Efeze 2:13 - Takarata pɛ Sɔ Mbombe Mbon

¹³ Sɔngsi, ɛnɛ badung nɛ yɛa nɛ Sɔ. Ma, sising, ɛnɛ tɛ bo ha dea sɔy hinɛ Jésus-Christ. Tɔktɛ wa sɛa gɔn zu ɛnɛ, mɛgi, ɛnɛ tɛ bo sanga nɛ Sɔ.

Efeze 2:13 Referans Kwoze

Deamɔ 2:39

Sɔ bagɔn se nu mɛ tomsi Nzɔy-Sɔtɛ. Gɔnanu ɛngɛ hazu ɛnɛ nɛ hio bem pɛ ɛnɛ. Yo fin hazu hio wi ndɔng ka dung nɛ yɛa nɛ ka Kongawan, Sɔ pɛ ɔ, besa mbwa.»

1 Korente 6:11

Hio ma wi ha soko ɛnɛ bade tili gdangamɔ ndɔng sɔngsi. Ma, sising, Sɔ pɛ ɔ fala gdangamɔ pɛ ɛnɛ yunɛ fɛt kari, a dea ɛnɛ hio nzɔy wi pɛa, nɛ a gdea ɛnɛ nzeng ha li wa. Sɔ dea mɛgi nɛ wal ling *Kongawan, Jésus-Christ, nɛ fin nɛ wal *Nzɔy-Sɔtɛ pɛa.

Gbasamɔ 5:9

Mbwa ha bea ma mbombe gima nde: «Mɛ nɛ kongaa mɛ ku takarata ɛngɛ nɛ kusi hio gdangi ha nua yunɛ. Hazu ɛ bagbɛ mɛ, nɛ mɛ hɛa hio wi ha Sɔ nɛ tɔktɛ mɛ. Hio wi ndɔng nê mɔ nugala fɛt, mɔ nu le fɛt, mɔ kandɔ fɛt, mɔ kandɔnu fɛt.

Deamɔ 26:18

Mi betomsi mɛ hazu gbosisi gbali mbwa nde, mbwa agbo ha tutum tɛ ha saamɔ, gbo ha si ziomɔ pɛ *Satan tɛ ha pɛ Sɔ. Ka mbwa mɛkara mi, mi bebisi *sɛmbɔ pɛ mbwa, nɛ mi begde mbwa ha soko hio nzɔy wi pɛ Sɔ.›»

Efeze 2:12

Ha ngimɔ ɛngi, ɛnɛ tɛ ing ka Christ na. Ɛnɛ dungɔ tuka hio gɔn-gɛnɛ wi, ɛnɛ bo nê hio wi mɛ kandɔ *Israel, kandɔ pɛ Sɔ na. Hio mɔ ka Sɔ gɔna nua ha mbwa nɛ wal nɔa *mbon hinɛ mbwa, mɔ ndɔng tɛ dung hazu ɛnɛ na. Ɛnɛ tɛ dung nɛ ma mɔ hazu gde tazu ɛnɛ ang na. Ɛnɛ dungɔ ha zang nzan, nɛ ɛnɛ tɛ ing Sɔ na.

Efeze 1:7

Sɔ yanga ɔ ha si gdangamɔ nɛ wal tɔktɛ Bewei pɛa, nɛ a biso gdangamɔ ka ɔ dea. Ɛngɛ osi nde, Sɔ nɛ dede sila pentɛ.

Galasi 3:28

Mɛgi, gbaa soko kandɔ *zuife nɛ olo kandɔ bo fin na. Gbaa soko bala nɛ bele bo fin na. Gbaa soko wei nɛ bhoko bo fin na. Ha dea sɔy hinɛ Jésus-Christ, ɛnɛ fɛt tɛ bo nê wi ndang.

2 Korente 5:17

Mɛgi, wi ka de sɔy hinɛ Christ, tɛ bo nê mbombe wi. Mɔa mɔ pena, nɛ mbombe mɔ hɔa kari.

