Efeze 6:20 - Takarata pɛ Sɔ Mbombe Mbon

²⁰ Mi nê wan-nɛkasara hazu Dede Wen, ngase ka mi nê wan-zɔbhɔ. Mɛgi, ɛnɛ gɔ Sɔ nde, mi abul Dede Wen pɛa nɛ da nɛ wala.

Efeze 6:20 Referans Kwoze

2 Korente 5:20

Hazu ɛngi, ɔ tɔ wen ha olo nu Christ. Sɔ nɛ pɛa tɛ mbo ɛnɛ nɛ wal wen nu ɔ. Mɛgi, nɛ ling Christ, ɔ ba nanga ɛnɛ nde, ɛnɛ agde Sɔ abhɔngiri mɔ ha soko wa hinɛ ɛnɛ.

Kolose 4:4

Mɛgi, ɛnɛ gɔ Sɔ nde, ka mi abul wena nɛ saa nɛ wala.

2 Timothée 2:9

Mi ha kpaa yeksamɔ, nɛ mi nɛ gbazɔbhɔ tuka gdanga wi, hazu mi ha bulo Dede Wen ɛngɛ. Ma, ɛ lɛm hɛl wen pɛ Sɔ na.

Filipe 1:7

Yo nê dedea nde, mi atakiri mɔ hazu ɛnɛ mɛgi, hazu ɛnɛ dung ha zang sila mi. Sising mi dung ha twa zɔbhɔ, sɔngsi mi lea gdong Dede Wen nɛ bulo yo nde, hio wi amɛkiri yo nɛkpasa. Ɛnɛ bhɔna ka ha dea sɔy hinɛ mi ha zang *dede sila, ka Sɔ de ha tɛ mi ha zang mɔ ndɔng fɛt.

Deamɔ 26:29

Paul kiforo wen: «Ngase angbɔl ngɛt, mana nɛdɔka, yo de mɔ na. Mi ha gɔa Sɔ nde, mɛ, tɛ ba nɛ hio wi fɛt ka ze mi mɛsɛ, atɛ gbesi tuka mi. Ma, bo nɛ gbazɔbhɔ ha kɔ na.»

1 Jean 3:16

Jésus-Christ tɛa tɛ fe gɔn zu ɔ. Yo nê ɛngi, ka ɔ ingɔ tɛ kpasa ngoy. Mɛgi, lɛma nde, ɔ fin afe gɔn zu hio ya ɔ.

2 Timothée 1:16

Ka bo nê pɛ Onezifore, Sɔ ade kobhe tɛ nam pɛa, hazu wɛnɛ dungɔ ha yɔkala mi hapata may. Nɛ wɛnɛ tɛ de foy hazu mi ha twa zɔbhɔ na.

1 Tesalonike 2:2

Ɛnɛ ingɔ fin nde, sɔngsi mɛ hɔ ha pɛ ɛnɛ, hio wi ha le Filipe dea ngamɔ ha tɛ ɔ, nɛ mbwa yaa ɔ. Ma, ngase ka dɔka wi sungoro ɔ, Sɔ haa ɔ da mɛ bul *Dede Wen pɛa ha ɛnɛ.

Filipe 1:20

Mi gdea tazu mi fɛt ha tɛ Sɔ, nɛ mi ngoy nɛkpasa nde, mi ade ma mɔ foy ha li Sɔ ndang na. Sising nɛ swe fɛt, mi bhɔna nɛ da, nɛ mi bede mɔ fɛt nde, nɛ wal tunɔ pɔm mana nɛ wal fio pɔm, hio wi azɔk ha tɛ mi nde, Christ nɛ gasaa.

Efeze 6:19

Ɛnɛ gɔ Sɔ hazu mi fin tuka nde, Sɔ aha mi wen ka mi betɔ, nɛ nde, mi abul nɛ da goto Dede Wen, ka badung sɔngsi nɛ wuso ha li hio wi.

Efeze 4:1

Mi, ka dung ha twa zɔbhɔ hazu mi ha dea tom ha *Kongawan, mi lokitɛ ha ɛnɛ nde, deamɔ pɛ ɛnɛ alɛm nɛ sala pɛ Sɔ ka wɛnɛ saa nɛ ɛnɛ mɛ dung hio wi pɛa.

Efeze 3:1

Mi, Paul, dung ha twa zɔbhɔ hazu mi ha bulo *Dede Wen hazu Jésus-Christ ha ɛnɛ, hio wi ka bo nê zuife na.

Deamɔ 28:31

A dungɔ ha bulo wen Kongakandɔ pɛ Sɔ, nɛ ha osa mɔ nɛ da hazu *Kongawan Jésus-Christ. Nɛ ma wi ndang dol wɛnɛ na.

Deamɔ 28:20

Mɛgi, mi saa ɛnɛ hazu tɔ ha ɛnɛ nde, mi dung sising nɛ gbazɔbhɔ ɛngɛ hazu mi bulo wen mɔ, ka kandɔ Israel fɛt gde tazu ha zua.»

Deamɔ 5:29

Ma, Pierre nɛ hio wan-nɛtom kiforo wen: «Dea nde, ɔ aze nu Sɔ pen zea nu hio wi.

Jude 1:3

Hio ndɔngsila mi, mi dungɔ nɛ tɛ gasa hɛl mɛ ngɛriki takarata ha ɛnɛ hazu *mɔkpasi ka Sɔ kpasisi nɛ ɔ hinɛ ɛnɛ fɛt. Ma, mi zɔka nde, yo lɛma nde, mi angɛriki ha ɛnɛ hazu mbo ɛnɛ. Ɛnɛ mɛkara hio wen ka Sɔ gbasa ha hio nzɔy wi pɛa hireng. Mɛgi mi mbo ɛnɛ mɛ bi tumbɔ hazu pam hio wen ndɔng nɛ saa.

Philémon 1:10

ka lokitɛ ha mɛ hazu wen pɛ Onezime, bem pɔm ka mi bhɛa ha wal mɔ Sɔ hakɛ ha zang twa zɔbhɔ.

Deamɔ 21:33

Mɛgi, gasa kagama-bulo mɔ Rome tiko hapɛtɛ Paul nɛ haa nu nde, mbwa aba wɛnɛ nɛ sang wɛnɛ nɛ gbazɔbhɔ bwa. Hapata a ana mɔ: «Wi kɛ nê o? A dea nɛ ge?»

2 Korente 3:12

Ɔ dona nɛ da, hazu ɔ gde tazu ɔ fɛt ha mɔ ndɔng.

Kolose 4:3

Ɛnɛ agɔ Sɔ hazu ɔ fin nde, ka wɛnɛ agbosisi wal ha ɔ mɛ bul wen pɛa, nɛ mɛ tɔ fin wen tɛ Christ ka badung se nɛ wuso. Yo nê hazu wen ɛngɛ ka mi dung ha twa zɔbhɔ.

Philémon 1:9

Ma, mi lokitɛ ha mɛ nɛ wal ngoy. Yo nê mi, Paul, kotowi ka dung ha twa zɔbhɔ sising hazu Jésus-Christ,