Efeze 6:19 - Takarata pɛ Sɔ Mbombe Mbon

¹⁹ Ɛnɛ gɔ Sɔ hazu mi fin tuka nde, Sɔ aha mi wen ka mi betɔ, nɛ nde, mi abul nɛ da goto Dede Wen, ka badung sɔngsi nɛ wuso ha li hio wi.

Efeze 6:19 Referans Kwoze

Kolose 4:3

Ɛnɛ agɔ Sɔ hazu ɔ fin nde, ka wɛnɛ agbosisi wal ha ɔ mɛ bul wen pɛa, nɛ mɛ tɔ fin wen tɛ Christ ka badung se nɛ wuso. Yo nê hazu wen ɛngɛ ka mi dung ha twa zɔbhɔ.

Deamɔ 4:29

Nɛ sising, Kongawan, mɛ ze wen pɛ mbwa nde, mbwa bede ngamɔ ha tɛ ɔ. Mɛ ngasisi ɔ, hio wan-tom pɛ mɛ, ka ɔ abul wen pɛ mɛ nɛ da.

2 Tesalonike 3:1

Hazu karsi nɛ wen pɛ ɔ, hio ya ɔ, ɛnɛ agɔ Sɔ hazu ɔ tuka nde, wen pɛ *Kongawan andɛndi nɛhasa, nɛ nde, hio wi aba yo nɛ zioa tuka ka ɛnɛ dea nɛ.

1 Tesalonike 5:25

Hio ya ɔ, ɛnɛ agɔ Sɔ hazu ɔ fin.

Hebro 13:18

Ɛnɛ gɔ Sɔ hazu ɔ. Ɔ ingɔ nɛdedea nde, ingɔmɔ sila pɛ ɔ nɛ saa, hazu ɔ ngoya de dedemɔ ha zang mɔ fɛt.

Deamɔ 4:31

Ka mbwa karsa gɔa Sɔ, nu yaka ha bhandi ka mbwa dungɔ ang. Mbwa fɛt dona nɛ Nzɔy-Sɔtɛ, nɛ mbwa bulo wen pɛ Sɔ nɛ da.

1 Tesalonike 2:2

Ɛnɛ ingɔ fin nde, sɔngsi mɛ hɔ ha pɛ ɛnɛ, hio wi ha le Filipe dea ngamɔ ha tɛ ɔ, nɛ mbwa yaa ɔ. Ma, ngase ka dɔka wi sungoro ɔ, Sɔ haa ɔ da mɛ bul *Dede Wen pɛa ha ɛnɛ.

2 Korente 8:7

Ha pɛ ɛnɛ, mɔ fɛt ang nɛdɔka: Mɛkaramɔ, ngatɛ mɛ tɔ wen nɛdedea, hɛl mɛ gbɛngsi tɛ, ingɔmɔ, ngoy ka ɛnɛ ngoy nɛ ɔ. Mɛgi, ɔ ngoya nde, ɛnɛ ade fin dede tom ɛngɛ tuka hio wi ka mɔ fɛt ang nɛdɔka.

Efeze 1:9

Mɔ ka wɛnɛ gbatɛ babhɔngiri nɛ wuso, nɛ ka wɛnɛ babheki sɔngsi mɛ de nɛ wal Christ, a gbasa yo ha ɔ.

1 Korente 4:1

Lɛma nde, ɛ azɔk ɔ tuka hio wan-tom pɛ Christ, ka wɛnɛ gdea tom ha kɔ ɔ nde, ɔ agbasi tɛwen pɛ Sɔ ka badung nɛ wuso.

Deamɔ 28:31

A dungɔ ha bulo wen Kongakandɔ pɛ Sɔ, nɛ ha osa mɔ nɛ da hazu *Kongawan Jésus-Christ. Nɛ ma wi ndang dol wɛnɛ na.

Deamɔ 19:8

Paul nɛa ha *twa gɔ Sɔ, nɛ ha zang kilize tar fɛt, a dungɔ ha bulo wen nɛ da hazu wen *Kongakandɔ pɛ Sɔ. A kio wal mɛ gan zu hio wi nde, mbwa amɛkiri wen pɛa.

Deamɔ 13:46

Mɛgi, Paul nɛ Barnabas baa da nɛ tɔa ha mbwa: «Dea nde, ɛ atɔ wen pɛ Sɔ ha ɛnɛ sɔngsi. Ma, ɔ zɔka nde, ɛnɛ mulo yo pi. Ɛnɛ gbasa tɛ ɛnɛ tuka wi ka lɛm nɛ *tunɔ kpoo na. Mɛgi, ɔ ha kiforo tɛ nɛ ha pɛ hio wi ndɔng, ka bo nê zuife na.

Philémon 1:22

Mi ani mɛ fin hazu bhɔngiri ma bhandi gde ha mi. Hazu mi gde tazu mi ha tɛ Sɔ nde, wɛnɛ aze gɔamɔ pɛ ɛnɛ, nɛ wɛnɛ agbosisi liwal ha mi mɛ nɛ ha pɛ ɛnɛ.