1 Pierre 3:18

Hazu Christ fea ze ndang hireng gɔn zu *sɛmbɔ pɛ hio wi. Wɛnɛ ka dung nê nzeng wi, fea gɔn zu ɔ, hio *kalbho-kalbho wi hazu ku ɔ nɛnɛ ha pɛ Sɔ. Hio wi gbɛa tɛ wa, ma, Sɔ tunso wɛnɛ nɛ mbinga nɛ wal *Nzɔy-Sɔtɛ.

Hebro 9:18

Yo ka fin gbesi nɛ bosi mbon. Yo angara dea tom pɛa sɔna ha ngimɔ ka tɔk sari sɛa kari.

1 Korente 1:30

Ma, yo nê Sɔ ha de nde, ɛnɛ ade sɔy hinɛ Jésus-Christ, ka tɛ bo nê mbaramɔ pɛ Sɔ hazu ɔ. Yo nê wɛnɛ ka gdea ɔ nzeng ha li Sɔ, ka gdea ɔ nɛtɛ hazu dung nê nzɔy kandɔ pɛ Sɔ, nɛ ka yanga ɔ ha si gdangamɔ.

Rome 8:1

Sising, Sɔ lɛm gɔn kita ba nɛ wi ndɔng ka de sɔy hinɛ Jésus-Christ, fin na.

Deamɔ 22:21

Mɛgi, Kongawan tɔa ha mi: ‹Mɛ pen, hazu mi ngoy tomsi mɛ nɛ yɛa ha soko hio mbing kandɔ!›»

Deamɔ 15:14

Simon baa kasi ha ɔ sising mɛng Sɔ bhɔngara sɔngsi bhee mɛ weki ma kandɔ pɛa ha soko ɛ ndɔng, ka bo nê zuife na.

Jean 10:16

Mi kpaa fin hio ma mbing sami ka bo ha zang ngalɔ ɛngɛ na. Lɛma nde, mi angbɔsi mbwa fin tɛnɛ. Mbwa belɛngi zala ha gɛl mi. Mɛgi, zugili sami bedung kanɛ ndang sɔna, nɛ zaoro pɛ mbwa fin ndang sɔna.

1 Korente 12:13

Ngase ɔ nê kandɔ *zuife mana olo kandɔ, ngase ɔ nê bala mana bele, yo nê ndanga *Nzɔy-Sɔtɛ ndang ka wesara ɔ gde tuka kilitɛ ndang nɛ wal gdumso ɔ ha li. Nɛ yo nê ndangtɛ Nzɔy-Sɔtɛ ɛngɛ ka don ha zang sila ɔ.

Efeze 1:1

Yo nê mi Paul ka Sɔ nɛ pɛa tɛ weka tuka *wan-nɛtom pɛ Jésus-Christ, mi ngɛriki takarata ɛngɛ tomsi ha ɛnɛ, hio wi pɛ Sɔ mɔ le Efeze, ɛnɛ ka dung nɛ mboazu ha dea sɔy hinɛ Jésus-Christ.

Efeze 2:2

Ɛnɛ dungɔ ha dea mɔ gbesi tuka wi mɔ nzan ɛngɛ. Ɛnɛ dungɔ ha zea nu *Satan, wan hazu hio gdanga sɔtɛ ka dung ha soko ngɔn nɛ nu, sɔtɛ ɛngɛ ka de tom ha tɛ wi ndɔng ka ze nu Sɔ na.

Efeze 2:6

A tunso ɔ ha fio gbesi hinɛ Jésus-Christ. Nɛ a gdea ɔ ha zang ngɔn hinɛ Jésus-Christ, hazu ɔ ha dea sɔy hinɛ wɛnɛ.

Efeze 2:10

Hazu ɔ fɛt, ɔ nê mɔ ka Sɔ dea. A dea ɔ nɛ wal Jésus-Christ tuka nde, ɔ ade hio dedemɔ, ka wɛnɛ babhɔngiri sɔngsi gde nde, ɔ ade yo.