Efeze 6:18 - Takarata pɛ Sɔ Mbombe Mbon

¹⁸ Ɛnɛ gɔ Sɔ ngimɔ fɛt, nɛ ɛnɛ lokitɛ ha wɛnɛ nɛ wal ngatɛ pɛ Nzɔy-Sɔtɛ. Ɛnɛ ayang la, nɛ ɛnɛ bhɔn ka ha gɔa Sɔ nɛ yikosila hazu hio wi pɛa fɛt.

Efeze 6:18 Referans Kwoze

1 Tesalonike 5:17

Ɛnɛ abhɔn ha gɔa Sɔ kpoo.

Kolose 4:2

Ɛnɛ agɔ Sɔ nɛting. Ɛnɛ ayang la ha yo, nɛ ɛnɛ aha oeba ha Sɔ.

Filipe 4:6

Ka ɛnɛ adung nɛ nɔzang hazu ma mɔ na. Ma, ha zang mɔ fɛt, ɛnɛ gɔ Sɔ, nɛ ɛnɛ ani mɔ ka kɔpi ɛnɛ ha kɔ wa. Ɛnɛ tɔ oeba ha wɛnɛ hazu mɔ fɛt ka wɛnɛ de.

1 Timothée 2:1

Sɔngsi mɔ fɛt, mi ha mbɔla nde, ɔ a-ani mɔ ha kɔ Sɔ, ɔ agɔ wɛnɛ, ɔ agɔ fin wɛnɛ hazu hio wi fɛt, nɛ ɔ aha oeba ha wɛnɛ hazu mbwa.

Jude 1:20

Ma, ɛnɛ hio ndɔngsila mi, ɛnɛ andari pɛ ɛnɛ sɔna nɛ nzɔy mɔ ka ɛnɛ mɛkara. Ɛnɛ agɔ Sɔ nɛ wal ngatɛ ka Nzɔy-Sɔtɛ haa ha ɛnɛ.

Marc 14:38

Mɛgi Jésus tɔa ha mbwa: «Ɛnɛ yang la nɛ ɛnɛ gɔ Sɔ tuka nde, *sɛbhalamɔ agan zu ɛnɛ na. Sila wi nɛ hɛl mɛ de mɔ, ma, ngatɛ pɛ wi dɔk na.»

Dede Wen hazu Jésus-Christ ka Luc ngɛraka 21:36

Ɛnɛ ayang la nɛ ɛnɛ agɔ Sɔ nɛting, ka ɛnɛ akpa ngatɛ mɛ kpɔy ha hio yeksamɔ ka betɛ, nɛ ka ɛnɛ akpa ngatɛ mɛ yol ha li mi, *Bewei pɛ Wi.»

Matthieu 26:41

Ɛnɛ yang la nɛ gɔ Sɔ tuka nde, *sɛbhalamɔ agan zu ɛnɛ na. Sila wi nɛ hɛl mɛ de mɔ, ma, ngatɛ pɛ wi dɔk na.»

Efeze 1:16

ka mi bhɔna ngimɔ fɛt ha tɔa oeba ha Sɔ hazu ɛnɛ. Mi ha takara ha ɛnɛ ha zang gɔamɔ pɔm.

Rome 12:12

Ɛnɛ dung nɛ totɛ ha gdea tazu ɛnɛ ha tɛ Sɔ. Ɛnɛ dung nɛ yikosila ha zang yeksamɔ. Nɛ ɛnɛ dung nɛ nɔa nging ha gɔa Sɔ.

Marc 13:33

Ɛnɛ pangay nɛ ɛnɛ ayang la, hazu ɛnɛ ing ngimɔa na.

1 Pierre 4:7

Sising, ngbɔla kanɛ bengimɔ tikiring nde, ka mɔ nzan fɛt akari. Hazu ɛngi, lɛma nde, ɛnɛ agan zu tɛ ɛnɛ, nɛ ɛnɛ adung ngɛlɛlɛ ha gɔa Sɔ.

Deamɔ 1:14

Mbwa fɛt dungɔ ha wesara may nɛ gɔ Sɔ nɛting nɛ sila ndang. Marie, nana mɛ Jésus, nɛ hio ma bhoko dungɔ hinɛ mbwa, tɛ ba nɛ hio ya mɛ Jésus.

Dede Wen hazu Jésus-Christ ka Luc ngɛraka 22:46

Mɛgi a ana mbwa: «Mɛng, ɛnɛ ha ɔala? Ɛnɛ gutɛ, nɛ gɔ Sɔ tuka nde, sɛbhalamɔ agan zu ɛnɛ na.»

Hebro 5:7

Ha zang ngimɔ ka Christ bayol tɛ wi, a gɔa Sɔ nɛ a alanu ha wɛnɛ nɛ ngagɛl nɛ milikwa. Nɛ Sɔ ka lɛma mɛ kpasisi wɛnɛ gbo ha fio, zea wɛnɛ hazu wɛnɛ yuo ke Sɔ.

