Efeze 1:5 - Takarata pɛ Sɔ Mbombe Mbon

⁵ Mɛgi a babhɔngiri bingiri nde, a beba ɔ tuka hio bem pɛa nɛ wal tom ka Jésus-Christ dea. A ngoya dea mɛgi hazu yo ha totɛ ha wɛnɛ pentɛ.

Efeze 1:5 Referans Kwoze

Efeze 1:11

Tuka Sɔ babhɔngiri, a baweki ɔ sɔngsi bhee nde, ɔ atɛ hio wi pɛa nɛ wal dea sɔy hinɛ Christ. A de mɔ fɛt tuka sila wa ngoya, nɛ tuka wɛnɛ babheki yo.

1 Jean 3:1

Ɛnɛ zɔk, Sɔ, Bafa ɔ, saa ɔ nde, hio bem pɛa! Ɛngi osi gasa ngoy ka wɛnɛ ngoya nɛ ɔ! Ey, ɔ nê hio bem pɛa kpasawen. Hio wi mɔ nzan ing Sɔ na. Mɛgi, mbwa tɛ ing nde, ɔ nê hio bem pɛ Sɔ, na.

Jean 1:12

Ma, ngase ɛngi, hio ma wi baa wɛnɛ nɛ dede kɔ, nɛ mbwa mɛkara wɛnɛ. Mɛgi, mbwa tɛ bo nê hio bem pɛ Sɔ nɛ wal ziomɔ pɛa.

Rome 8:23

Yo bo sɔna nê nzan na. Ma, ɔ, ka kpaa *Nzɔy-Sɔtɛ tuka bosi dedemɔ ha kɔ Sɔ, ɔ fin ha gɔfa ha zang tɛ ɔ. Hazu, ɔ ha kera mɔ nde, Sɔ agde ɔ tuka bem pɛa nɛ kpasisi ɔ nɛ kilitɛ ɔ fɛt mburr.

Galasi 3:26

Kpasawen, ɛnɛ fɛt tɛ bo nê hio bem pɛ Sɔ nɛ wal mɛkaramɔ ka ɛnɛ mɛkara nɛ Jésus-Christ.

2 Korente 6:18

Mi bedung nê bafa ɛnɛ, nɛ ɛnɛ bedung nê hio bem pɔm. Yo nê Kongawan, wan-zu mɔ fɛt, ha tɔ wen mɛgi.»

Gbasamɔ 21:7

Mi bekapini hio mɔ ndɔng ha hio wi fɛt ka gana zu mɔ. Nɛ mi bedung nê Sɔ pɛ mbwa, nɛ mbwa bedung nê hio bem pɔm.

Efeze 1:9

Mɔ ka wɛnɛ gbatɛ babhɔngiri nɛ wuso, nɛ ka wɛnɛ babheki sɔngsi mɛ de nɛ wal Christ, a gbasa yo ha ɔ.

Jean 11:52

Nɛ yo bo nê hazu kandɔ zuife sɔna na. Ma, hazu wesiri hio bem pɛ Sɔ, ka de le ha nzan fɛt.

2 Tesalonike 1:11

Yo nê ɛngi, ka ɔ gɔ Sɔ swe fɛt hazu ɛnɛ tuka nde, wɛnɛ agde ɛnɛ nɛ zioa ha li wa mɛ kpa *tunɔ kpoo ka wɛnɛ saa ɛnɛ ang. Ɔ gɔ Sɔ fin nde, wɛnɛ alɛmsiri nɛ wal ngatɛ pɛa hio tili dedemɔ fɛt ka ɛnɛ ngoy mɛ de, nɛ hio mɔ ka ɛnɛ de nɛ wal mɛkaramɔ.

