Efeze 2:22 - Takarata pɛ Sɔ Mbombe Mbon

²² Ha dea sɔy hinɛ Jésus-Christ, ɛnɛ fin, ɛnɛ tɛ bo nê ma bhalkɔ twa ɛngɛ ka Sɔ de le ang nɛ wal Nzɔy-Sɔtɛ pɛa.

Efeze 2:22 Referans Kwoze

1 Korente 3:16

Bo nê ɛnɛ ingɔ nde, ɛnɛ nê twa pɛ Sɔ, nɛ Sɔtɛ pɛ Sɔ ha dea le ha sila ɛnɛ, na nde?

1 Jean 4:16

Pɛ ɔ, ɔ ingɔ nde, Sɔ ngoya ɔ. Nɛ ɔ mɛkara ngoy, ka wɛnɛ ngoya nɛ ɔ. Sɔ nê ngoy. Mɛgi, wi ka dung ha tɛ ngoy, wɛnɛ ang ha tɛ Sɔ, nɛ Sɔ ang ha tɛ wa.

1 Jean 4:13

Sɔ haa *Nzɔy-Sɔtɛ pɛa ha ɔ. Yo nê ɛngi ka ɔ ingɔ nde, ɔ ang ha tɛ Sɔ, nɛ wɛnɛ ang ha tɛ ɔ.

1 Jean 3:24

Mɛgi, hio wi ndɔng ka pam hio mbonga pɛ Sɔ, mbwa ha dea sɔy hinɛ Sɔ, nɛ Sɔ fin ha dea sɔy hinɛ mbwa. *Nzɔy-Sɔtɛ ka wɛnɛ haa ha ɔ, ha dea le ha sila ɔ. Ɛngi osi ha ɔ nde, Sɔ ha dea sɔy hinɛ ɔ.

Efeze 3:17

Mi gɔ Sɔ nde, Christ ade le ha zang sila ɛnɛ hazu ɛnɛ mɛkara wɛnɛ. Mi gɔ fin nde, ɛnɛ adung nɛ nɔa ngi-ngi-ngi ha zang ngoy.

2 Korente 6:16

Hio gbele sɔ lɛma kpa bhandi ha *gasa twa Sɔ mɛng? Kpasawen, ɔ nê twa pɛ tunɔ Sɔ, gbesi tuka wɛnɛ tɔa: «Mi bede le ha soko mbwa, nɛ mi beyal ha soko mbwa. Mi bedung nê Sɔ pɛ mbwa, nɛ mbwa bedung nê kandɔ pɔm.»

1 Korente 6:19

Ɛnɛ tɛ ing nde, tɛ ɛnɛ nê twa pɛ Nzɔy-Sɔtɛ, na nde? Sɔ haa ɛnɛ Nzɔy-Sɔtɛ kari, nɛ wɛnɛ de le ha sila ɛnɛ. Mɛgi, ɛnɛ bo nê wan hazu tɛ ɛnɛ nɛ pɛ ɛnɛ tɛ na.

1 Korente 3:9

Hazu, ɔ nê hio sɔy-tom ha tom pɛ Sɔ, nɛ ɛnɛ dung tuka fɔ pɛ Sɔ. Nɛ ɛnɛ dung fin tuka twa pɛ Sɔ.