Deamɔ 9:15 - Takarata pɛ Sɔ Mbombe Mbon

¹⁵ Ma, Kongawan tɔa ha wɛnɛ: «Mɛ nɛ, hazu mi weka wi ɛngɛ tuka wan-tom pɔm. A begbasi ling mi ha hio kandɔ ka bo nê zuife na, ha hio *kongapora pɛ mbwa, nɛ fin ha kandɔ zuife.

Deamɔ 9:15 Referans Kwoze

Rome 11:13

Sising, mi wolmɔ ha ɛnɛ, ka bo nê zuife na. Mi nê *wan-nɛtom ka Sɔ tomsa ha hio kandɔ ka bo nê zuife na. Nɛ mi nɛ totɛ hazu tom pɔm.

Rome 1:5

Jésus-Christ dea *dede sila ha tɛ mi hazu a weka mi tuka wan-nɛtom pɛa nde, mi ade tom pɛa. A haa mi tom hazu nɛ nɛ bul wen pɛa ha hio kandɔ fɛt ka bo nê *zuife na, tuka nde, mbwa amɛkiri wɛnɛ, nɛ nde, mbwa aze nu wa.

1 Timothée 2:7

Yo nê hazu ɛngi, ka Jésus-Christ gdea mi wan-bul wen nɛ *wan-nɛtom pɛa. Mi ha tɔa nɛ tɛwen, yo bo nê dalo na. A gdea mi fin wan-osimɔ ka mi aosi goto mɛkaramɔ nɛ tɛwen ha hio wi ka bo nê *zuife na.

2 Timothée 2:4

Wan-bibulo ka ngoy ha totɛ ha kagama pɛa, a lɛm gde sila wa ha tom pɛ hio gbele wi na.

Deamɔ 22:21

Mɛgi, Kongawan tɔa ha mi: ‹Mɛ pen, hazu mi ngoy tomsi mɛ nɛ yɛa ha soko hio mbing kandɔ!›»

Jean 15:16

Yo bo nê ɛnɛ ka weka mi tuka wan-osimɔ na. Ma, yo nê mi ka weka ɛnɛ tuka nde, ɛnɛ anɛ nɛ way waya ka bebhɔn kpoo. Mɛgi, Bafa mi beha ɛnɛ mɔ fɛt ka ɛnɛ beani nɛ ling mi.

2 Timothée 1:11

Sɔ gdea mi tuka *wan-nɛtom nɛ wan-osimɔ ha tom bulo Dede Wen ɛngɛ.

Galasi 1:1

Yo nê mi Paul ha ngɛriki takarata ɛngɛ. Yo bo nê wi ha weki mi gde *wan-nɛtom na, nɛ yo bo fin nɛ wal wi ka mi tɛa wan-nɛtom na. Ma, yo nê Jésus-Christ, ka Sɔ guo ha soko hio fiowi, hinɛ Sɔ, Bafa wa, ha weki mi.

1 Korente 15:10

Ma, nɛ wal *dede sila pɛ Sɔ, mi tɛ bo nê wi ka ɛnɛ zɔk wɛnɛ sising. Nɛ dede sila ka wɛnɛ dea ha tɛ mi, yo bo nɛ gbelea na, hazu mi dea tom nɛ ngaya pen hio olo wan-nɛtom fɛt. Ma, yo bo nê mi nɛ tɛ mi ha de tom na, yo nê Sɔ nɛ wal dede sila pɛa ha tɛ mi.

Deamɔ 13:2

Ma swe ka mbwa dungɔ ha lukoso *Kongawan nɛ zimɔ yɔngamɔ, Nzɔy-Sɔtɛ tɔa ha mbwa: «Ɛnɛ gde Barnabas nɛ Saul nɛtɛ hazu mi saa mbwa ha dea ma tom nɛtɛ.»

