Efeze 4:28 - Takarata pɛ Sɔ Mbombe Mbon

²⁸ Hio wan-zu azu mɔ fin na. Ma, dea nde, mbwa ade dede tom nɛ kɔ mbwa hazu gbakiri fin nɛ wi ndɔng ka mɔ kɔpi mbwa.

Efeze 4:28 Referans Kwoze

1 Timothée 6:18

Mɛ ha nu ha mbwa nde, mbwa ade dedemɔ, mbwa ade hio dɔka dede tom, mbwa ade ngay nɛ *dede sila, nɛ mbwa akapini kpaamɔ pɛ mbwa.

Galasi 6:10

Mɛgi, ha ngimɔ pɛ ɔ fɛt, ɔ ade dedemɔ ha tɛ hio wi fɛt mburr, pen fɛt ha tɛ hio ya ɔ ha zang mɛkara Christ.

Jean 12:6

Judas bo ha dea ngɔtɛ tɛ hio fabha wi na. Ma, a tɔa mɛgi hazu wɛnɛ nê wanzu. Wɛnɛ nê wan-pam mbɔli pɛ mbwa, nɛ a dung mɛ zu hio ma mbɔli.

Dede Wen hazu Jésus-Christ ka Luc ngɛraka 19:8

Ma, Zachée yola ha li *Kongawan nɛ tɔa: «Kongawan, mi begba soko kpaamɔ pɔm ha binsila nɛ ha ma bhalkɔa ndang ha hio fabha wi. Nɛ mɔ ka mi kuo ha kɔ ma wi nɛ wen dalo, mi bekifiri yo zenar ha wɛnɛ.»

2 Korente 8:12

Mana mɔ ha kɔ wi, mana mɔ bo ha kɔ wia na, ka wɛnɛ ha mɔ nɛ dede sila lɛm nɛ mɔa, Sɔ bezɔk haamɔ pɛa nɛ dede li.

2 Korente 8:2

Dɔka yeksamɔ ka kpaa mbwa, wea sila mbwa nɛkpasa. Ma, mbwa dungɔ swe fɛt nɛ totɛ. Ngase mbwa nê hio fabha wi nɛkpasa, mbwa haa mɔ nɛdɔka pen fɛt.

Rome 12:13

Ɛnɛ gbakiri hio wi pɛ Sɔ ka mɔ kɔpa mbwa. Nɛ ɛnɛ ba hio gɛnɛ wi nɛ dede kɔ.

Jean 13:29

Tuka Judas nê wan-pam mbɔli pɛ mbwa, hio ma takara pɛ mbwa nde, Jésus tɔa ha wɛnɛ mɛ hɛ ma mɔ, ka kɔpa mbwa hazu yenga, mana mɛ ha ma mbɔli ha hio fabha wi.

Dede Wen hazu Jésus-Christ ka Luc ngɛraka 3:8

Ɛnɛ de dedemɔ ka osi nde, ɛnɛ kiforo sila ɛnɛ! Nɛ ɛnɛ karsi lukoso tɛ nde, Abraham nê ngbabafa ɛnɛ! Hazu Sɔ lɛma kifiri hio ta ndɔng gde nɛ hio bezang pɛ Abraham.

1 Korente 4:12

Ɔ ha fea dea tom nɛ kɔ ɔ. Hio wi ha yaa ɔ, nɛ ɔ ha wola dede wen ha zu mbwa. Ɔ ha kpaa yeksamɔ ha kɔ hio wi. Ma, ɔ ha yɔnga yini.

Tite 3:8

Wen ndɔng ka mi tɔa, yo nê tɛwen. Mi ngoya nde, mɛ aputiri yo swe fɛt ha wi ndɔng ka mɛkara Sɔ, tuka nde, mbwa agbɛngsi tɛ nɛkpasa ha dea dedemɔ. Ɛngi nɛ dedea, nɛ yo ha gbakara hio wi.

Tite 3:14

Lɛma nde, hio wi pɛ ɔ fin ayambi mɛ gbɛngsi tɛ ha dea dedemɔ hazu gbakiri wi ndɔng ka mɔ kɔpi mbwa nɛkpasa. Mɛgi, hio wi pɛ ɔ beway nɛ dede waya.