Deamɔ 8:7 - Takarata pɛ Sɔ Mbombe Mbon

⁷ Philippe yinɔ hio dɔka gdanga sɔtɛ, ka gboa ha tɛ hio wi nɛ gdɔra nɛ ngagɛl. A kpasasa fin hio dɔka wan-zɛlɛ mɛla nɛ hio kumɔ wi.

Deamɔ 8:7 Referans Kwoze

Matthieu 10:1

Jésus wesara hio *wan-yambimɔ pɛa bhukɔ gbala bwa. A haa mbwa ziomɔ hazu yin hio gdanga sɔtɛ, nɛ hazu kpasisi hio wan-zɛlɛ nɛ hio kumɔ wi fɛt.

Deamɔ 5:16

Hio giliwi guotɛ ha hio le hapɛtɛ Jérusalem nɛ kuo hio wan-zɛlɛ, nɛ wi ndɔng ka gdanga sɔtɛ yeksi mbwa tɛnɛ, nɛ mbwa fɛt kpasa.

Hebro 2:4

Ha ndangtɛ ngimɔ, Sɔ fin osa nde, wen ɛngɛ nê tɛwen, nɛ wal hio *mɔweka, hio *mɔkifi, hio tili *mɔbhana nɛtɛ-nɛtɛ, nɛ fin nɛ wal hio ngatɛ pɛ *Nzɔy-Sɔtɛ, ka wɛnɛ haa ha hio wi tuka sila wa ngoya.

Jean 14:12

Kpasawen mi tɔ ha ɛnɛ, wi ka mɛkiri mi, a bede tom ndɔng ka mi ha dea. Nɛ wia bede gasa tom pen mi, hazu mi ha kiforoa si hapɛtɛ Bafa mi.

Dede Wen hazu Jésus-Christ ka Luc ngɛraka 10:17

Hio wan-yambimɔ bhukɔa mɔrkɔ zu bhuze bwa gbala bwa kiforo nɛ totɛ. Nɛ mbwa tɔa ha Jésus: «*Kongawan, ɔ haa nu ha hio gdanga sɔtɛ nɛ ling mɛ, nɛ mbwa fin zea nu ɔ.»

Marc 9:26

Nɛ gdanga sɔtɛ gdɔra, a fesa bem nɛngaya nɛ a gboa ha tɛ wa. Nɛ bem ɛngɛ dungɔ tuka a fea fe. Nɛ hio dɔka wi tɔa nde, a fea kari.

Matthieu 11:5

‹Hio wan-gdɔka li zɔka mɔ, hio kumɔ wi nɛa nɔ, tɛ hio wan-doko saa, hio wan-gdɔka zala zea mɔ, hio fiowi kiforo ha tunɔ, nɛ hio fabha wi ha zea Dede Wen.›

Matthieu 4:24

Nɛ kasi tɛ wa yambala hɔ ha kandɔnu Siri fɛt. Mɛgi ɛ kaya hio wi ndɔng fɛt ka dung nɛ tili zɛlɛ nɛtɛ-nɛtɛ tɛnɛ ha pɛa, nɛ fin hio bala ha kɔ gdanga sɔtɛ, hio wan-zɛlɛ bedole, nɛ hio wan-zɛlɛ mɛla. Nɛ Jésus kpasasa mbwa fɛt.

Deamɔ 8:6

Hio giliwi zea wen hio *mɔweka ka Philippe ha dea, nɛ mbwa zɔka yo fin. Mɛgi mbwa dungɔ sɛm nɛ lɛnga zala hazu ze wen pɛa.