Matthieu 10:18

Ɛ begde ɛnɛ ha li hio gɔfɔrma nɛ ha li hio *kongapora hazu ɛnɛ nê wi pɔm. Mɔ ndɔng beha ɛnɛ wal mɛ kɛ wen pɛ Sɔ ha mbwa nɛ ha hio wi ka bo nê *zuife na.

Gbasamɔ 17:14

Mbwa bebi bulo sungiri nɛ Besami. Ma, Besami began zu mbwa, hazu wɛnɛ nê *Kongawan ha zu hio kongawan fɛt, nɛ Kongapora ha zu hio kongapora fɛt. Nɛ hio wi ka wɛnɛ saa nɛ weka mɛ dung nê pɛa, nɛ ka dung nɛ mboazu, mbwa bedung fin wan-gan bulo hinɛ wɛnɛ gbesi.»

Deamɔ 27:24

Wɛnɛ tɔa: ‹Paul, ka mɛ ayu ke na! Dea ka de nde, mɛ yol ha li *kongapora Sezar. Hazu wen pɛ mɛ, Sɔ bekpasisi wi ndɔng fɛt, ka yal hinɛ mɛ.›

Deamɔ 26:32

Nɛ Agripa tɔa ha Festus: «Ɔ lɛma dak kɔ ha tɛ wa, ma, a ngoya nde, kongapora Sezar agɔn kita ha zu wa.»

Deamɔ 25:22

Agripa tɔa ha Festus: «Mi fin, mi ngoya ze wia.» Nɛ Festus kɔa nɛ tɔa: «Ey, mɛ beze wɛnɛ nɛ mɔsaa.»

Deamɔ 21:19

Paul fana mbwa, nɛ a baa kasi dedemɔ ndang ndang fɛt, ka Sɔ dea nɛ wal wɛnɛ ha soko hio wi ndɔng, ka bo nê *zuife na.

Deamɔ 28:17

Hapata yala tar, Paul saa hio gasa wi pɛ hio *zuife mɔ Rome ha pɛa. Ka mbwa wesara may, Paul tɔa ha mbwa: «Hio ya mi, mi tɛ de ma gdangamɔ ndang sungiri nɛ kandɔ *Israel, mana sungiri nɛ ndɔki deamɔ pɛ hio ngbabafa ɔ na. Ngase ɛngi, ɛ baa mi ha Jérusalem gde ha kɔ hio wi mɔ Rome.

Deamɔ 22:14

A tɔa fin: ‹Sɔ pɛ hio ngbabafa ɔ weka mɛ sɔngsi hazu nde, mɛ aing mɔ, ka wɛnɛ ngoya, nɛ nde, mɛ azɔk Jésus, *nzeng wi pɛ Sɔ, nɛ ze gɛl wa.

Deamɔ 26:1

Agripa tɔa ha Paul: «Mi ha mɛ ngimɔ hazu kɛ wen tɛ mɛ.» Paul pɛa kɔ nɛ a kɛa wen tɛ wa mɛgɛ:

Deamɔ 28:28

Paul tɔa fin: «Mɛgi, ɛnɛ aing nde, Sɔ tomsa wen ɛngɛ ha hio olo kandɔ nde, a bekpasisi mbwa. Pɛ mbwa, mbwa beze.» [

Rome 1:1

Yo nê mi Paul, wan-tom pɛ Jésus-Christ ha ngɛriki takarata ɛngɛ tomsi ha ɛnɛ. Sɔ weka mi gde tuka *wan-nɛtom pɛa nde, mi anɛ nɛ bul *Dede Wen pɛa.

1 Korente 9:16

Tom bulo Dede Wen ka mi ha dea, mi lɛm mɛ sutɛ ang na, hazu yo nê Sɔ ka nɔsisi mi mɛ de tom ɛngɛ. Oee, ngɔtɛ ha mi ka mi bul Dede Wen na.

Efeze 3:1

Mi, Paul, dung ha twa zɔbhɔ hazu mi ha bulo *Dede Wen hazu Jésus-Christ ha ɛnɛ, hio wi ka bo nê zuife na.