Efeze 1:19 - Takarata pɛ Sɔ Mbombe Mbon

¹⁹ Mi gɔ Sɔ fin nde, ɛnɛ aing heang ziomɔ pɛa ka wɛnɛ gbakiri nɛ ɔ, ka mɛkara wɛnɛ. Ziomɔ ɛngɛ, yo nê ndangtɛ ziomɔ,

Efeze 1:19 Referans Kwoze

Filipe 2:13

Hazu yo nê Sɔ ka lɛmsiri mɔ ha tɛ ɛnɛ nde, ɛnɛ adung nɛ hɛl, nɛ ngatɛ mɛ lɛmsiri hio tom ka wɛnɛ weka hazu ɛnɛ.

Efeze 3:20

Sɔ lɛma mɛ de mɔ fɛt nɛ wal ngatɛ pɛa ka de tom ha tɛ ɔ. A lɛma de mɔ nɛdɔka pen ɛngɛ ka ɔ ani nɛ wɛnɛ, nɛ fin nɛdɔka pen ɛngɛ ka ɔ takiri mɔ hazua.

Kolose 2:12

Ha ngimɔ ka ɛ bagdumsi ɛnɛ ha li, ɛ gunɔ ɛnɛ hinɛ Christ gbesi. Nɛ ka ɛnɛ gboa ha si li, Sɔ guo ɛnɛ gbesi hinɛ wɛnɛ, hazu ɛnɛ gdea tazu ɛnɛ ha ngatɛ pɛ Sɔ ka guo Christ ha soko hio fiowi.

2 Korente 4:7

Ɔ gbesi tuka kpana ge, ka Sɔ kuo dedemɔ pɛa gde ha zanga. A dea mɛgi hazu gbasi long nde, gasa ngatɛ ka ɔ de nɛ tom, yo tɛ nɛ wal ɔ nɛ pɛ ɔ tɛ na, ma, nɛ wal wɛnɛ.

Kolose 1:29

Yo nê ɛngi, mi ha gbɛngsa tɛ mi, nɛ mi ha bio bulo nɛ wal gasa ngatɛ ka Christ ngasisi nɛ mi.

Efeze 6:10

Kpogio wen pɔm nê ɛngɛ: Ɛnɛ ngasisi tɛ ɛnɛ ha zang dea sɔy hinɛ *Kongawan, ka ɛnɛ akpa ngatɛ ha zang gasa ziomɔ pɛa.

Efeze 3:7

Sɔ dea dede sila ha tɛ mi, nɛ a baa mi nɛ wal ziomɔ pɛa tuka wan-tom pɛa nde, mi abul Dede Wen ha hio wi.

Efeze 2:10

Hazu ɔ fɛt, ɔ nê mɔ ka Sɔ dea. A dea ɔ nɛ wal Jésus-Christ tuka nde, ɔ ade hio dedemɔ, ka wɛnɛ babhɔngiri sɔngsi gde nde, ɔ ade yo.

Rome 1:16

Mi bo nɛ foy mɛ bul Dede Wen na. Hazu Dede Wen ɛngɛ nê ngatɛ pɛ Sɔ, ka wɛnɛ kpasisi nɛ hio wi ndɔng ka mɛkiri Jésus-Christ. Yo hazu kpasisi hio *zuife sɔngsi, nɛ fin, hazu kpasisi hio wi mɔ hio olo kandɔ.

Jacques 1:18

Yo nê wɛnɛ nɛ tɛ wa ha ngoy mɛ ha ɔ tunɔ kpoo. A haa yo ha ɔ nɛ wal wen pɛa ka dung nê tɛwen, tuka nde, ɔ adung hio bosi wi ha soko mɔ fɛt ka wɛnɛ dea.

2 Tesalonike 1:11

Yo nê ɛngi, ka ɔ gɔ Sɔ swe fɛt hazu ɛnɛ tuka nde, wɛnɛ agde ɛnɛ nɛ zioa ha li wa mɛ kpa *tunɔ kpoo ka wɛnɛ saa ɛnɛ ang. Ɔ gɔ Sɔ fin nde, wɛnɛ alɛmsiri nɛ wal ngatɛ pɛa hio tili dedemɔ fɛt ka ɛnɛ ngoy mɛ de, nɛ hio mɔ ka ɛnɛ de nɛ wal mɛkaramɔ.

1 Tesalonike 1:5

Hazu ɔ tɛ bul *Dede Wen ha ɛnɛ sɔna nɛ nu na, ma, ɔ bulo yo nɛ ngatɛ nɛ wal *Nzɔy-Sɔtɛ. Ɔ ingɔ nɛkpasa nde, Dede Wen ka ɔ bul, yo nê tɛwen. Ey, ɛnɛ ingɔ nde, mɔ fɛt ka ɔ dea ha soko ɛnɛ, ɔ dea yo hazu gbakiri ɛnɛ.

2 Korente 5:17

Mɛgi, wi ka de sɔy hinɛ Christ, tɛ bo nê mbombe wi. Mɔa mɔ pena, nɛ mbombe mɔ hɔa kari.

Deamɔ 26:18

Mi betomsi mɛ hazu gbosisi gbali mbwa nde, mbwa agbo ha tutum tɛ ha saamɔ, gbo ha si ziomɔ pɛ *Satan tɛ ha pɛ Sɔ. Ka mbwa mɛkara mi, mi bebisi *sɛmbɔ pɛ mbwa, nɛ mi begde mbwa ha soko hio nzɔy wi pɛ Sɔ.›»

Jean 3:6

Wi ka ɛ bhɛ nɛ wal multɛ, wɛnɛ nɛ tunɔ nɛ wal multɛ. Nɛ wi ka ɛ bhɛ nɛ wal Nzɔy-Sɔtɛ, wɛnɛ nɛ tunɔ nɛ wal Nzɔy-Sɔtɛ.

Filipe 3:21

A bekifiri hio mɔka kilitɛ ɔ gde nɛ lɛkɛ-lɛkɛa tuka kilitɛ wa. A bede yo nɛ wal ndangtɛ ziomɔ ɛngɛ ka de nde, wɛnɛ agan zu mɔ fɛt.

1 Pierre 4:11

Wi ka kpaa ngatɛ mɛ de nɛ tom bulo wen, dea nde, wɛnɛ abul nɛ wen ka tɛ nɛ wal pɛ Sɔ. Nɛ wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa nɛ wal ngatɛ pɛ Sɔ. Mɛgi ɛnɛ de mɔ ndɔng fɛt tuka nde, hio wi alukisi Sɔ nɛ wal Jésus-Christ, ka dung nɛ *lɛkɛ-lɛkɛmɔ, nɛ ziomɔ kpoo nɛ kpoo. Amen.