Kolose 2:2

Mi de mɛgi tuka nde, sila mbwa adon nɛ da, mbwa andari may ha zang ngoy, nɛ mbwa adon nɛ ingɔmɔ lɛtɛtɛ. Mɛgi, mbwa being mɔ ka Sɔ babhɔngiri nɛ wuso, yo nde, mbwa being Christ,

2 Korente 3:12

Ɔ dona nɛ da, hazu ɔ gde tazu ɔ fɛt ha mɔ ndɔng.

1 Korente 1:5

Nɛ wal dea sɔy hinɛ Christ, Sɔ haa ɛnɛ dedemɔ hebhe. Nɛ wal dedemɔ ndɔng, a haa ɛnɛ dede gɛl mɛ wol mɔ, nɛ fin ingɔmɔ fɛt.

Deamɔ 14:3

Ngase ɛngi, Paul nɛ Barnabas dungɔ ha Ikoniom ngimɔ nɛzikoa. Mbwa gdea tazu mbwa ha tɛ *Kongawan, mɛgi mbwa wolamɔ nɛ da. Mbwa bulo wen *dede sila pɛ Sɔ, nɛ Sɔ haa mbwa ngatɛ mɛ de nɛ *mɔweka nɛ *mɔkifi hazu osi nde, wen pɛ mbwa nê tɛwen.

Deamɔ 9:27

Ma, Barnabas kuo wɛnɛ nɛnɛ ha pɛ hio *wan-nɛtom nɛ tɔa ha mbwa: «Saul zɔka *Kongawan ha liwal Damas nɛ Kongawan wolamɔ ha wɛnɛ. Hapata Saul bulo wen nɛ da nɛ ling Jésus ha hio wi mɛ Damas.»

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

2 Korente 7:4

Mi gdea tazu mi fɛt ha tɛ ɛnɛ, nɛ mi ha lukoso tɛ hazu ɛnɛ. Ha zang yeksamɔ fɛt ka kpa ɔ, sila mi nɛ gaa, nɛ sila mi dona nɛ totɛ hɛrr.

2 Korente 1:11

Sɔ bede mɛgi hazu ɛnɛ ha gbakara ɔ ha gɔa wɛnɛ hazu ɔ. A beze hio dɔka wi ka gɔ wɛnɛ hazu ɔ, nɛ a bede *dede sila ha tɛ ɔ. Mɛgi hio wi nɛdɔka beha oeba ha wɛnɛ hazu ɔ.

1 Korente 2:7

Mbaramɔ ɛngɛ ka mi tɔ wena, yo nê mbaramɔ ka tɛ nɛ wal Sɔ, nɛ yo dungɔ sɔngsi nɛ wuso. Sɔ babhɔngiri yo sɔngsi bhee tuka nde, ɔ akpa *lɛkɛ-lɛkɛmɔ nɛ wal yo.

Rome 15:30

Hio ya mi, nɛ ling *Kongawan pɛ ɔ, Jésus-Christ, nɛ fin nɛ wal ngoy ka Nzɔy-Sɔtɛ ha ha ɛnɛ, mi ani ɛnɛ nde, ɛnɛ abi bulo hinɛ mi gbesi nɛ wal gɔa Sɔ hazu mi.

Deamɔ 18:26

Apolos bulo wen nɛ da ha *twa gɔ Sɔ. Ka Priscille hinɛ Akilas zea wen pɛa, mbwa kuo wɛnɛ sinɛ ha twa pɛ mbwa. Mbwa osa ha wɛnɛ osamɔ hazu wal pɛ Sɔ nɛdedea pen mɔ sɔngsi.

Deamɔ 4:13

Ka hio wan-kpo zuwen zɔka da pɛ Pierre nɛ Jean, mbwa yaksa, hazu mbwa ingɔ nde, wi ndɔng bwa nê hio gele wi ka tɛ yambi dɔka mɔ na. Ma, mbwa ingɔ nde, wi ndɔng bwa badung hinɛ Jésus.

Deamɔ 2:4

Mbwa fɛt dona nɛ Nzɔy-Sɔtɛ, nɛ mbwa angara wolamɔ nɛ hio nu nɛtɛ-nɛtɛ, tuka ka Nzɔy-Sɔtɛ gdea ha nu mbwa.

Deamɔ 9:29

A wola wen nɛ sio kafɛ hinɛ hio *zuife ka wol nu greke, ma, mbwa kio wal mɛ gbɛ wɛnɛ.

Rome 16:25

Ɔ lukisi Sɔ! A lɛma mɛ ngasisi ɛnɛ ha wal pɛa lɛm nɛ *Dede Wen ka mi bul wena. Dede Wen ɛngɛ tɔ wen tɛ Jésus-Christ, nɛ yo gbasi wen mɔ ka Sɔ babhɔngiri se. A bawusi yo sɔngsi bhee,

2 Korente 6:11

Ɛnɛ, hio wi mɛ Korente, ɔ tɔa mɔ fɛt long ha ɛnɛ. Ɔ gbosasa sila ɔ ha ɛnɛ.

Efeze 3:9

Sɔ ka dea mɔ fɛt, babhɔngiri mɔ ka wɛnɛ bede, sɔngsi bhee gde nɛ wuso. Nɛ wɛnɛ haa mi tom nde, mi agbasi ha wi fɛt wal ka wɛnɛ belɛmsiri yo.