Efeze 1:22 - Takarata pɛ Sɔ Mbombe Mbon

²² Sɔ gdea hio mɔ fɛt ha si ziomɔ pɛ Christ, nɛ a gdea wɛnɛ tuka wan hazu *giliwi mɔ eglize fɛt.

Efeze 1:22 Referans Kwoze

Kolose 1:18

*Giliwi mɔ eglize nê kilitɛ Christ, nɛ wɛnɛ nê wan hazu mbwa. Mɔ fɛt angara nɛ wal wɛnɛ, wɛnɛ nê bosi wi ka guotɛ ha soko hio fiowi tuka nde, wɛnɛ adung ha bosi bhandi ha mɔ fɛt.

Kolose 2:10

Nɛ ɛnɛ kpaa tɛ kpasa tunɔ nɛ wal sɔy ka ɛnɛ de hinɛ Christ, ka dung nê wan hazu hio sɔtɛ gan zu mɔ nɛ hio nga sɔtɛ fɛt.

Hebro 2:8

Mɛ gdea hio mɔ fɛt ha si nanga wa.» Ka ɛ tɔ nde, Sɔ gdea mɔ fɛt ha si wa, ɛngɛ tɔ nde, ma mɔ ndang ka bo ha si wa na, bona. Tangere, ha ngimɔ ɛngɛ sising, ɔ tɛ zɔk ka nde, mɔ fɛt ha si wa, na.

Kolose 2:19

Mbwa dol fin tɛ ha Christ na, ngase wɛnɛ nê zu *giliwi mɔ eglize. Wɛnɛ wesiri hio gbakɔtɛ wa gde ha may nɛ wal hio dokaratɛ wa, nɛ wɛnɛ day kilitɛ wa fɛt tuka nde, yo akpɔtɛ nɛ wala tuka Sɔ ngoya.

Efeze 5:23

Hazu wei nê wan hazu ko pɛa gbesi tuka Christ nê wan hazu *giliwi mɔ eglize pɛa. Christ nê *wan-kpasisi giliwi mɔ eglize pɛa, ka dung nê kilitɛ wa.

1 Korente 11:3

Ma, mi ngoya nde, ɛnɛ aing nde, Christ nê wan hazu wei fɛt, wei nê wan hazu ko pɛa, nɛ Sɔ nê wan hazu Christ.

Deamɔ 20:28

Ɛnɛ pam tɛ ɛnɛ nɛ tɛ ɛnɛ. Nɛ ɛnɛ pam fin *giliwi mɔ eglize, ka Nzɔy-Sɔtɛ gdea ha kɔ ɛnɛ. Ɛnɛ pam mbwa nɛdedea, tuka ka zaoro sami pam nɛ sami, hazu Sɔ hɛa mbwa nɛ wal tɔktɛ Bewei pɛa.

Efeze 3:21

Ɔ, giliwi mɔ eglize, ka de sɔy hinɛ Jésus-Christ, ɔ alukisi Sɔ ha ngimɔ fɛt kpoo nɛ kpoo! Amen.

1 Timothée 3:15

Ma, ka mi ziko ha hɔa, takarata ɛngɛ beosi ha mɛ dede ndɔki deamɔ ha soko hio nam pɛ Sɔ, yo nde, ha soko *giliwi mɔ eglize pɛ tunɔ Sɔ, giliwi ndɔng ka dung tuka mbing nɛ nanga twa ka tɔn nɛ pam tɛwen.

Matthieu 16:18

Nɛ mi tɔ ha mɛ nde, mɛ nê Pierre, ka tɔ nde, ta. Mi bewesiri zugili wi pɔm ka ɛ sa nde *eglize, gde ha zu ta ɛngɛ. Nɛ ngase ngatɛ pɛ fio lɛm gan zu mbwa na.

Kolose 1:8

Yo nê wɛnɛ ka tɔa ha ɔ nde, *Nzɔy-Sɔtɛ haa ɛnɛ ngatɛ mɛ ngoy nɛ may.