Filipe 1:25 - Takarata pɛ Sɔ Mbombe Mbon

²⁵ Tuka mi gdea tazu mi fɛt ha mɔ mɛgi, mi ingɔ nɛdedea nde, mi bebhɔn nɛ zutunɔ. Mi bebhɔn hinɛ ɛnɛ fɛt tuka nde, ɛnɛ akpɔtɛ ha wal mɔ Sɔ, nɛ nde, ɛnɛ ade totɛ ha zang mɛkaramɔ.

Filipe 1:25 Referans Kwoze

Filipe 2:24

Nɛ mi gdea tazu mi ha tɛ Kongawan nde, mi nɛ tɛ mi benɛ ha pɛ ɛnɛ nɛhasa fin.

2 Korente 1:24

Ɔ ngoy dung tuka kongawan hazu mɛkaramɔ pɛ ɛnɛ na, hazu ɛnɛ tɛ bo nɛ nɔa nging ha wal mɛkara Christ kari. Ma, ɔ ngoya dung nê hio sɔy-tom pɛ ɛnɛ, ka ha totɛ ha ɛnɛ.

Rome 15:13

Sɔ ka de nde, hio wi agde tazu mbwa ha tɛ wa, wɛnɛ adonsi sila ɛnɛ nɛ totɛ nɛ gaamɔ fɛt nɛ wal mɛkaramɔ, ka ɛnɛ mɛkiri nɛ wɛnɛ. Mɛgi, nɛ wal ngatɛ pɛ *Nzɔy-Sɔtɛ ɛnɛ bebhɔn ka ha gdea tazu ɛnɛ ha tɛ wa swe fɛt.

Rome 5:2

Ɔ mɛkara Jésus-Christ. Mɛgi, a gbosasa wal nde, Sɔ ade *dede sila ha tɛ ɔ. Nɛ sising, ɔ ha nɔa nging ha zang dede sila pɛa. Ɔ ha dea totɛ hazu *mɔgdetazu ɔ nde, Sɔ bekapini *lɛkɛ-lɛkɛmɔ pɛa hinɛ ɔ.

Deamɔ 20:25

«Mi yala ha soko ɛnɛ hazu bul wen *Kongakandɔ pɛ Sɔ. Ma, sising mi ingɔ nɛdedea nde, ma wi ndang ha soko ɛnɛ lɛm zɔk fin mi na.

1 Pierre 1:8

Ngase ka ɛnɛ tɛ zɔk wɛnɛ nɛ gbali ɛnɛ na, ɛnɛ ngoya wɛnɛ. Nɛ ngase ka ɛnɛ zɔk wɛnɛ ha ngimɔ ɛngɛ sising na, ɛnɛ mɛkara wɛnɛ. Sila ɛnɛ dona nɛ lɛkɛ-lɛkɛ totɛ, ka pena zu ɛnɛ,

Rome 15:29

Mi ingɔ nde, ka mi behɔ ha pɛ ɛnɛ, Christ bewol dede wen ha zu ɛnɛ nɛkpasa nɛ wal mi.

Rome 15:18

Hazu, nɛ wal mi Christ dea nde, hio kandɔ ka bo nê zuife na, aze nu Sɔ. Yo sɔna nê ɛngi, ka mi lɛma gu nu mɛ tɔ wena. A dea mɛgi nɛ wal hio wen nɛ deamɔ pɔm,

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Deamɔ 11:23

Ka wɛnɛ hɔa, a zɔka nde, Sɔ dea *dede sila ha tɛ hio wi haki. A dea totɛ hazua pentɛ, nɛ a mboa mbwa fɛt nde, mbwa azati nɛ bhɔn nɛ mboazu ha li Kongawan.

Dede Wen hazu Jésus-Christ ka Luc ngɛraka 22:32

Ma, mi gɔa Sɔ hazu mɛ nde, ka mɛ alak mɛkaramɔ gde na. Nɛ hapata, ka mɛ bekifiri fin ha pɔm, lɛma nde, mɛ angasisi hio ya mɛ.»

Filipe 1:24

Ma, yo lɛma nde, mi abhɔn nɛ zutunɔ hazu ɛnɛ.

Philémon 1:22

Mi ani mɛ fin hazu bhɔngiri ma bhandi gde ha mi. Hazu mi gde tazu mi ha tɛ Sɔ nde, wɛnɛ aze gɔamɔ pɛ ɛnɛ, nɛ wɛnɛ agbosisi liwal ha mi mɛ nɛ ha pɛ ɛnɛ.