Efeze 1:10 - Takarata pɛ Sɔ Mbombe Mbon

¹⁰ Mɔ ɛngɛ ka Sɔ belɛmsiri ha dede ngimɔ, yo nde, a bewesiri hio mɔ ha zang ngɔn nɛ zu nu fɛt gde ha kɔ Christ nde, wɛnɛ adung wan hazua.

Efeze 1:10 Referans Kwoze

Kolose 1:20

Nɛ wal Bewei pɛa, Sɔ bheka fin mɛ bhɔngiri hio wen fɛt ha soko wa nɛ nzan. Sɔ gdea gaamɔ ha soko wa nɛ hio wi nɛ wal tɔktɛ Bewei pɛa ka sɛa ha getakate. Nɛ wal dea mɛgi, Sɔ bhɔngara mɔ ha soko wa nɛ hio mɔ fɛt ka dung ha zu nu nɛ ha zang ngɔn.

Galasi 4:4

Ma, ka ngimɔ ka Sɔ baweki lɛma kari, a tomsa Bewei pɛa. Bhoko bhɛa wɛnɛ, nɛ a dungɔ ha si *mbonga pɛ Moïse.

Marc 1:15

a tɔa: «Ngimɔ lɛma kari. *Kongakandɔ pɛ Sɔ tɛ bo sanga nɛ ɛnɛ. Ɛnɛ kifiri sila nɛ ɛnɛ mɛkiri Dede Wen pɛ Sɔ.»

Hebro 1:2

Ma, ha hio kpogio yala sising, Sɔ wolamɔ ha ɔ nɛ wal Bewei pɛa. Sɔ bade nzan fɛt nɛ wal wɛnɛ, nɛ a gdea wɛnɛ wan hazu mɔ fɛt.

Kolose 1:16

Nɛ wal wɛnɛ, Sɔ dea hio mɔ fɛt ha zang ngɔn gbesi nɛ hio mɔ ha zu nu, hio mɔ ka wi zɔk gbesi nɛ hio mɔ ka wi zɔk na, hio konga sɔtɛ, hio zio sɔtɛ, hio sɔtɛ gan zu mɔ, nɛ hio nga sɔtɛ. Sɔ dea mɔ fɛt nɛ wal wɛnɛ tuka nde, mɔ ndɔng fɛt alukisi wɛnɛ.

1 Pierre 1:20

Sɔngsi bhee gde Sɔ tɛ de ka nzan na, a baweki Christ hazu de tom ɛngɛ. Nɛ sising ha kpogio ngimɔ ɛngɛ, Sɔ tomsa wɛnɛ ha nzan hazu kpasisi ɛnɛ.

Efeze 3:15

Yo nê wɛnɛ ka dea nɛ pam hio mɔ fɛt ka dung nɛ tunɔ ha zang ngɔn nɛ ha zu nu.

Gbasamɔ 5:9

Mbwa ha bea ma mbombe gima nde: «Mɛ nɛ kongaa mɛ ku takarata ɛngɛ nɛ kusi hio gdangi ha nua yunɛ. Hazu ɛ bagbɛ mɛ, nɛ mɛ hɛa hio wi ha Sɔ nɛ tɔktɛ mɛ. Hio wi ndɔng nê mɔ nugala fɛt, mɔ nu le fɛt, mɔ kandɔ fɛt, mɔ kandɔnu fɛt.

Efeze 1:22

Sɔ gdea hio mɔ fɛt ha si ziomɔ pɛ Christ, nɛ a gdea wɛnɛ tuka wan hazu *giliwi mɔ eglize fɛt.

1 Korente 11:3

Ma, mi ngoya nde, ɛnɛ aing nde, Christ nê wan hazu wei fɛt, wei nê wan hazu ko pɛa, nɛ Sɔ nê wan hazu Christ.

Hebro 11:40

Hazu mɔ ka Sɔ bheka, yo nɛ dedea pentɛ hazu ɔ. A bheka nde, mbwa akeri nɛ ɔ tuka nde, wɛnɛ alɛmsiri mɔ fɛt wɛɛ hazu ɔ hinɛ mbwa fɛt gbesi.

Kolose 3:11

Mɛgi, kandɔ *zuife, hio olo kandɔ, hio wan-gɔn sɔru, hio wan-sɔru, hio wi mɔ bebe le, hio tombɔ, hio bala nɛ hio bele, mbwa fɛt bo fin nɛtɛ-nɛtɛ na. Gasa mɔ, yo ka nê Christ, ka dung ang ha tɛ mbwa fɛt.

Efeze 2:15

A tukolo hio haanu nɛ hio mbɔla pɛ *mbonga pɛ hio zuife yunɛ. A dea mɛgi hazu wesiri hio zuife nɛ ɛ ndɔng ka bo nê zuife na, gde tuka mbombe wi ndang, ka de sɔy hinɛ wɛnɛ. Nɛ wal dea mɛgi a gdea gaamɔ ha soko mbwa.

1 Korente 10:11

Mɔ ndɔng bahɔ ha tɛ hio ngbabafa ɔ hazu gba tazu hio olo wi. Nɛ ɛ ngɛraka yo ha zang takarata pɛ Sɔ hazu osi nɛ mɔ ha ɔ, ka dung sanga nɛ kpogio ngimɔ.

Matthieu 25:32

Nɛ hio kandɔ fɛt bewesiri may ha si mi, nɛ mi bekɛtini soko mbwa gbesi tuka zaoro kɛtini nɛ soko sami nɛ gbele mbori.

Hebro 9:10

Hio mɔ ndɔng, yo sɔna nê hio mbonga pɛ wi hazu hio yɔnga nɛ nɔa mɔ, nɛ hazu hio tili wal mɛ sasisi tɛ ha li Sɔ. Nɛ tom pɛ hio mbonga ndɔng kara ha ngimɔ ka Sɔ gdea kpasa mɔ ha bhandia.

Efeze 3:2

Ɛnɛ zea kari nde, Sɔ haa mi tom mɛ tɔ ha ɛnɛ wen *dede sila pɛa, ka wɛnɛ de ha tɛ ɛnɛ.