Efeze 4:31 - Takarata pɛ Sɔ Mbombe Mbon

³¹ Mɛgi, ka gdanga sila, yimsila nɛ ngambi adung ha soko ɛnɛ na. Ka ɛnɛ atubhi da ha soko may mana ya may fin na. Nɛ ɛnɛ alak hio tili gdangamɔ nɛtɛ-nɛtɛ fɛt gde.

Efeze 4:31 Referans Kwoze

Kolose 3:8

Ma, sising, ɛnɛ alak dea mɔ ndɔng fɛt gde: Ngambi, yimsila, dea gdangamɔ ha tɛ wi, yaa dala. Nɛ ka ma wen gɔnali agbo ha nu ɛnɛ na.

1 Pierre 2:1

Hazu ɛngi, ɛnɛ akafi tili gdangamɔ fɛt: Ka ɛnɛ atɔ dalo na, ka ɛnɛ ade gdanga dambari na, ka ɛnɛ ade silamɔ na, nɛ ka ɛnɛ atɔ gdanga lingtɛ na.

Jacques 1:19

Hio ya mi ka mi ngoya gdang, tazu ɛnɛ agba nde, lɛma nde, ɛnɛ adung gdungɛ-gdungɛ mɛ lɛngi zala. Ka ɛnɛ awolmɔ nɛhasa na, nɛ ka ɛnɛ ade yimsila mbalang na.

Kolose 3:19

Hio wei, ɛnɛ angoy ko pɛ ɛnɛ. Ka ɛnɛ adung nɛ yimsila sungiri nɛ mbwa na.

Jacques 3:14

Ma, ka ɛnɛ de nga sila nɛ ɛnɛ ha kio wen sungiri nɛ may, ka ɛnɛ asutɛ na. Ɛngi tɛ bo nê kiforo tɛwen ha dalo.

Efeze 4:26

Ka ngambi dea ɛnɛ, ka ɛnɛ apengi nɛ yo de nɛ gdangamɔ na. Ka ɛnɛ ade ngambi tee kpa mbolo na.

1 Jean 3:12

Ka ɔ adung gbesi tuka Kain na. Kain badung nê bem pɛ gdanga sɔ. Mɛgi, a gbɛa bebe ya wa. A bagbɛ wɛnɛ hazu ge? A bagbɛ wɛnɛ hazu deamɔ pɛa dungɔ nɛ gdanga, nɛ deamɔ pɛ bebe ya wa dungɔ nzeng.

Jacques 4:11

Hio ya mi, ka ɛnɛ atɔ gdanga lingtɛ may na. Wi ka tɔ gdanga lingtɛ ya wa, nɛ ka gɔn kita ha zu wa, a tɔa gdanga lingtɛ *mbonga pɛ Sɔ, nɛ a gɔna kita ha zua. Ka mɛ gɔna kita ha zu mbonga ɛngɛ, yo tɔ nde, mɛ pam mbonga fin na, ma, mɛ tɛ bo nê wan-gɔn kita.

Tite 1:7

Lɛma nde, wan-pam *giliwi mɔ eglize adung nɛ ma wen ndang ha zu wa na, hazu wɛnɛ nê wan-pam mɔ pɛ Sɔ. Ka wɛnɛ adung nê wan-sutɛ na, wan-de ngambi na, wan-nguru dɔkɔ na, wan-bi tumbɔ na, nɛ fin, ka wɛnɛ aki mbɔli nɛ gdanga wal na.

1 Timothée 3:11

Hio ko pɛ hio diakre fin, lɛma nde, mbwa adung nê hio zio wi, ka ba lingtɛ hio wi na. Mbwa agan zu tɛ mbwa, nɛ mbwa adung nɛ mboazu ha mɔ fɛt.

2 Korente 12:20

Mi yu nde, ha ngimɔ ka mi behɔ ha pɛ ɛnɛ, mi betɛ kpa nde, deamɔ pɛ ɛnɛ bo tuka mi ngoya na, nɛ ɛnɛ betɛ kpa nde, deamɔ pɔm bo tuka ɛnɛ ngoya na. Mi yu nde, mi betɛ kpa ɛnɛ mana ha mɔya, mana ha dea silamɔ, mana ha dea ngambi, mana ha dea kpakpay, mana ha fɛngsa may, mana ha tɔa gdanga lingtɛ may, mana ha suotɛ, mana ha dea woto-wotomɔ.

