Biblia Todo Logo
Bib sou entènèt

- Piblisite -




Deamɔ 9:27 - Takarata pɛ Sɔ Mbombe Mbon

27 Ma, Barnabas kuo wɛnɛ nɛnɛ ha pɛ hio *wan-nɛtom nɛ tɔa ha mbwa: «Saul zɔka *Kongawan ha liwal Damas nɛ Kongawan wolamɔ ha wɛnɛ. Hapata Saul bulo wen nɛ da nɛ ling Jésus ha hio wi mɛ Damas.»

Gade chapit la Kopi




Deamɔ 9:27
20 Referans Kwoze  

Ma bezang pɛ Lévi ang, ling wa nde, Joseph. Ɛ bhɛa wɛnɛ ha Shipre. Hio wan-nɛtom haa ma ling wa nde, Barnabas, ka tɔ nde, wan-yɔkili wi.


Nɛ sising, Kongawan, mɛ ze wen pɛ mbwa nde, mbwa bede ngamɔ ha tɛ ɔ. Mɛ ngasisi ɔ, hio wan-tom pɛ mɛ, ka ɔ abul wen pɛ mɛ nɛ da.


Ka hio wan-kpo zuwen zɔka da pɛ Pierre nɛ Jean, mbwa yaksa, hazu mbwa ingɔ nde, wi ndɔng bwa nê hio gele wi ka tɛ yambi dɔka mɔ na. Ma, mbwa ingɔ nde, wi ndɔng bwa badung hinɛ Jésus.


Nɛ hio olo wi pɛ Christ mɔ kandɔ zuife fɛt angara dea dambari gbesi tuka Pierre. Ngase Barnabas fin nɛ pɛa tɛ, a lesasa tɛ wa ha zang dambari ɛngɛ.


Jacques, Pierre nɛ Jean, ka hio wi pɛ Christ mɛkara tuka hio wi mɔ zu eglize, mbwa zɔka nde, Sɔ haa tom ɛngɛ ha mi. Yo nê ɛngi, ka mbwa fana mi hinɛ Barnabas nɛ kɔ hazu osi nde, ɔ hinɛ mbwa, ɔ tɛ bo nê sɔy-tom ha bulo Dede Wen. Mbwa bebhɔn ha dea tom ha soko kandɔ zuife, nɛ ɔ benɛ nɛ de tom ha soko hio olo kandɔ.


Nɛ kpogio wi hapata mbwa fɛt, wɛnɛ osa tɛ wa fin ha mi ka dung tuka gboa bem.


Mi hinɛ Barnabas ha dea tom nɛ kɔ ɔ hazu gbakiri nɛ tɛ ɔ. Yo sɔna nê ɔ ka mɔ nɔsisi mɛ de mɛgi nde?


Paul nɛ Barnabas kafa wen ɛngɛ nɛ sio kafɛ nɛngaya hinɛ wi ndɔng. Ɛ bhɔngara wen nde, Paul, Barnabas nɛ hio ma wi anɛ ha Jérusalem, nɛ gde wen mɔ ɛngɛ ha li hio *wan-nɛtom nɛ hio kotowi mɔ eglize.


Ma swe ka mbwa dungɔ ha lukoso *Kongawan nɛ zimɔ yɔngamɔ, Nzɔy-Sɔtɛ tɔa ha mbwa: «Ɛnɛ gde Barnabas nɛ Saul nɛtɛ hazu mi saa mbwa ha dea ma tom nɛtɛ.»


Ka Barnabas hinɛ Saul karsa tom pɛ mbwa ha Jérusalem, mbwa kuo Jean, ka ɛ sa fin nde Marc, sinɛ hinɛ mbwa.


Hapata Barnabas guotɛ haki nɛ ha Tarse hazu ki Saul.


*Giliwi mɔ eglize ha Jérusalem zea kasia. Mɛgi, mbwa tomsa Barnabas nɛ ha Antioshe.


Mɛgi, Ananias pena nɛ lea twa ɛngi. A gdea kɔ ha zu Saul nɛ tɔa: «Saul, ya mi, yo nê Kongawan Jésus ha tomsi mi ha mɛ. Yo nê wɛnɛ ka gbasa tɛ ha mɛ ka mɛ ha tɛa ha liwal. A tomsa mi nde, mɛ azɔk mɔ nɛ mbinga, nɛ nde, mɛ adon nɛ *Nzɔy-Sɔtɛ.»


A wola wen nɛ sio kafɛ hinɛ hio *zuife ka wol nu greke, ma, mbwa kio wal mɛ gbɛ wɛnɛ.


Swiv nou:

Piblisite


Piblisite