɔk ɛnɛ. Ɛnɛ nê totɛ pɔm, nɛ ɛnɛ dung tuka kɛamɔ hazu tom pɔm. Hazu ɛngi, hio ndɔngsila mi, ɛnɛ bhɔn nɛ mboazu ha dea sɔy hinɛ *Kongawan.

Rome 1:9

Sɔ ka mi de tom pɛa nɛ sila ndang, nɛ ka mi tɔ *Dede Wen tɛ Bewei pɛa, a ingɔ nde, mi ha takaramɔ hazu ɛnɛ

2 Timothée 1:4

Tazu mi ha gbaa nɛ milikwa pɛ mɛ, mɛgi mi nɛ hɛl mɛ zɔk mɛ nde, ka sila mi ade totɛ.

1 Tesalonike 2:8

Ey, ɔ ngoya ɛnɛ pentɛ. Mɛgi ɔ zɔka nɛ dedea nde, ɔ aha ɛnɛ bo sɔna nɛ Dede Wen na, ma, ɔ aha ɛnɛ tɛ ɔ nɛ pɛ ɔ tɛ hazu ɛnɛ tɛ bo nê hio ndɔngsila ɔ.

Rome 9:1

Mi nê wi pɛ Christ, mɛgi mi ha tɔa tɛwen. *Nzɔy-Sɔtɛ gbesi hinɛ ingɔmɔ sila pɔm ha kɛa wena. Wen ka mi betɔ sising, yo bo nê dalo na.

Philémon 1:12

Nɛ mi tomsi wɛnɛ kifiri si ha pɛ mɛ, wɛnɛ ka dung nê tɛ sila mi.

Kolose 2:1

Mi ngoya nde, ɛnɛ aing nga bulo ka mi ha bioa hazu ɛnɛ, hazu hio wi mɛ Laodise, nɛ hazu hio dɔka mbing wi ka tɛ zɔk ka li mi na.

Galasi 4:19

Hio bem pɔm, mi ha kpaa yimtɛ hazu ɛnɛ fin nɛ mbinga tuka bhoko ka bi bhɛ. Mi bebhɔn nɛ yimtɛ ɛngɛ tee hɔ ha ngimɔ ka ɛnɛ bedung nê hio kpasa wi pɛ Christ.

Galasi 1:20

Mi tɔ ha li Sɔ nde, mɔ ka mi ngɛriki ha ɛnɛ, yo bo nê dalo na.

2 Korente 7:15

Sising, wɛnɛ gbosasa sila wa ha ɛnɛ nɛkpasa, hazu tazu wa gbaa nde, ɛnɛ zea nu wa ha mɔ fɛt, nɛ ɛnɛ baa wɛnɛ nɛ zioa nɛ tututu sila.

2 Korente 6:12

Pɛ ɔ, ɔ tɛ gdɔki sila ɔ ha ɛnɛ na, ma, ɛnɛ gdɔka sila ɛnɛ ha ɔ.

Dede Wen hazu Jésus-Christ ka Luc ngɛraka 1:78

Kpasawen sila Sɔ pɛ ɔ de kobhe tɛ ɔ nɛdɔka. Gasa Sɔ betomsi ha ɔ dede wan-kpasisi, ka dung tuka gasa saamɔ, ka guotɛ ha ngɔn.

1 Jean 3:17

Ka ma wi nɛ kpaamɔ, nɛ a zɔka nde, mɔ kɔpa ya wa, nɛ a de kul, ki a betɔ nde, a ngoya Sɔ mɛng?

Philémon 1:20

Ey, ya mi, mɛ de dedemɔ ɛngɛ ha mi hazu mɛ ngoya Kongawan. Mɛ ha totɛ ha sila mi, hazu ɔ hinɛ mɛ fɛt, ɔ nê hio wi pɛ Christ.

1 Tesalonike 2:5

Ɛnɛ ingɔ nde, ɔ tɛ wolmɔ ha ɛnɛ nɛ mbɔlɛ na, nɛ ɔ tɛ ndɔmbili ɛnɛ hazu kpa ma mɔ ha kɔ ɛnɛ na. Sɔ nê wan-kɛwen pɛ ɔ.

Kolose 3:12

Sɔ ngoya ɛnɛ nɛ wɛnɛ weka ɛnɛ tuka nzɔy kandɔ pɛa. Mɛgi, dea nde, ɛnɛ ayol mbombe tɛ wi, ka de kobhe tɛ wi, ka de dedemɔ, ka hil nɛ mɛndi, ka dung nɛ gaa sila nɛ yikosila.

Filipe 2:26

Wɛnɛ nɛ hɛl mɛ zɔk ɛnɛ fɛt nɛ mbinga, nɛ wɛnɛ nɛ nɔzang hazu ɛnɛ zea nde, a dungɔ nɛ zɛlɛ.

Filipe 2:1

Christ ha ngasasa ɛnɛ hazu ɛnɛ nê hio wi pɛa. Ngoy ka wɛnɛ ngoya nɛ ɛnɛ ha yɔkala ɛnɛ. Ɛnɛ ha dea sɔy hinɛ *Nzɔy-Sɔtɛ. Ɛnɛ ha dea ngay ha tɛ may. Nɛ ɛnɛ ha dea kobhe tɛ may. Kpasawen, na nde?

2 Korente 13:9

Ɔ nɛ totɛ ka ɔ dung nɛ mɔkaa, nɛ ka ɛnɛ dung nɛ ngaya. Mɛgi, ɔ gɔ Sɔ tuka nde, ɛnɛ alɛm fin wɛɛ nɛ mbinga.

Galasi 3:26

Kpasawen, ɛnɛ fɛt tɛ bo nê hio bem pɛ Sɔ nɛ wal mɛkaramɔ ka ɛnɛ mɛkara nɛ Jésus-Christ.