1 Korente 14:20

Hio ya mi, ka ɛnɛ adung bhobem nɛ wal takaramɔ pɛ ɛnɛ na, ɛnɛ atakiri mɔ tuka zɔma wi. Ma, ɛnɛ adung nzɔri bem nɛ wal deamɔ pɛ ɛnɛ, hazu wɛnɛ tɛ ing ka dea gdangamɔ na.

1 Timothée 5:13

Ey, hio pɔlɔmbɔ nagula beangiri pensa ngimɔ nɛgbelea nɛ ndɛnda nɛ hio nutwa nɛnɛ. Nɛ yo bo sɔna nê ɛngi na, ma, mbwa bepi nu ha wen pɛ hio wi, nɛ mbwa bewolmɔ nɛtum.

Galasi 5:20

dea tom gbele sɔ, dea yina, sungoro may, mɔya, dea silamɔ, dea ngambi, dea kul, gbaa soko, sio kafɛ,

1 Korente 5:8

Mɛgi, ɔ ade yenga ɛngɛ nɛ mampa ka mɔa yina ɛngɛ bo ang na. Yina ɛngɛ, yo nê dea gdangamɔ nɛ tum mɔ. Ɔ ade yenga nɛ mampa ka yina ɛngɛ bo ang na, ka dung nɛ saa, nɛ ka don nɛ tɛwen.

Rome 3:14

Nu mbwa dona nɛ panga fomi.

Gbasamɔ 12:10

Hapata ɛngi, mi zea ma gasa gɛl ndang ha ngɔn ka tɔa: «Sising, ngimɔ ka Sɔ pɛ ɔ bekpasisi nɛ hio wi pɛa hɔa kari. Sising, wɛnɛ tɛ bo nê *kongapora nɛ ngatɛ. Sising, *Mesi pɛa gbasa ziomɔ pɛa. Hazu wan-fundi hio ya ɔ, ka fundi mbwa swe nɛ zɛ ha li Sɔ pɛ ɔ, ɛ pio wɛnɛ gbo ha zang ngɔn.

1 Jean 3:15

Wi ka sɛn ya wa, wɛnɛ nê nagbɛwi. Nɛ ɛnɛ ingɔ fɛt nde, nagbɛwi bo nɛ *tunɔ kpoo ha tɛ wa na.

Tite 2:3

Gbesi tuka ɛngi, mɛ tɔ ha hio koto bhoko nde, mbwa ade mɔ tuka nzɔy wi ha li Sɔ. Ka mbwa atɔ gdanga lingtɛ dan mbwa na. Ka mbwa adung bala ha si dɔkɔ na. Ma, mbwa adung hio wan-osi dede deamɔ.

2 Timothée 2:23

Ka mɛ api nu mɛ ha zanga hio yera tum wen na, hazu mɛ ingɔ nde, zanga wen mɛgi bedak wi pi ha mɔya.

1 Timothée 3:3

Ka wɛnɛ adung nê wan-fe dɔkɔ mana wan-bi tumbɔ na. Ma, wɛnɛ adung nɛ gaa nɛ mɛndi, nɛ ka wɛnɛ agde sila wa ha tɛ mbɔli na.

Deamɔ 21:30

Sila wi mɔ Jérusalem fɛt bhunzoko nɛ mbwa sɔawi tɛ. Mbwa daka wɛnɛ ha gasa twa Sɔ gbo nɛ ha dɛl. Nɛ ha ndangtɛ ngimɔ ɛ gdɔka hio nu gasa twa Sɔ.

2 Timothée 3:3

wan-nga sila, wan-tukili mɔ, wan-tɔ lingtɛ, wan-de ngamɔ, wan-nyalɔ, wan-sungiri dedemɔ,

Efeze 4:22

Mɛgi, ɛnɛ lak mɔa ndɔki deamɔ pɛ ɛnɛ gde. Ey, ɛnɛ kpɔsi mɔa tɛ wi, ka de mɔ lɛm nɛ gdanga golamɔ. Golamɔ ndɔng ha osala ɛnɛ, nɛ yo bebhondisi ɛnɛ.

Efeze 4:25

Hazu ɛngi, ɛnɛ lak tɔa dalo gde. Ɛnɛ tɔ tɛwen ha may hazu ɔ fɛt nê hio gbakɔtɛ mɔ kilitɛ ndang.