Deamɔ 7:60 - Takarata pɛ Sɔ Mbombe Mbon

⁶⁰ Hapata, a teka nɛ zigolo ha nu, nɛ gdɔra nɛ ngagɛl: «Kongawan, mɛ bisi *sɛmbɔ ɛngɛ ha zu mbwa.» Nɛ hapata wen ndɔng, a fea.

Deamɔ 7:60 Referans Kwoze

Matthieu 5:44

Ma, pɔm, mi tɔ ha ɛnɛ nde, ɛnɛ angoy hio ngana pɛ ɛnɛ, nɛ ɛnɛ agɔ Sɔ hazu wan-namili ɛnɛ.

Dede Wen hazu Jésus-Christ ka Luc ngɛraka 23:34

Nɛ Jésus tɔa: «Bafa mi, bisi *sɛmbɔ pɛ mbwa, hazu mbwa ing mɔ ka mbwa de na.» Nɛ hio wan-bibulo kapana la pɛa ha soko may nɛ wal dea mbela.

1 Korente 15:20

Ma, yo nê kpasawen nde, Christ guotɛ ha soko hio fiowi nɛ bosia. Ɛngi osi long nde, hio fiowi fɛt begutɛ bin.

Deamɔ 20:36

Ka Paul tɔa wen ndɔng kari, a ngbio zigolo hinɛ mbwa nɛ a gɔa Sɔ.

Deamɔ 9:40

Mɛgi, Pierre haa nu nde, wi fɛt agbo. A ngbio zigolo ha nu nɛ gɔa Sɔ. Hapata, a kiforo tɛ zɔk wɔl nɛ tɔa: «Tabita, mɛ gutɛ!» Nɛ wɛnɛ bhaa li. Ka wɛnɛ zɔka Pierre, a guotɛ dung nu.

Dede Wen hazu Jésus-Christ ka Luc ngɛraka 6:28

Ɛnɛ awol dede wen ha zu wi ndɔng ka fom ɛnɛ. Ɛnɛ agɔ Sɔ hazu ɛ ndɔng ka yukiti ɛnɛ.

1 Korente 15:18

Nɛ ka mɔ bo mɛgi, ki wi ndɔng ka bafe ha dea sɔy hinɛ Christ, mbwa bhonda bhondi.

Deamɔ 21:5

Ma, ka yala ndɔng kara, ɔ guotɛ pen ha yali. Hio wi pɛ Christ fɛt, tɛ ba nɛ hio bhoko nɛ hio bem, nɛa hinɛ ɔ ha gdong le. Ka ɔ hɔa ha nukolo nana-litɔng, ɔ ngbio zigolo nɛ gɔa Sɔ.

Deamɔ 13:36

Ha ngimɔ pɛa, David dea mɔ ka sila Sɔ ngoya, hapata a fea fin. Ɛ gunɔ wɛnɛ hapɛtɛ hio ngbabafa wa, nɛ tɛ wa yeka.

Dede Wen hazu Jésus-Christ ka Luc ngɛraka 22:41

Hapata Jésus tiko fin nɛ yɛa tikiring. Haki, a ngbio zigolo nɛ gɔa Sɔ,

1 Tesalonike 5:10

Hazu Christ fea gɔn zu ɔ tuka nde, ɔ adung nɛ zutunɔ hinɛ wɛnɛ gbesi, ngase ka ɔ fea, ngase ka ɔ bhɔna nɛ zutunɔ ha pea pɛa.

1 Korente 15:6

Hapata, a osa tɛ wa ha hio ya ha Christ pen gɔmmay mɔrkɔ ha ndangtɛ ngimɔ. Hio ma ha soko mbwa fea, ma, suloa bhɔna ka nɛ zutunɔ gbo ha swe mɛsɛ.

Matthieu 27:52

Hio zupisi gboa long, nɛ hapata ka Jésus guotɛ kari, hio dɔka nzɔy wi ka bafe guotɛ nɛ kili tɛ. Mbwa gboa ha zang kɔfio, le ha nzɔy le Jérusalem, nɛ osa tɛ ha hio dɔka wi.

1 Korente 11:30

Yo nê hazu ɛngi, ka dɔka wi ha soko ɛnɛ nɛ zɛlɛ nɛ mɔka tɛ, nɛ ka hio ma mbinga fea.

1 Korente 15:51

Ɛnɛ zɔk, mi begbasi ma mɔ wuso ndang ha ɛnɛ: Ɔ lɛm fe fɛt na, ma, tɛ ɔ bekpali

Jean 11:11

Hapata wen ndɔng, Jésus tɔa ha hio wan-yambimɔ: «Dan ɔ, Lazare ha ɔala. Ma, mi benɛ nɛ tunsi wɛnɛ.»

2 Timothée 4:16

Ha bosi ngimɔ ka mi kɛa wen tɛ mi ha li kita, ma wi ndang tɛ le gdong mi na. Wi fɛt laka mi gde. Ka Sɔ atɔl yo tuka gdangamɔ ha zu mbwa na.

2 Pierre 3:4

nɛ mbwa beani ɛnɛ: «Jésus-Christ ka gɔna nu ha ɛnɛ nde, a bepe kɛ, a hɔa kari nde? Hio bafa ɔ fea kari, nɛ hio mɔ fɛt bhɔna ka ha zu nu gbesi tuka ka Sɔ bade nɛ.»