Efeze 4:10 - Takarata pɛ Sɔ Mbombe Mbon

¹⁰ Wi ɛngɛ ka zilo tɛ hakɛ ha nu, yo nê ndangtɛ wi fin ka danga ha ngɔn nɛ kusoa pen liswe tuka nde, wɛnɛ adung wan hazu hio mɔ fɛt mburr.

Efeze 4:10 Referans Kwoze

Hebro 7:26

Mɛgi, Jésus nê gasa wan-hasadaka ka lɛma nɛ ɔ. Wɛnɛ nɛ nzɔya, ma gdangamɔ mana ma wen bo ha zu wa na. Sɔ kuo wɛnɛ ha soko hio *wan-de gdangamɔ gde ha kuso ngɔn.

Hebro 4:14

Gasa wan-hasadaka pɛ ɔ nɛ gasaa pen hio oloa fɛt, a danga si ha ngɔn hapɛtɛ Sɔ. Yo nê Jésus, *Bewei pɛ Sɔ. Mɛgi, lɛma nde, ɔ aba nɛ nɔa nging mɛkaramɔ ka ɔ bul wena.

Kolose 2:9

Hazu Sɔ nɛ pɛa tɛ fɛt mburr ha dea le ha tɛ Christ.

Kolose 1:19

Hazu Sɔ bheka nde, wɛnɛ nɛ tɛ wa fɛt adung ang ha tɛ Bewei pɛa.

Matthieu 24:34

Mi tɔ kpasawen ha ɛnɛ nde, hio ma wi mɔ ngimɔ ɛngɛ lɛm fe na, sɔngsi mɔ ndɔng fɛt ahɔ.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

Efeze 3:19

Ey, ɛnɛ aing ngoy pɛ Christ, ngase ka ma wi ndang lɛm ing yo hɛrr na. Mɛgi, tunɔ pɛ ɛnɛ bedon lɛtɛtɛ nɛ mɔ pɛ Sɔ fɛt mburr.

Deamɔ 1:9

Ka wɛnɛ tɔa wen ndɔng ha mbwa kari, a danga ha li mbwa fɛt si ha ngɔn. Nɛ buswe kuo wɛnɛ nɛ gdɔka pata wa ha li mbwa.

Hebro 8:1

Gasa mɔ ka ɔ tɔ wena, yo nde, ma gasa wan-hasadaka pɛ ɔ ndang ang. Wɛnɛ ha dungɔnu ha zang ngɔn ha wekɔ Sɔ ka dung tuka *kongapora ha zu solowan pɛa.

Deamɔ 3:18

Ma, yo nɛ wal ɛngi ka Sɔ lɛmsara hio mɔ, ka wɛnɛ batɔ se nɛ wal nu hio *wan-tɔkuliwen. Mbwa batɔ nde, *Mesi, ka Sɔ betomsi, bekpa yimtɛ nɛdɔka.

Deamɔ 2:33

A gdea wɛnɛ ha bosi bhandi ha wal wekɔ wa. Wɛnɛ kpaa Nzɔy-Sɔtɛ tuka ka Sɔ, Bafa wa, bagɔn nua sɔngsi. Nɛ Jésus tomsa Nzɔy-Sɔtɛ ɛngɛ ha ɔ fin. Mɔ ka ɛnɛ ha zɔka nɛ zea sising, yo nê tom pɛa.

Deamɔ 1:11

Nɛ mbwa tɔa: «Ɛnɛ, wi mɛ Galile, ɛnɛ yol hakɛ ha gɛramɔ ha ngɔn hazu ge? Jésus ɛngɛ ka Sɔ guo wɛnɛ si nɛ ha ngɔn, a bekifiri bin gbesi tuka ka ɛnɛ zɔka wɛnɛ ha danga.»

Jean 19:36

Hazu mɔ hɔa mɛgi tuka nde, wen ɛngɛ ha takarata pɛ Sɔ alɛmsiri tɛ: «Ɛ lɛm gbin ma gbala tɛ wa ndang na.»

Jean 19:28

Hapata, Jésus ingɔ nde, a karsa tom pɛa ha nzan kari. Ma, hazu lɛmsiri nɛ wen fɛt ha zang takarata pɛ Sɔ, a tɔa: «Wɔ li ha dea mi.»

Jean 19:24

Mɛgi, mbwa tɔa ha soko may: «Ɔ gba soko gasa la ɛngɛ na. Ma, ɔ de yo nɛ mbela hazu zɔk wi ka beku yo.» Mɔ hɔa mɛgi hazu lɛmsiri nɛ wen ɛngɛ ha zang takarata pɛ Sɔ: «Mbwa kapana hio latɛ pɔm ha soko may, nɛ mbwa kuo gasa la pɔm de nɛ mbela.» Ɛngi nê mɔ ka hio wan-bibulo dea.

Jean 1:16

Tuka wɛnɛ nɛ dede sila pentɛ, ɔ fɛt kpaa hio dede mɔ ha kɔ wa ngimɔ nɛ ngimɔ.

Dede Wen hazu Jésus-Christ ka Luc ngɛraka 24:44

Hapata Jésus tɔa ha mbwa: «Ha ngimɔ ka mi bhɔna ka hinɛ ɛnɛ, mi tɔa ha ɛnɛ nde, lɛma nde, hio dɔka ngɛrakamɔ ha zu mi ha zang *mbonga pɛ Moïse, ha zang takarata pɛ hio *wan-tɔkuliwen, nɛ ha zang *takarata gima pɛ David fɛt alɛmsiri tɛ.»

2 Korente 12:2

Mi ingɔ ma wi pɛ Christ ndang, ka Sɔ lesasa wɛnɛ ha zang kuso bhele-bhele ngɔn. Yo tɛ bo nê bɛlɛ bhukɔ gbala nar mɛsɛ. Mana yo dungɔ nê lisɔ ka wɛnɛ zɔka, mana a nɛa nɛ kilitɛ wa, mi ing sokoa na. Sɔ ndang ha ing yo.