2 Timothée 1:3

Mi ha oeba ha Sɔ ka mi de tom pɛa nɛ saa sila gbesi tuka hio ngbabafa mi bade se. Swe nɛ zɛ, tazu mi gba nɛ mɛ kpoo ha zang gɔamɔ pɔm.

Filipe 1:4

Nɛ swe fɛt ka mi gɔ Sɔ hazu ɛnɛ, mi de yo nɛ totɛ,

Efeze 6:19

Ɛnɛ gɔ Sɔ hazu mi fin tuka nde, Sɔ aha mi wen ka mi betɔ, nɛ nde, mi abul nɛ da goto Dede Wen, ka badung sɔngsi nɛ wuso ha li hio wi.

Deamɔ 12:5

Mɛgi, ɛ dungɔ ha pɛma Pierre ha zang twa zɔbhɔ. Ma, giliwi mɔ eglize dungɔ ha gɔa Sɔ hazu wa nɛting.

Philémon 1:5

Hazu mi zea nde, mɛ ngoya hio wi pɛ Sɔ fɛt gdang, nɛ mɛ mɛkara *Kongawan Jésus nɛkpasa.

Deamɔ 10:2

Wɛnɛ hinɛ hio wi mɛ twa pɛa fɛt dungɔ ha lukoso Sɔ nɛ mboazu. A dungɔ ha dea dedemɔ ha tɛ hio fabha wi *zuife nɛdɔka, nɛ a dungɔ ha gɔa Sɔ kpoo.

Deamɔ 6:4

Pɛ ɔ, tuka mɔ sɔngsi, ɔ begde tɛ ɔ nɛ nɛting ha gɔa Sɔ nɛ ha tom bulo wen pɛ Sɔ.»

Efeze 3:18

Mɛgi, ɛnɛ hinɛ hio olo wi pɛ Sɔ fɛt, ɛnɛ lɛma mɛ ing nde, ngoy ka Christ ngoya nɛ ɔ, nɛ pɛsaa, nɛ bɔyaa, nɛ kusoa, nɛ gdukoa pentɛ pet.

Efeze 3:8

Pɔm, mi nê bebe wi pen fɛt ha soko hio olo wi pɛ Sɔ. Ma, ngase ɛngi Sɔ dea dede sila ha tɛ mi nde, mi abul Dede Wen ha hio wi ka bo nê zuife na. Dede Wen ɛngɛ nde, mbwa lɛma kpa yɛbhɛ-yɛbhɛ kpaamɔ nɛ wal Christ.

Rome 8:15

Ɛnɛ kpaa Nzɔy-Sɔtɛ bo hazu gde ɛnɛ bala ka dung fin nɛ ke na, ma, hazu gde ɛnɛ hio bem pɛ Sɔ. Yo nê Nzɔy-Sɔtɛ ka ha ɔ wal mɛ sa Sɔ nde, Abba, Bafa ɔ.

Efeze 2:22

Ha dea sɔy hinɛ Jésus-Christ, ɛnɛ fin, ɛnɛ tɛ bo nê ma bhalkɔ twa ɛngɛ ka Sɔ de le ang nɛ wal Nzɔy-Sɔtɛ pɛa.

Dede Wen hazu Jésus-Christ ka Luc ngɛraka 3:37

Lamek bewei pɛ Matusala, Matusala bewei pɛ Henok, Henok bewei pɛ Yared, Yared bewei pɛ Maleleel, Maleleel bewei pɛ Kainam,

Kolose 1:4

Hazu ɔ zea nde, ɛnɛ bhɔna ka ha mɛkara Jésus-Christ nɛ nde, ɛnɛ ha ngoya hio wi pɛ Sɔ fɛt.

Galasi 4:6

Sɔ tomsa Sɔtɛ pɛ Bewei pɛa ha zang sila ɔ, hazu osi nde, ɔ nê hio bem pɛa nɛkpasa. Nɛ Sɔtɛ ɛngɛ ha gdɔra: «Abba» ka tɔ nde, Bafa mi!

Dede Wen hazu Jésus-Christ ka Luc ngɛraka 3:26

Nagai bewei pɛ Maat, Maat bewei pɛ Matatias, Matatias bewei pɛ Semein, Semein bewei pɛ Yosek, Yosek bewei pɛ Yoda,

Kolose 1:3

Swe fɛt ka ɔ ha gɔa Sɔ, Bafa mɛ *Kongawan pɛ ɔ, Jésus-Christ, ɔ tɔ oeba ha wɛnɛ hazu ɛnɛ.

Matthieu 17:21

Ma, ɛ lɛma yin tili gdanga sɔtɛ ɛngi sɔna nɛ wal gɔa Sɔ nɛ wal zimɔ yɔngamɔ.»]