Dede Wen hazu Jésus-Christ ka Luc ngɛraka 10:21

Ha ndangtɛ ngimɔ, *Nzɔy-Sɔtɛ donsa sila Jésus nɛ gasa totɛ, nɛ wɛnɛ tɔa: «Bafa mi, mɛ nê wan hazu ngɔn nɛ nu. Mi lukisi mɛ hazu mɛ gbasa ha hio bebe wi mɔ ndɔng, ka mɛ wuso ha hio wan-mbarimɔ nɛ wan-ingmɔ. Ey, Bafa mi, yo nê mɛ ka ngoya yo mɛgi.

1 Korente 1:21

Ey, hio wi mɔ nzan nɛ wal mbaramɔ pɛ mbwa tɛ ing Sɔ na. Hazu, Sɔ nɛ mbaramɔ pɛa, zɔka nɛ dedea nde, wɛnɛ akpasisi hio wi ka mɛkara wɛnɛ nɛ wal bulowen pɛ ɔ, ka dung nê wen bili ha li hio olo wi.

Jean 20:17

Jésus tɔa ha wɛnɛ: «Mɛ daksi kɔ ha tɛ mi, hazu mi tɛ dang ka nɛ ha pɛ Bafa mi na. Ma, mɛ nɛ, nɛ tɔ ha hio ya mi nde, mi ha danga nɛ ha pɛ Bafa mi, ka dung fin nê Bafa mbwa. Wɛnɛ nê Sɔ pɔm nɛ Sɔ pɛ mbwa.»

Matthieu 11:26

Ey, Bafa mi, yo nê mɛ ka ngoya yo mɛgi.

Dede Wen hazu Jésus-Christ ka Luc ngɛraka 11:32

Nɛ hio wi mɔ Ninive fin begu bin tɛ, nɛ mbwa bekɛ wen sungiri hio wi mɔ ngimɔ ɛngɛ. Hazu hio wi mɔ Ninive kiforo sila mbwa, ka mbwa zea bulowen pɛ Jonas. Ma, mi ka dung hakɛ, mi pena Jonas.»

Filipe 2:13

Hazu yo nê Sɔ ka lɛmsiri mɔ ha tɛ ɛnɛ nde, ɛnɛ adung nɛ hɛl, nɛ ngatɛ mɛ lɛmsiri hio tom ka wɛnɛ weka hazu ɛnɛ.

1 Korente 1:1

Yo nê mi, Paul, hinɛ ya ɔ, Sostene ha ngɛriki takarata ɛngɛ. Sɔ saa mi gde *wan-nɛtom pɛ Jésus-Christ tuka sila wa ngoya.

Matthieu 1:25

Ma, a ing wɛnɛ tuka bhoko na, kanɛ ngimɔ ka wɛnɛ bhɛa nɛ bewei. Nɛ Joseph gbala ling wa nde Jésus.

Dede Wen hazu Jésus-Christ ka Luc ngɛraka 12:32

«Ɛnɛ ka dung tuka bebe zugili sami, ɛnɛ ayu ke na! Hazu Bafa ɛnɛ weka ɛnɛ mɛ dung hio wi mɔ Kongakandɔ pɛa.

Deamɔ 13:48

Ka hio wi ndɔng, ka bo nê zuife na, zea wen ɛngɛ, mbwa dea totɛ pentɛ. Mbwa lukoso wen pɛ Kongawan. Nɛ wi ndɔng fɛt, ka Sɔ weka mɛ kpa tunɔ kpoo, mɛkara Jésus.

Kolose 1:19

Hazu Sɔ bheka nde, wɛnɛ nɛ tɛ wa fɛt adung ang ha tɛ Bewei pɛa.

Hebro 2:4

Ha ndangtɛ ngimɔ, Sɔ fin osa nde, wen ɛngɛ nê tɛwen, nɛ wal hio *mɔweka, hio *mɔkifi, hio tili *mɔbhana nɛtɛ-nɛtɛ, nɛ fin nɛ wal hio ngatɛ pɛ *Nzɔy-Sɔtɛ, ka wɛnɛ haa ha hio wi tuka sila wa ngoya.